ಬೇಳೂರು ಸ್ಫೂರ್ತಿಧಾಮ ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟ

ಕುಂದಾಪುರ: ಬೇಳೂರಿನ ಸ್ಫೂರ್ತಿಧಾಮದ ಅನಾಥ, ವಂಚಿತ ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟ ವ್ಯವಸ್ಥೆ ಕಲ್ಪಿಸಲಾಗಿದೆ. ಜಿ.ಪಂ. ಅಧ್ಯಕ್ಷ ಉಪೇಂದ್ರ ನಾಯಕ್, ಉಪಕಾರ್ಯದರ್ಶಿ ಪ್ರಾಣೇಶ್ ರಾವ್, ಶೈಕ್ಷಣಿಕ ಸ್ಥಾಯಿ ಸಮಿತಿ ಅಧ್ಯಕ್ಷ ಗಣಪತಿ ಟಿ. ಶ್ರೀಯಾನ್, ಜಿ.ಪಂ. ಸದಸ್ಯ ಅರುಣ್ ಶೆಟ್ಟಿ ಅವರೊಂದಿಗೆ ಸ್ಫೂರ್ತಿಧಾಮಕ್ಕೆ ಭೇಟಿ ನೀಡಿದ್ದು, ವಿಚಾರಣೆ ವೇಳೆ ಬಿಸಿಯೂಟ ಮಕ್ಕಳಿಗೆ ದೊರೆಯದಿರುವುದರ ಬಗ್ಗೆ ತಿಳಿದು ತಕ್ಷಣ ಸ್ಪಂದಿಸಿ ಮಕ್ಕಳು ಬಿಸಿಯೂಟದಿಂದ ವಂಚಿತರಾಗದಂತೆ ಕ್ರಮ ಕೈಗೊಂಡಿದ್ದಾರೆ.
    ಬೇಳೂರಿನ ಸ್ಫೂರ್ತಿಧಾಮದಲ್ಲಿ ರಾಜ್ಯ, ಹೊರ ರಾಜ್ಯದ ಬಡ ಮಕ್ಕಳು ವಾಸ್ತವ್ಯವಿದ್ದು, ಶಿಕ್ಷಣ ಪಡೆಯುತ್ತಾರೆ. ಸರಕಾರದ ಯಾವುದೇ ಅನುದಾನ ಇಲ್ಲದಿದ್ದರೂ ಅವರಿವರಿಂದ ವಂತಿಗೆ ಪಡೆದು ಸಂಸ್ಥೆ ಮಕ್ಕಳಿಗೆ ಮೂರು ಹೊತ್ತು ಊಟೋಪಹಾರದ ವ್ಯವಸ್ಥೆ ಮಾಡುತ್ತಿತ್ತು. ಸುಮಾರು 20ಕ್ಕೂ ಹೆಚ್ಚು ಸಂಖ್ಯೆಯಲ್ಲಿ ಮಕ್ಕಳು ಸರಕಾರಿ ಪ್ರೌಢಶಾಲೆಗೆ ಹೋಗುತ್ತಿದ್ದರೂ ಶಾಲಾ ಆಡಳಿತ ಸ್ಫೂರ್ತಿಧಾಮದ ಮಕ್ಕಳಿಗೆ ಮಾತ್ರ ಈವರೆಗೂ ಮಧ್ಯಾಹ್ನದ ಬಿಸಿಯೂಟ ಸಿಕ್ಕಿರಲಿಲ್ಲ. ಜೂ. 27ರಿಂದ ಬಿಸಿಯೂಟ ಆರಂಭಗೊಂಡಿದ್ದು, ಸಂಸ್ಥೆ ಮುಖ್ಯಸ್ಥರು, ಮಕ್ಕಳು ಜಿ.ಪಂ.ಗೆ ಕೃತಜ್ಞತೆ ಅರ್ಪಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com