ಕೋಟಿತೀರ್ಥ: ಸತ್ತ ಮೀನುಗಳ ದಫನ

ಕುಂದಾಪುರ: ಕೋಟೇಶ್ವರ ಕೋಟಿತೀರ್ಥ ಪುಷ್ಕರಣಿಯಲ್ಲಿ ಸಾವಿಗೀಡಾಗಿರುವ ಕಾಟ್ಲಾ ಜಾತೀಯ ಮೀನುಗಳನ್ನು ಬುಧವಾರ ವಿಲೇವಾರಿ ಮಾಡಲಾಯಿತು. ದೇವಳದ ವ್ಯವಸ್ಥಾಪನಾ ಮಂಡಳಿ ಅಧ್ಯಕ್ಷ ಎಂ.ಪ್ರಭಾಕರ ಶೆಟ್ಟಿ, ಸದಸ್ಯ ಬಿ.ಎಂ.ಗುರುರಾಜ, ಸಮಾಜಸೇವಕ ಗಣೇಶ ಭಟ್, ಜಿಲ್ಲಾ ಪಂಚಾಯಿತಿ ಸದಸ್ಯ ಗಣಪತಿ ಟಿ.ಶ್ರೀಯಾನ್, ಗಣೇಶ ಆಚಾರ್ ಇನ್ನಿತರರು ದೋಣಿಯಲ್ಲಿ ಸಾಗಿ ಬುಧವಾರ ಕೆರೆಯಲ್ಲಿ ಸತ್ತು ತೇಲುತ್ತಿದ್ದು 15 ದೊಡ್ಡ ಗಾತ್ರದ ಮೀನುಗಳನ್ನು ಸಂಗ್ರಹಿಸಿ ದಡ ಸೇರಿಸಿ ದಫನ ಕಾರ್ಯ ನೆರವೇರಿಸಿದರು. 

ರಾಸಾಯಿನಿಕ ಸೇವನೆ ಶಂಕೆ: ದೇವಳದಲ್ಲಿ ಬಹಳ ವರ್ಷಗಳಿಂದ ಸುತ್ತಕ್ಕಿ ಸೇವೆ ನಡೆಯುತ್ತಲೆ ಬಂದಿದೆ. ಈಗಲೂ ಅಕ್ಕಿ ಅರ್ಪಣೆ ಕಾರ್ಯ ನಡೆದಿದೆ. ಹಿಂದೆ ನಡೆಯದ ಈ ವಿದ್ಯಮಾನ ಈಗ ಘಟಿಸಲು ಸಾಧ್ಯವಿಲ್ಲ. ಜಾತ್ರೆಯ ಸಂದರ್ಭ ಕೆರೆಯ ಸುತ್ತಲೂ ನೆರ್ಮಲ್ಯದ ಉದ್ದೇಶದಿಂದ ಆರೋಗ್ಯ ಇಲಾಖೆ ವತಿಯಿಂದ ರಾಸಾಯಿನಿಕ ಸಿಂಪರಣೆ ಕಾರ್ಯ ನಡೆಸಿದೆ. ರಾಸಾಯಿನಿಕ ಪದಾರ್ಥ ಸೇವನೆಯಿಂದ ಮೀನುಗಳು ಸಾವಿಗೀಡಾಗಿರುವ ಸಂಭವವೂ ಇದೆ. ಈ ಬಗ್ಗೆ ಕೂಲಂಕಷ ಅಧ್ಯಯನ ನಡೆಸಬೇಕು. ಮುಂದೆ ಇಂತಹ ಪರಿಸ್ಥಿತಿ ತಲೆದೋರದಂತೆ ಸಂಬಂಧಿಸಿದ ಇಲಾಖೆ ಗಮನಹರಿಸಬೇಕು ಎಂದು ದೇವಳದ ವ್ಯವಸ್ಥಾಪನಾ ಮಂಡಳಿಯ ಅಧ್ಯಕ್ಷ ಎಂ. ಪ್ರಭಾಕರ ಶೆಟ್ಟಿ ತಿಳಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com