ಕುಂದಾಪುರದಲ್ಲಿ ಕ್ರಿಸ್‌ಮಸ್ ಸಂದೇಶ ಕಾರ್ಯಕ್ರಮ

ಕುಂದಾಪುರ: ಮಂಗಳೂರಿನ ವೈಟ್ ಡೊವ್ಸ್ ತಂಡದ ವತಿಯಿಂದ ಶನಿವಾರ ರಾತ್ರಿ ಇಲ್ಲಿನ ನೆಹರೂ ಮೈದಾನದಲ್ಲಿ ಕ್ರಿಸ್‌ಮಸ್ ಸಂದೇಶ-2013 ಕಾರ್ಯಕ್ರಮ ಜರುಗಿತು. ಕ್ರಿಸ್ತನ ಜನನವನ್ನು ಹಾಡು ಮತ್ತು ನೃತ್ಯರೂಪದ ಮೂಲಕ ಪ್ರಸ್ತುತಪಡಿಸಲಾಯಿತು. ಸಂತ ಸೆಬಾಸ್ಟಿನ್ ಜೀವನ ಚರಿತ್ರೆಯ ನಾಟಕ ಪ್ರದರ್ಶಿಸಲಾಯಿತು. 

ಕಳೆದ 12 ವರ್ಷಗಳಿಂದ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಈ ಕಾರ್ಯಕ್ರಮ ನೀಡುತ್ತಾ ಬಂದಿರುವ ಸಂಸ್ಥೆ ಇಲ್ಲಿ ಸಂಗ್ರಹಿತವಾಗುವ ಮೊತ್ತವನ್ನು ಬಡವರು, ನಿರ್ಗತಿಕರಿಗೆ ನೀಡುವ ಕೆಂಕರ್ಯ ನಡೆಸಿಕೊಂಡು ಬಂದಿದೆ. ಈ ಸಂದರ್ಭ ಕುಂದಾಪುರ ವಲಯ ಮುಖ್ಯ ಧರ್ಮಗುರು ರೆ.ಫಾ. ಅನಿಲ್ ಡಿಸೋಜ, ಸೈಂಟ್ ಮೇರಿಸ್ ಪದವಿ ಪೂರ್ವ ಕಾಲೇಜಿನ ಪ್ರಿನ್ಸಿಪಾಲ್ ರೆ.ಫಾ. ಪ್ರವೀಣ್ ಅಮೃತ್ ಮಾರ್ಟಿನ್, ಕುಂದಾಪುರ ಇಗರ್ಜಿಯ ಪಾಲನಾ ಮಂಡಳಿ ಕಾರ್ಯದರ್ಶಿ ಡಾ. ಸೋನಿ ಡಿಕೋಸ್ಟಾ, ವಿನೋದ್ ಗಂಗೊಳ್ಳಿ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com