ಹುಬ್ಬಳ್ಳಿ-ಮಂಗಳೂರು ರೈಲು ಓಡಾಟಕ್ಕೆ ಒತ್ತಾಯ

ಕುಂದಾಪುರ: ಕೊಂಕಣ ರೆಲ್ವೆ 24ನೇ ನೆರುತ್ಯ ವಲಯದ ವಿಭಾಗ ಮಟ್ಟದ ಸಭೆ ಹುಬ್ಬಳ್ಳಿಯಲ್ಲಿ ಇತ್ತೀಚೆಗೆ ಜರುಗಿತು. ಕರಾವಳಿ ಭಾಗದಿಂದ ಕುಂದಾಪುರ ರೆಲು ಪ್ರಯಾಣಿಕರ ಹಿತರಕ್ಷಣಾ ಸಮಿತಿಯ ಕಾರ್ಯದರ್ಶಿ, ನೈರುತ್ಯ ರೈಲ್ವೆ ವಿಭಾಗ ಮಟ್ಟದ ಪ್ರತಿನಿಧಿ ಕಾವ್ರಾಡಿ ಸಚ್ಚಿದಾನಂದ ಶೆಟ್ಟಿ ಪ್ರತಿನಿಧಿಸಿದ್ದರು. 
     ಹಾಸನ-ಮಂಗಳೂರು ಮೀಟರ್‌ಗೇಜ್‌ನಿಂದ ಬ್ರಾಡ್‌ಗೇಜ್‌ಗೆ ಪರಿವರ್ತನೆಯ ಮೊದಲು ಇದ್ದ ಮಂಗಳೂರು-ಹುಬ್ಬಳ್ಳಿ-ಮೀರಜ್ ಮಹಾಲಕ್ಷ್ಮೀ ಎಕ್ಸ್‌ಪ್ರೆಸ್ ರೈಲು ಓಡಾಟವನ್ನು ಪುನರಾರಂಭಿಸಲು ಒತ್ತಾಯಿಸಲಾಯಿತು. ಮೀಟರ್ ಗೇಜ್‌ನಿಂದ ಬ್ರಾಡ್‌ಗೇಜ್ ಪರಿವರ್ತನೆ ನಂತರ ಮೊದಲು ಇದ್ದ ಎಲ್ಲಾ ರೆಲುಗಳನ್ನು ಪುನರಾರಂಭಿಸಲು ಈ ರೈಲನ್ನು ಕೆಬಿಟ್ಟ ಬಗ್ಗೆ ಪ್ರಶ್ನಿಸಲಾಯಿತು. ಅಧಿಕಾರಿಗಳು ಈ ವಿಷಯವನ್ನು ಮಂಡಳಿಯ ಗಮನಕ್ಕೆ ತರುವುದಾಗಿ ತಿಳಿಸಿದರು. ಮಂಗಳೂರಿನಿಂದ ಹುಬ್ಬಳ್ಳಿಗೆ ಹಾಸನ ಅರಸೀಕೆರೆ ಕಡೂರು ಮಾರ್ಗವಾಗಿ ಹೋಗುವುದರಿಂದ ಉತ್ತರ ಕರ್ನಾಟಕ ಮತ್ತು ಕರಾವಳಿ ಭಾಗಕ್ಕೆ ಸಂಪರ್ಕ ದೊರೆಯುವಂತಾಗುವುದು ಎಂಬ ಅಭಿಪ್ರಾಯಕ್ಕೆ ಬರಲಾಯಿತು. ಈಗಿರುವ ಹಾಡಾ-ಮಡಗಾಂವ್ ರೆಲನ್ನು ಸುಬ್ರಹ್ಮಣ್ಯದವರೆಗೆ ವಿಸ್ತರಿಸಿ ಕರಾವಳಿ ಭಾಗದ ಪ್ರವಾಸೋದ್ಯಮಕ್ಕೆ ಅನುಕೂಲ ಮಾಡಿಕೊಡಲು ಮನವಿ ಅರ್ಪಿಸಲಾಯಿತು. ಪ್ರತಿನಿತ್ಯ ಮಂಗಳೂರು-ಮಡಗಾಂವ್‌ಗೆ ಓಡುವ ರೆಲನ್ನು ವಾಸ್ಕೊದವರೆಗೆ ವಿಸ್ತರಿಸಲು ಗೋವಾ ಶಾಸಕ ಜೆ.ಎನ್.ಕಾರ್ಲೋಸ್ ಒತ್ತಾಯಿಸಿದರು. ನೈಋತ್ಯ ವಲಯದ ಹಿರಿಯ ಅಧಿಕಾರಿಗಳು, ವಾಣಿಜ್ಯ ಮಂಡಳಿಯ ಸದಸ್ಯರು, ನಾಮಾಂಕಿತ ವಿಭಾಗ ಮಟ್ಟದ ಪ್ರತಿನಿಧಿಗಳು ಉಪಸ್ಥಿತರಿದ್ದರು.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com