ಗೇರುಹಣ್ಣು ಸಂಸ್ಕರಣೆ ತರಬೇತಿ

ಕೋಟ: ಕರಾವಳಿ ಭಾಗದಲ್ಲಿ ಗೇರು ಹಣ್ಣು ಹೇರಳವಾಗಿ ಸಿಗುತ್ತಿದ್ದರೂ, ಹಣ್ಣನ್ನು ಹೆಚ್ಚಾಗಿ ಉಪಯೋಗಿಸದೆ ಹಾಳಾಗುವುದೇ ಹೆಚ್ಚು. ಗೇರು ಹಣ್ಣಿನ ವೌಲ್ಯವರ್ಧನೆ ಮಾಡಿ ಮಾರಾಟ ಮಾಡಿದಲ್ಲಿ ಹೆಚ್ಚಿನ ಲಾಭ ಗಳಿಸಬಹುದು ಎಂದು ಬ್ರಹ್ಮಾವರ ವಲಯ ಕೃಷಿ ಸಂಶೋಧನಾ ಕೇಂದ್ರದ ಸಹ ಸಂಶೋಧನಾ ನಿರ್ದೇಶಕ ಡಾ. ಎಂ. ಹನುಮಂತಪ್ಪ ಹೇಳಿದರು.
      ಬ್ರಹ್ಮಾವರದ ಕೃಷಿ ವಿಜ್ಞಾನ ಕೇಂದ್ರ ಮತ್ತು ಕೊಚ್ಚಿಯ ಗೇರು ಮತ್ತು ಕೋಕೋ ಅಭಿವೃದ್ಧಿ ನಿರ್ದೇಶನಾಲಯದ ಆಶ್ರಯದಲ್ಲಿ ಗುರುವಾರ ರೈತ ಮಹಿಳೆಯರು ಹಾಗೂ ಸ್ವಸಹಾಯ ಗುಂಪಿನ ಸದಸ್ಯರಿಗೆ ನಡೆದ ಒಂದು ದಿನದ ಗೇರು ಹಣ್ಣಿನ ಸಂಸ್ಕರಣೆ ತರಬೇತಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. 
       ಶಿಕ್ಷಕಿ ಫ್ಲೋರಾ ನರೋನಾ ಮಾತನಾಡಿ, ಸರಕಾರದ ಹಲವಾರು ತರಬೇತಿಗಳು ಹಳ್ಳಿಯ ಜನರಿಗೆ ತಲುಪುತ್ತಿಲ್ಲ. ಆದರೆ ಕೃಷಿ ವಿಜ್ಞಾನ ಕೇಂದ್ರ ಹಳ್ಳಿಯ ಮಹಿಳೆಯರಿಗೆ ನಡೆಸುವ ಹಲವು ತರಬೇತಿಗಳಿಂದ ಅವರಲ್ಲಿ ಕೃಷಿಯ ಬಗ್ಗೆ ಆಸಕ್ತಿ ಹೆಚ್ಚಿಸಿದೆ ಎಂದರು. 
       ಕಾರ್ಯಕ್ರಮದ ಸಂಯೋಜಕಿ ಡಾ. ಜಯಲಕ್ಷ್ಮೀ ಎನ್. ಹೆಗಡೆ ಮಾತನಾಡಿ, ಕೇಂದ್ರದಲ್ಲಿ ವರ್ಷ ಪೂರ್ತಿ ಹಲವಾರು ತರಬೇತಿಗಳನ್ನು ರೈತ ಹಾಗು ರೈತ ಮಹಿಳೆಯರಿಗಾಗಿ ಹಮ್ಮಿಕೊಳ್ಳುತ್ತಿದ್ದು, ಅವುಗಳ ಉಪಯೋಗ ಪಡೆದುಕೊಳ್ಳಿ ಎಂದು ಸಲಹೆ ನೀಡಿದರು. 
      ಸಹಾಯಕ ಪ್ರಾಧ್ಯಾಪಕ ಶಂಕರ ಎಂ. ಗೇರು ಹಣ್ಣಿನ ಸಂಸ್ಕರಣೆ ಮತ್ತು ವೌಲ್ಯವರ್ಧನೆ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ನೀಡಿ ಗೇರು ಹಣ್ಣಿನ ಸಿರಪ್ ತಯಾರಿಕೆಯನ್ನು ಪ್ರಾತ್ಯಕ್ಷಿಸಿದರು. ಸಂಜೀವ್ ಕ್ಯಾತಪ್ಪ ಸ್ವಾಗತಿಸಿದರು. ಕುಚಲಯ್ಯ ವಂದಿಸಿದರು. ಡಾ. ರಾಜಶೇಖರ ಟಿ. ಬಸನಾಯಕ ಕಾರ್ಯಕ್ರಮ ನಿರೂಪಿಸಿದರು. ವಿದ್ಯಾಶ್ರೀ ಎಸ್.ಎಂ. ಕಾರ್ಯಕ್ರಮ ಸಂಯೋಜಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :
 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com