ರಾಜಕಾರಣದ ವಾಸ್ತವ ಅರಿವಾಗಬೇಕಾಗಿದೆ: ಸಂಸದ ಹೆಗ್ಡೆ

ಕುಂದಾಪುರ: ರಾಜಕೀಯ ವ್ಯವಸ್ಥೆ ಬಗ್ಗೆ ಜನರಲ್ಲಿ ಅಪನಂಬಿಕೆ ಮೂಡಿದೆ. ರಾಜಕಾರಣ ನಾಟಕೀಯತೆ ಎಂಬಂತೆ ಭಾಸವಾಗುತ್ತಿದೆ. ಈ ವಾಸ್ತವ ಅರಿತು ರಾಜಕಾರಣದ ನೈಜತೆ ತೋರ್ಪಡಿಸುವ ಕೆಲಸ ರಾಜಕಾರಣಿಗಳಿಂದಾಗಬೇಕು. ರಾಜಕಾರಣದ ವಾಸ್ತವ ಪರಿಚಯ ಇಂದಿನ ಅಗತ್ಯ ಎಂದು ಸಂಸದ ಕೆ. ಜಯಪ್ರಕಾಶ್ ಹೆಗ್ಡೆ ಹೇಳಿದರು. 

ಇಲ್ಲಿನ ಭಂಡಾರ್‌ಕಾರ್ಸ್‌ ಕಾಲೇಜಿನ ಬಯಲು ರಂಗಮಂಟಪದಲ್ಲಿ ಕಾಲೇಜಿನ ಸುವರ್ಣ ಮಹೋತ್ಸವ ಅಂಗವಾಗಿ ಭಾನುವಾರ ಹಮ್ಮಿಕೊಂಡ ನಾಟಕೋತ್ಸವ ಸಮಾರೋಪದಲ್ಲಿ ಅವರು ಮಾತನಾಡಿದರು. 

ಶಿಕ್ಷಣ ಪರಿಪೂರ್ಣ ಆಗಬೇಕಾದರೆ ಕಲೆ, ಸಂಸ್ಕೃತಿಗೂ ಒತ್ತು ನೀಡಬೇಕು. ತಮಿಳು ಸಿನಿಮಾ ರಂಗದ ಸೂಪರ್‌ಸ್ಟಾರ್ ರಜನೀಕಾಂತ್ ನನ್ನ ಸಹಪಾಠಿ. ಬೆಂಗಳೂರಿನಲ್ಲಿ 2 ವರ್ಷದ ಕಾಲ ಒಟ್ಟಿಗೆ ಓದಿದವರು. ಕಲೆ ಅವರು ಬದುಕಿಗೆ ಯಶಸ್ವಿಯ ಬುತ್ತಿಯ ನೀಡಿದೆ. ಭಂಡಾರ್‌ಕಾರ್ಸ್‌ ಕಾಲೇಜು ರಂಗ ಅಧ್ಯಯನ ಕೇಂದ್ರದ ಮೂಲಕ ಅನುಪಮ ಕೆಲಸ ಮಾಡುತ್ತಿದೆ. ರಂಗ ಅಧ್ಯಯನ ಕೇಂದ್ರದ ಬೆಳವಣಿಗೆಗೆ ಸರಕಾರ ಮತ್ತು ಸಂಸದಿಯ ನೆಲೆಯಲ್ಲಿ ನೆರವು ನೀಡಲಾಗುವುದು ಎಂದರು. 

ರಾಷ್ಟ್ರೀಯ ನಾಟಕಕಾರ ಸುರೇಶ್ ಆನಗಳ್ಳಿ ಮಾತನಾಡಿ, ಕಳೆದ 4 ದಶಕಗಳಿಂದ ಭಂಡಾರ್‌ಕಾರ್ಸ್‌ ಕಾಲೇಜಿನ ಸರ್ವಾಂಗೀಣ ಪ್ರಗತಿಗೆ ಜೀವಿತವನ್ನು ಸವೆಸಿದ ಡಾ.ಶಾಂತಾರಾಮ್ ಅವರಿಗೆ ಗೌರವ ಸಲ್ಲಿಸುವ ನೆಲೆಯಲ್ಲಿ ಇದೇ ಬಯಲು ರಂಗಮಂಟಪದಲ್ಲಿ ರಾಷ್ಟ್ರೀಯ ನಾಟಕೋತ್ಸವ ಆಯೋಜಿಸಲಾಗುವುದು ಎಂದರು. 

ಮಣಿಪಾಲ ಅಕಾಡೆಮಿ ಆಡಳಿತಾಧಿಕಾರಿ ಡಾ. ಎಚ್. ಶಾಂತಾರಾಮ್ ಅಧ್ಯಕ್ಷತೆ ವಹಿಸಿದ್ದರು. ಇದೇ ಸಂದರ್ಭ ರಂಗಕರ್ಮಿ ಸುರೇಶ್ ಆನಗಳ್ಳಿ ಅವರನ್ನು ಸನ್ಮಾನಿಸಲಾಯಿತು. ಕಾಲೇಜು ವಿಶ್ವಸ್ಥ ಮಂಡಳಿಯ ಸದಸ್ಯರಾದ ರಾಜೇಂದ್ರ ತೋಳಾರ್, ಸದಾನಂದ ಚಾತ್ರ, ಬಿ.ಎಂ. ಸುಕುಮಾರ ಶೆಟ್ಟಿ, ಶಾಂತಾರಾಮ ಪ್ರಭು, ಪ್ರಿನ್ಸಿಪಾಲ್ ಡಾ.ಎನ್.ಪಿ.ನಾರಾಯಣ ಶೆಟ್ಟಿ, ರಂಗ ಅಧ್ಯಯನ ಕೇಂದ್ರದ ನಿರ್ದೇಶಕ ವಸಂತ ಬನ್ನಾಡಿ ಉಪಸ್ಥಿತರಿದ್ದರು. ವಿನಾಯಕ ಕಾರ್ಯಕ್ರಮ ನಿರ್ವಹಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com