ಕಾನೂನಿನಿಂದ ನಂಬಿಕೆ ಅಳಿಸಲು ಸಾಧ್ಯವಿಲ್ಲ: ಮುತಾಲಿಕ್

ಕುಂದಾಪುರ: ಪ್ರಕತಿ ಮತ್ತು ಮಾನವನ ಸಹಬ್ವಾಳೆಯಿಂದಾಗಿ ನಂಬಿಕೆಗಳು ಹಾಗೆಯೇ ಉಳಿದುಕೊಂಡು ಬಂದಿದೆ. ಇದನ್ನು ವೌಢ್ಯ ಅಥವಾ ಅಪನಂಬಿಕೆ ಅನ್ನಲು ಸಾಧ್ಯವಿಲ್ಲ. ಯಾವ ಕಾನೂನಿಂದ ನಂಬಿಕೆ ಅಳಿಸಲು ಸಾಧ್ಯವಿಲ್ಲ ಎಂದು ಶ್ರೀರಾಮಸೇನೆ ರಾಷ್ಟ್ರೀಯ ಅಧ್ಯಕ್ಷ ಪ್ರಮೋದ್ ಮುತಾಲಿಕ್ ಹೇಳಿದರು. 

 ಕೋಟೇಶ್ವರ ಶ್ರೀ ಕೋಟಿಲಿಂಗೇಶ್ವರ ದೇವಸ್ಥಾನದ ಕೊಡಿ ಹಬ್ಬದ ಅಂಗವಾಗಿ ನಡೆದ ಸಾಂಸ್ಕೃತಿಕ ಉತ್ಸವದ ಉದ್ಘಾಟನೆ ಸಮಾರಂಭದಲ್ಲಿ ಅವರು ಮಾತನಾಡಿದರು. ಇಸ್ರೋ ವಿಜ್ಞಾನಿಗಳ ತಂಡ ಮಂಗಳ ಯಾನ ಆರಂಭಿಸುವ ಮೊದಲು ದೇವರ ಮೊರೆ ಹೋಗಿರುವುದು ನಮ್ಮ ನಂಬಿಕೆಗಳನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ. ಪಾಶ್ಚಾತ್ಯ ಸಾಂಸ್ಕೃತಿಗಳ ಅತಿಕ್ರಮಣದಿಂದಾಗಿ ನಮ್ಮ ಪುರಾಣ ಸಂಸ್ಕೃತಿಗೆ ಧಕ್ಕೆಯುಂಟಾಗುತ್ತಿದೆ. ರಾಜ್ಯದಲ್ಲಿ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ ಧಾರ್ಮಿಕತೆಯ ನಾಡು. ಇಲ್ಲಿನ ಧಾರ್ಮಿಕ ಭಾವ ಮತ್ತೆಲ್ಲೂ ಸಿಗದು. ಕೋಟೇಶ್ವರ ಪಾವನ ಕ್ಷೇತ್ರ. ಸನಾತನ ಸಂಸ್ಕೃತಿಯ ದ್ಯೋತಕ ಎಂದರು. 

ಭಾರತ್ ಸೇವಾದಳ ಕುಂದಾಪುರ ಘಟಕದ ಅಧ್ಯಕ್ಷ ಗಣೇಶ್ ಶೆಟ್ಟಿ ಮೊಳಹಳ್ಳಿ ಕಾರ್ಯಕ್ರಮ ಉದ್ಘಾಟಿಸಿದರು. ದೇವಳದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಎಂ.ಪ್ರಭಾಕರ ಶೆಟ್ಟಿ ಮೂಡುಗೋಪಾಡಿ ಅಧ್ಯಕ್ಷತೆ ವಹಿಸಿದ್ದರು. ಈ ಸಂದರ್ಭ ದಾನಿ ಸತ್ಯನಾರಾಯಣ ಐತಾಳ್ ಹಾಗೂ ದೇವಾಲಯದ ಜೀರ್ಣೋದ್ದಾರಕ್ಕೆ ದುಡಿದವರನ್ನು ಗೌರವಿಸಲಾಯಿತು. ವೆಷ್ಣವಿ ಪ್ರಾರ್ಥಿಸಿದರು. ಎಂ.ಪ್ರಭಾಕರ ಶೆಟ್ಟಿ ಸ್ವಾಗತಿಸಿದರು. ಬಸವರಾಜ್ ಶೆಟ್ಟಿಗಾರ್ ಮತ್ತು ಸುಬ್ರಹ್ಮಣ್ಯ ಶೆಟ್ಟಿ ಅತಿಥಿಗಳನ್ನು ಪರಿಚಯಿಸಿದರು. ವ್ಯವಸ್ಥಾಪನ ಸಮಿತಿ ಸದಸ್ಯ ಬಿ.ಎಂ.ಗುರುರಾಜ್ ರಾವ್ ಕಾರ್ಯಕ್ರಮ ನಿರ್ವಹಿಸಿದರು. ಗ್ರಾ.ಪಂ. ಸದಸ್ಯ ಸುಕೇಶ್ ಶೇಟ್ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com