ವಿಕಚೇತನರು ಶಕ್ತರು, ಪ್ರತಿಭಾ ಸಂಪನ್ನರು: ಗಣಪತಿ ಟಿ. ಶ್ರೀಯಾನ್

ಕುಂದಾಪುರ: ವಿಕಲಚೇತನ ಮಕ್ಕಳು ಅಶಕ್ತರಲ್ಲ. ಅವರಲ್ಲಿಯೂ ಸಾಮರ್ಥ್ಯ, ಪ್ರತಿಭೆ ಇದೆ. ಸರಕಾರ ವಿಕಲ;ಚೇತನ ಮಕ್ಕಳ ದಿನಾಚರಣೆಯ ಮೂಲಕ ಅವರಲ್ಲಿನ ಪ್ರತಿಭೆ ಹೊರಗೆಡಹಲು ಹಮ್ಮಿಕೊಂಡ ಕಾರ್ಯಕ್ರಮ ಶ್ಲಾಘನೀಯ ಎಂದು ಉಡುಪಿ ಜಿಪಂ ಶಿಕ್ಷಣ ಮತ್ತು ಆರೋಗ್ಯ ಸ್ಥಾಯಿ ಸಮಿತಿ ಅಧ್ಯಕ್ಷ ಗಣಪತಿ ಟಿ. ಶ್ರೀಯಾನ್ ಹೇಳಿದರು. 

ಇಲ್ಲಿನ ವಡೇರಹೋಬಳಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಸಭಾಂಗಣದಲ್ಲಿ ಸಾರ್ವಜನಿಕ ಶಿಕ್ಷಣ ಇಲಾಖೆ, ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ಕುಂದಾಪುರ, ಕ್ಷೇತ್ರ ಸಂಪನ್ಮೂಲ ಕೇಂದ್ರ ಹಾಗೂ ರೋಟರಿ ಕ್ಲಬ್ ಕುಂದಾಪುರ ಆಶ್ರಯದಲ್ಲಿ ಹಮ್ಮಿಕೊಂಡ ವಿಕಲಚೇತನ ಮಕ್ಕಳ ದಿನಾಚರಣೆ ಉದ್ಘಾಟಿಸಿ ಮಾತನಾಡಿದರು. 

ವಿಕಲಚೇತನ ಮಕ್ಕಳಿಗೆ ತರಬೇತಿ ಹೊಂದಿದ ಶಿಕ್ಷಕರಿಂದಲೇ ಬೋಧನಾ ಕಾರ್ಯ ನಡೆಯಬೇಕೆಂಬ ಆಗ್ರಹಕ್ಕೆ ಸರಕಾರ ಮನ್ನಣೆ ನೀಡಿ ಕ್ರಮ ತೆಗೆದುಕೊಳ್ಳಬೇಕು. ಇಂತಹ ಕಾರ್ಯಕ್ರಮದ ಮೂಲಕ ವಿಕಲಚೇತನ ಮಕ್ಕಳ ನ್ಯೂನತೆಯ ಮರೆಸುವಿಕೆ ಕಾರ್ಯ ನಡೆಯಬೇಕು. ಸಾಮಾನ್ಯ ಮಕ್ಕಳೊಂದಿಗೆ ವಿಕಲಚೇತನ ಮಕ್ಕಳು ಕೂಡಿ ಆಡುವುದರಿಂದ ಅವರಲ್ಲಿನ ಮನೋಸ್ಥೈರ್ಯ, ಆತ್ಮಸ್ಥೈರ್ಯ ಹೆಚ್ಚಳವಾಗುತ್ತದೆ ಎಂದರು. 

ರೋಟರಿ ಕ್ಲಬ್ ಕುಂದಾಪುರ ಕಾರ್ಯದರ್ಶಿ ಎಚ್.ಎಸ್. ಹತ್ವಾರ್ ಮಾತನಾಡಿ, ಖುಷಿ ಅನುಭವಿಸುವುದು ಎಲ್ಲರ ಹಕ್ಕು ಎಂಬುದನ್ನು ನಾವು ಭಾವಿಸಬೇಕು. ಇನ್ನೊಬ್ಬರಲ್ಲಿ ಹರ್ಷ ಮೂಡಿಸುವಿಕೆ ಸಮಾಜದ ಕರ್ತವ್ಯಯೂ ಆಗಿದೆ. ಸರಕಾರದ ಈ ಕಾರ್ಯಕ್ರಮದಲ್ಲಿ ಕೈಜೋಡಿಸಲು ಬಹಳ ಖುಷಿಯಾಗುತ್ತಿದೆ. ವಿಕಲಚೇತನ ಮಕ್ಕಳಲ್ಲಿ ಅಪಾರ ಶಕ್ತಿ, ಸಾಮರ್ಥ್ಯ, ಪ್ರತಿಭೆ ಇದೆ ಎಂದರು. 

ವೈದ್ಯೆ ಡಾ. ವೀಣಾ ಶಂಕರ್ ವಿಶೇಷ ಉಪನ್ಯಾಸ ನೀಡಿದರು. ಕುಂದಾಪುರ ಪುರಸಭೆ ಅಧ್ಯಕ್ಷೆ ಕಲಾವತಿ ಅಧ್ಯಕ್ಷತೆ ವಹಿಸಿದ್ದರು. ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಸಮನ್ವಯಾಧಿಕಾರಿ ಶೋಭಾ ಶೆಟ್ಟಿ, ವಡೇರಹೋಬಳಿ ಶಾಲೆ ಮುಖ್ಯ ಶಿಕ್ಷಕ ಸುಧಾಕರ ಶೆಟ್ಟಿ, ಎಸ್‌ಡಿಎಂಸಿ ಅಧ್ಯಕ್ಷ ಅಶೋಕ್, ಕುಂದಾಪುರ ವಲಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಸದಾರಾಮ ಶೆಟ್ಟಿ, ಉದಯ ಗಾಂವ್ಕರ್, ಪಿ.ಎನ್. ಐತಾಳ್, ಜ್ಯೋತಿ, ಸುಲೋಚನಾ ಉಪಸ್ಥಿತರಿದ್ದರು. 

ಮಹೇಶ್ ಪ್ರಾರ್ಥಿಸಿದರು. ದಿನೇಶ್ ಪ್ರಭು ಸ್ವಾಗತಿಸಿದರು. ವೇಣುಗೋಪಾಲ ಹೆಗ್ಡೆ ಕಾರ್ಯಕ್ರಮ ನಿರ್ವಹಿಸಿದರು. ಬಳಿಕ ವಿಕಲಚೇತನ ವಿದ್ಯಾರ್ಥಿಗಳ ಕ್ರೀಡಾಕೂಟ, ಸಾಂಸ್ಕೃತಿಕ ಸ್ಪರ್ಧೆ ಜರುಗಿತು. ಮಕ್ಕಳ ಪೋಷಕರು ಸಹ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com