ಮಾಧವ ನಾಯ್ಕರಿಗೆ ಚಂದು ಪೂಜಾರಿ ಸಂಸ್ಮರಣಾ ಪ್ರಶಸ್ತಿ

ಕೋಟ: ಸಾಸ್ತಾನ ಶ್ರೀ ಗೋಳಿಗರಡಿ ಮೇಳದ ವತಿಯಿಂದ ಪ್ರತಿ ವರ್ಷ ದಿ.ಚಂದು ಪೂಜಾರಿ ಸ್ಮರಣಾರ್ಥ ಅವರ ಮಕ್ಕಳು ಕೊಡಮಾಡುವ ಚಂದು ಪೂಜಾರಿ ಪ್ರಶಸ್ತಿಗೆ ಉತ್ತರ ಕನ್ನಡದ ಹಿರಿಯ ಕಲಾವಿದ ಅರಳಗೋಡು ಮಾಧವ ನಾಯ್ಕ ಆಯ್ಕೆಯಾಗಿದ್ದಾರೆ ಎಂದು ಮಾಜಿ ಶಾಸಕ ಪಿ.ಬಸವರಾಜ್ ತಿಳಿಸಿದ್ದಾರೆ. ಪ್ರಶಸ್ತಿ ಪ್ರದಾನ ಸಮಾರಂಭ ನ.20ರಂದು ಗೋಳಿಗರಡಿ ಮೇಳದ ಪ್ರಥಮ ದೇವರ ಸೇವೆಯಂದು ಸಚಿವ ವಿನಯಕುಮಾರ ಸೊರಕೆ ಪ್ರದಾನ ಮಾಡಲಿದ್ದಾರೆ. ಮಣಿಪಾಲದ ಎಂ.ಐ.ಟಿ.ಪ್ರಾಧ್ಯಾಪಕರಾದ ಎಸ್.ವಿ.ಉದಯ ಕುಮಾರ ಶೆಟ್ಟಿ ಮುಖ್ಯ ಅತಿಥಿಗಳಾಗಿ ಕಲಾವಿದರನ್ನು ಅಭಿನಂದಿಸಲಿರುವರು. 

ಬಳ್ಕೂರು ಗೋಪಾಲ ಅಚಾರ್ ಮತ್ತು ಸಂತೋಷ ಪೂಜಾರಿ ಅವರನ್ನು ಸನ್ಮಾನಿಸಲಾಗುವುದು ಎಂದು ಗೋಳಿಗರಡಿ ಮೇಳದ ವ್ಯವಸ್ಥಾಪಕ ಜಿ.ವಿಠಲ ಪೂಜಾರಿಯವರು ತಿಳಿಸಿದರು. ಪ್ರಶಸ್ತಿ ಪುರಸ್ಕೃತ ಮಾಧವ ನಾಯ್ಕ ಈ ಬಾರಿ ಮಡಾಮಕ್ಕಿ ಮೇಳದ ಕಲಾವಿದರಾಗಿದ್ದು, ಈ ಹಿಂದೆ ಗೋಳಿ ಗರಡಿ ಹಾಗೂ ಸಾಲಿಗ್ರಮ ಮೇಳಗಳಲ್ಲಿ ದೀರ್ಘಕಾಲ ಸೇವೆ ಸಲ್ಲಿಸಿದ್ದರು. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com