ಭಾವಾಂತರಂಗ-2013 ಕಾರ್ಯಾಗಾರ ಉದ್ಘಾಟನೆ

ಕುಂದಾಪುರ: ಶಾಲಾ ಶಿಕ್ಷಣದ ಜತೆಗೆ ವಿದ್ಯಾರ್ಥಿಗಳು ಕ್ರಿಯಾಶೀಲ ಚಟುವಟಿಕೆಯಲ್ಲಿ ಭಾಗವಹಿಸಬೇಕೆಂಬ ನೆಲೆಯಲ್ಲಿ ಹಟ್ಟಿಯಂಗಡಿ ಶ್ರೀ ಸಿದ್ಧಿವಿನಾಯಕ ವಸತಿ ಶಾಲೆ ನಡೆಸಿಕೊಂಡು ಬರುತ್ತಿರುವ ಭಾವಾಂತರಂಗ ಕಾರ್ಯಕ್ರಮ ಶ್ಲಾಘನೀಯ ಎಂದು ರಂಗಕರ್ಮಿ ಬಾಸುಮ ಕೊಡಗು ಹೇಳಿದರು.ಹಟ್ಟಿಯಂಗಡಿ ಶ್ರೀಸಿದ್ಧಿವಿನಾಯಕ ವಸತಿ ಶಾಲೆಯಲ್ಲಿ ಪರಿಪೂರ್ಣ ಬದುಕಿನೆಡೆಗೆ ನಮ್ಮ ಪಯಣ ಉದ್ದೇಶದಡಿ ಶುಕ್ರವಾರ ಹಮ್ಮಿಕೊಂಡ ಎರಡು ದಿನದ ಭಾವಾಂತರಂಗ-2013 ಕಾರ್ಯಾಗಾರ ಉದ್ಘಾಟಿಸಿ ಶುಭಕೋರಿದರು. 

ಪ್ರಿನ್ಸಿಪಾಲ್ ಶರಣ್‌ಕುಮಾರ್, ಶೈಕ್ಷಣಿಕ ಸಲಹೆಗಾರ ಶ್ರೀನಿವಾಸಮೂರ್ತಿ, ಕುಂದಾಪುರ ಸಾಧನಾ ಸಂಗಮ ಟ್ರಸ್ಟ್‌ನ ನಾರಾಯಣ ಐತಾಳ್, ಉಡುಪಿ ಆರ್ಟಿಸ್ಟ್ ಫೋರಂನ ರಮೇಶ ರಾವ್, ನಾಯ್ಕನಕಟ್ಟೆ ಸಂವೇದನಾ ಟ್ರಸ್ಟ್‌ನ ಡಾ. ಸುಬ್ರಹ್ಮಣ್ಯ ಭಟ್, ಸಂಪನ್ಮೂಲ ವ್ಯಕ್ತಿಗಳಾದ ಮುರಹರಿ ಕೊಡಗು, ಗಣೇಶ್ ಕುಕ್ಕೆಹಳ್ಳಿ, ರವಿ ನಾಯ್ಕ, ಮುಸ್ತಫಾ, ವೆಂಕಿ ಪಲಿಮಾರು, ವಸಂತ ಹೆಬ್ರಿ, ಶ್ರೀನಾಥ್, ಪಿ. ಶೇಷಪ್ಪಯ್ಯ ಹೆಬ್ಬಾರ್, ರಂಜನಾ ಎಸ್. ಹೆಗಡೆ, ಮೋಹನ ಎಸ್., ಮಂಜುನಾಥ ಮಯ್ಯ, ಹರೀಶ್ ಕಾರ್ಕಳ, ಸಂದೇಶ ಬಿ., ಸದಾನಂದ, ಪಟ್ಟಾಭಿರಾಮ ಸುಳ್ಯ ಉಪಸ್ಥಿತರಿದ್ದರು. 

ಎರಡು ದಿನದ ಕಾರ್ಯಾಗಾರದಲ್ಲಿ ರಂಗಭೂಮಿ, ಮುಖವರ್ಣಿಕೆ ಮತ್ತು ಕ್ರಾಪ್ಟ್, ಟೆರಾಕೋಟಾ, ಕಥೆ ಹೇಳುವುದು, ಪತ್ರಿಕಾ ಲೇಖನ ಬರವಣಿಗೆ, ಟೀಶರ್ಟ್ ಪೈಂಟಿಂಗ್, ಕರ್ನಾಟಕ ಸಂಗೀತ, ಕವನ ರಚನೆ, ಹಿಂದೂಸ್ತಾನಿ ಸಂಗೀತ, ಹಸೆ ಚಿತ್ರ, ಕಸಿ ಕಟ್ಟುವುದು, ಬಾಲವಿಕಾಸ, ಮಿಮಿಕ್ರಿ ಮತ್ತು ನೆರಳಿನಾಟ, ಮರಳು ಶಿಲ್ಪ, ಬಿದಿರು ಕಲೆ ಕುರಿತು ಸಂಪನ್ಮೂಲ ವ್ಯಕ್ತಿಗಳು ಮಾಹಿತಿ ಮಾರ್ಗದರ್ಶನ ನೀಡಲಿದ್ದಾರೆ.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com