ಏಕೀಕರಣದ ಉದ್ದೇಶ ಅರಿಯಬೇಕು: ಎಸಿ ಯೋಗೇಶ್ವರ

ಕುಂದಾಪುರ: ಕನ್ನಡ ಭಾಷಿಗರ ಏಕೀಕರಣದ ಹಿಂದಿನ ಉದ್ದೇಶ ಪ್ರತಿಯೊಬ್ಬರು ಅರಿತುಕೊಳ್ಳಬೇಕು. ಕನ್ನಡಿಗರೆಲ್ಲಾ ಒಂದೆ ಎನ್ನುವ ತತ್ವದಡಿ ನ.1, 1956ರಲ್ಲಿ ಕರ್ನಾಟಕ ರಾಜ್ಯ ಉಗಮಗೊಂಡಿತು. 1973ರಲ್ಲಿ ಕನ್ನಡ ನಾಡು ಕರ್ನಾಟಕ ಎಂದು ನಾಮಾಂಕಿತಗೊಂಡಿತು. ಆರ್ಥಿಕ ಸಮಾನತೆ, ಶೆಕ್ಷಣಿಕ ಹಿಂದುಳಿಯುವಿಕೆ ನೀಗಿಸುವುದು, ಭಾಷಾ ಸಂಸ್ಕೃತಿಯ ಅಭಿವದ್ಧಿಯ ಉದ್ದೇಶದಿಂದ ಕರ್ನಾಟಕ ಉಗಮವಾಗಿದೆ. ರಾಜ್ಯೋತ್ಸವದ ಹಿಂದಿನ ಗುರುತರ ಅರಿವು ನಮಗಿರಬೇಕು ಎಂದು ಕುಂದಾಪುರ ಸಹಾಯಕ ಕಮಿಷನರ್ ಯೋಗೇಶ್ವರ ಹೇಳಿದರು. ಶುಕ್ರವಾರ ಇಲ್ಲಿನ ಗಾಂಧಿ ಮೆದಾನದಲ್ಲಿ ತಾಲೂಕು ಆಡಳಿತ ಹಮ್ಮಿಕೊಂಡ ಕನ್ನಡ ರಾಜ್ಯೋತ್ಸವ ಸಮಾರಂಭದಲ್ಲಿ ಧ್ವಜಾರೋಹಣ ನೆರವೇರಿಸಿ ಅವರು ಸಂದೇಶ ನೀಡಿದರು. 

ಕನ್ನಡ ಭಾಷೆಯು ಜಗತ್ತಿನಲ್ಲೇ ಅತಿ ಹೆಚ್ಚು ಮಾತನಾಡುವ 27ನೇ ಭಾಷೆಯಾಗಿ ಗುರುತಿಸಿರುವುದು ಹೆಮ್ಮೆಯ ಸಂಗತಿ. ಶಾಸ್ತ್ರೀಯ ಸ್ಥಾನಮಾನ ದೊರೆತಿದೆ. ಜಿಲ್ಲೆಯ ಡಾ.ಶಿವರಾಮ ಕಾರಂತರಾದಿಯಾಗಿ ಈ ತನಕ ಎಂಟು ಮಂದಿ ಜ್ಞಾನಪೀಠ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ನವ್ಯ ಸಾಹಿತ್ಯಕ್ಕೆ ಜನ್ಮ ನೀಡಿದ ಮೊಗೇರಿ ಗೋಪಾಲಕಷ್ಣ ಅಡಿಗರು ನಮ್ಮ ಜಿಲ್ಲೆಯವರೇ ಎಂಬುವುದು ಉಲ್ಲೇಖನೀಯ. ಕನ್ನಡ ಭಾಷಾ ಸಂಸ್ಕೃತಿ ಅಭಿವದ್ಧಿಗೆ ಸರಕಾರ ಗಣನೀಯ ಸಹಕಾರ ನೀಡುತ್ತಿದೆ ಎಂದು ಅವರು ತಿಳಿಸಿದರು. ಬೆಂದೂರು ಶಾಸಕ ಕೆ.ಗೋಪಾಲ ಪೂಜಾರಿ ಮಾತನಾಡಿ ಕನ್ನಡ ನಾಡು ನುಡಿ ನೆಲಜಲ ಉಳಿಸುವ ಕೆಲಸ ಆಗಬೇಕು. ರನ್ನ, ಪಂಪ ಇನ್ನಿತರ ಮಹಾನ್ ಕವಿಗಳ ಸೇವೆ ಕನ್ನಡ ನಾಡಿನ ಸಮದ್ಧಿಗೆ ಕಾರಣವಾಗಿದೆ. ಯುವ ಪೀಳಿಗೆಗೆ ನಮ್ಮ ಹಿರಿಯರ ತ್ಯಾಗಬಲಿದಾನ ಅರಿತುಕೊಂಡು ಮುನ್ನಡೆಯಬೇಕು ಎಂದರು. 

ಕುಂದಾಪುರ ತಾಲೂಕು ಪಂಚಾಯಿತಿ ಅಧ್ಯಕ್ಷೆ ದೀಪಿಕಾ ಶೆಟ್ಟಿ, ಪುರಸಭೆ ಅಧ್ಯಕ್ಷೆ ಕಲಾವತಿ ಯು.ಎಸ್., ಕುಂದಾಪುರ ಡಿವೆಎಸ್ಪಿ ಸಿ.ಬಿ.ಪಾಟೀಲ್, ಪುರಸಭೆ ಸದಸ್ಯರಾದ ರಾಜೇಶ ಕಾವೇರಿ, ಶ್ರೀಧರ ಶೇರೆಗಾರ್, ಉಡುಪಿ ಜಿಲ್ಲಾ ಪಂಚಾಯಿತಿ ಶಿಕ್ಷಣ ಮತ್ತು ಸ್ಥಾಯಿ ಸಮಿತಿ ಅಧ್ಯಕ್ಷ ಗಣಪತಿ ಟಿ. ಶ್ರೇಯಾನ್, ಕುಂದಾಪುರ ತಹಸೀಲ್ದಾರ ಗಾಯತ್ರಿ ಎನ್.ನಾಯಕ್, ಪುರಸಭೆ ಮುಖ್ಯಾಧಿಕಾರಿ ಸದಾನಂದ ಮೊದಲಾದವರು ಉಪಸ್ಥಿತರಿದ್ದರು. 

ಶಿಕ್ಷಕ ಚಂದ್ರಶೇಖರ ಬೀಜಾಡಿ ಕಾರ್ಯಕ್ರಮ ನಿರ್ವಹಿಸಿದರು. ತಾಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಗೋಪಾಲ ಶೆಟ್ಟಿ ವಂದಿಸಿದರು. ಪೊಲೀಸ್, ಎನ್‌ಸಿಸಿ, ಸ್ಕೌಟ್ಸ್ ಮತ್ತು ಗೈಡ್ಸ್, ಭಾರತ ಸೇವಾದಳ, ಭಾರತ್ ನಿರ್ಮಾಣ್ ಸ್ವಯಂಸೇವಕರು ವತಿಯಿಂದ ಆಕರ್ಷಕ ಪಥಸಂಚಲನ ನಡೆಯಿತು. ಕನ್ನಡ ಗೀತೆಗಳ ಗಾಯನ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com