ಮ್ಯಾರಥಾನ್ ಮತ್ತು ಸಾರ್ವಜನಿಕ ಯೋಗ ಪ್ರದರ್ಶನ

ಕುಂದಾಪುರ: ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾದ ರಾಷ್ಟ್ರೀಯ ಅಭಿಯಾನ ಜನಾ ಆರೋಗ್ಯವೇ ರಾಷ್ಟ್ರಶಕ್ತಿ ಆಂದೋಲನ ಪ್ರಯುಕ್ತ ಕುಂದಾಪುರ ವಲಯದ ವತಿಯಿಂದ ಮಂಗಳವಾರ ಸಂಜೆ ಕಂಡ್ಲೂರಿನಲ್ಲಿ ಮ್ಯಾರಥಾನ್ ಮತ್ತು ಸಾರ್ವಜನಿಕ ಯೋಗ ಪ್ರದರ್ಶನ ಜರುಗಿತು. 
     ಕಂಡ್ಲೂರು ಜಾಮೀಯಾ ಮಸೀದಿಯಿಂದ ಮ್ಯಾರಥಾನ್ ಪ್ರಾರಂಭಿಸಿ ಕಂಡ್ಲೂರಿನ ಹಲವು ಮೊಹಲ್ಲಾಗಳಲ್ಲಿ ಜಾಥಾ ನಡೆಯಿತು. ಬಳಿಕ ಸಾರ್ವಜನಿಕ ಯೋಗ ಪ್ರದರ್ಶನ ಮತ್ತು ಸಭಾ ಕಾರ್ಯಕ್ರಮ ನಡೆಯಿತು. ಪಾಪ್ಯುಲರ್ ಪ್ರಂಟ್ ಉಡುಪಿ ಅಧ್ಯಕ್ಷ ನಿಸಾರ್ ಅಹಮದ್ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. 
     ಪಾಪ್ಯುಲರ್ ಪ್ರಂಟ್ ದಕ್ಷಿಣ ಕನ್ನಡ ಜಿಲ್ಲಾ ಸಮಿತಿ ಸದಸ್ಯ ಕೆ.ಅಶ್ರಫ್ ಯೋಗದ ಮಹತ್ವ ತಿಳಿಸಿದರು. ಪಾಪ್ಯುಲರ್ ಪ್ರಂಟ್ ಕುಂದಾಪುರ ವಲಯಾಧ್ಯಕ್ಷ ಹನೀಫ್ ಗಂಗೊಳ್ಳಿ ಕೆಪಿಡಿ ಬಿಡುಗಡೆಗೊಳಿಸಿದರು. ರೋಶನ್ ಫ್ರೆಂಡ್ಸ್ ಸದಸ್ಯ ಮುನೀರ್ ಕಂಡ್ಲೂರು ಶುಭಕೋರಿದರು. ಸಿಜಾರ್ ಮಲ್ಪೆ ಮತ್ತು ತಂಡದವರು ಯೋಗ ಪ್ರದರ್ಶಿಸಿದರು. ಕಂಡ್ಲೂರು ಜುಮ್ಮಾ ಮಸೀದಿಯ ಖತೀಬ ಇಲ್ಯಾಜ್ ವೌಲನಾ, ಫಜಲ್ ವೌಲನಾ, ಎಸ್‌ಡಿಪಿಐ ಮುಖಂಡ ಸುಹೆಲ್ ಕಂಡ್ಲೂರು, ಆಶೀಫ್ ಕೋಟೇಶ್ವರ ಉಪಸ್ಥಿತರಿದ್ದರು. ಅಜಂ ಬ್ರಹ್ಮಾವರ ಕಾರ್ಯಕ್ರಮ ನಿರ್ವಹಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com