ಕ್ರೆಸ್ತ ಸ್ತ್ರೀ ಸಂಘಟನೆ: ವಲಯ ಮಟ್ಟದ ಮದುವೆ ಹಾಡು ಸ್ಪರ್ಧೆ

ಕುಂದಾಪುರ: ಇಲ್ಲಿನ ಕ್ರೆಸ್ತ ಸ್ತ್ರೀ ಸಂಘಟನೆ ವತಿಯಿಂದ ಕುಂದಾಪುರ ವಲಯ ಮಟ್ಟದ ಕೊಂಕಣಿ ಕ್ರಿಶ್ಚಿಯನ್ ಮದುವೆಯ ಸಾಂಪ್ರದಾಯಿಕ ಹಾಡುಗಳ ಸ್ಪರ್ಧೆ ಜರುಗಿತು. 9 ಇಗರ್ಜಿಗಳ ಸಂಘಟನೆಗಳು ಸ್ಪರ್ಧೆಯಲ್ಲಿ ಭಾಗವಹಿಸಿತ್ತು. ಕುಂದಾಪುರ ಘಟಕದ ಸ್ತ್ರೀ ಸಂಘಟನೆ ಪ್ರಥಮ, ಸಾಸ್ತಾನ ಘಟಕ ದ್ವಿತೀಯ ಹಾಗೂ ಹಂಗಳೂರು ಮತ್ತು ಬಸ್ರೂರು ಘಟಕ ತೃತೀಯ ಬಹುಮಾನ ಪಡೆಯಿತು. 

ಅಧ್ಯಕ್ಷತೆ ವಹಿಸಿದ್ದ ಕುಂದಾಪುರ ವಲಯದ ಮುಖ್ಯ ಧರ್ಮಗುರು ರೆ.ಫಾ.ಅನಿಲ್ ಡಿಸೋಜ ಬಹುಮಾನ ವಿತರಿಸಿದರು. ಈ ಸಂದರ್ಭ ಬಸ್ರೂರು ಇಗರ್ಜಿಯ ಧರ್ಮಗುರು, ಕಾರ್ಯಕ್ರಮ ಸಂಚಾಲಕ ರೆ.ಫಾ.ವಿಶಾಲ್ ಲೋಬೊ ಅವರನ್ನು ಸನ್ಮಾನಿಸಲಾಯಿತು. ಸೆಂಟ್ ಮೇರಿಸ್ ಜೂನಿಯರ್ ಕಾಲೇಜಿನ ಪ್ರಿನ್ಸಿಪಾಲ್ ವಂದನೀಯ ಪ್ರವೀಣ್ ಮಾರ್ಟಿಸ್, ಉಡುಪಿ ಧರ್ಮಪ್ರಾಂತ್ಯದ ಸಂಘಟನೆಯ ಸಚೇತಕಿ ಟ್ರೀಜಾ ಮಾರ್ಟಿಸ್, ಕಾರ್ಯದರ್ಶಿ ಶಾಂತಿ ಕರ್ವಾಲೊ ಉಪಸ್ಥಿತರಿದ್ದರು. 

ಕುಂದಾಪುರ ವಲಯ ಸ್ತ್ರೀಸಂಘಟನೆಯ ಅಧ್ಯಕ್ಷೆ ವಿನಯಾ ಡಿಕೋಸ್ಟಾ ಸ್ವಾಗತಿಸಿದರು. ಸಂಘಟನೆಯ ಮಾಜಿ ಅಧ್ಯಕ್ಷೆ ಸಿಂತಿಯಾ ಡಿಸೋಜ ಸನ್ಮಾನಿತರನ್ನು ಪರಿಚಯಿಸಿದರು. ಜೆನ್ನಿ ಡೇಸಾ ಮತ್ತು ನೋರಾ ಡಿಸೋಜ ಕಾರ್ಯಕ್ರಮ ನಿರ್ವಹಿಸಿದರು. ನತಾಲಿಯಾ ಡಿಸೋಜ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com