ರೈತರ ಗ್ರಾಮ ಸಭೆ

ಕೋಟ: ನನೆಗುದಿಗೆ ಬಿದ್ದ ವಾರಹಿ ಯೋಜನೆಯನ್ನು ಸರ್ಮಪಕಗೊಳಿಸುವುದು, ಅಕ್ರಮ ಸಕ್ರಮ ಗೊಂದಲ ನಿವಾರಣೆ, ಕುಮ್ಕಿ ಹಕ್ಕಿಗಾಗಿ ಹೋರಾಟ, ಬ್ರಹ್ಮಾವರ ಸಕ್ಕರೆ ಕಾರ್ಖಾನೆಯಿಂದ ರೈತರಿಗೆ ಬಾಕಿ ಇರುವ ಸಾಲ ಮರುಪಾವತಿ, ಕಾರ್ಮಿಕರಿಗೆ ಹಣ ಮರು ಪಾವತಿ ಮುಂತಾದ ವಿಚಾರವನ್ನು ಮುಂದಿಟ್ಟುಕೊಂಡು ರಾಜ್ಯಾದ್ಯಂತ ರೈತ ಸಂಘಟನೆ ಹೋರಾಟ ನಡೆಸಲಿದೆ ಎಂದು ಉಡುಪಿ ಜಿಲ್ಲಾ ರೈತ ಸಂಘದ ಅಧ್ಯಕ್ಷ ಪ್ರತಾಪ್‌ಚಂದ್ರ ಶೆಟ್ಟಿ ಹೇಳಿದರು. 

ಮೆಕ್ಕೆಕಟ್ಟು ಗಾಂಧಿ ಸಭಾಭವನದಲ್ಲಿ ಜರುಗಿದ ಉಡುಪಿ ಜಿಲ್ಲಾ ರೈತ ಸಂಘ ವತಿಯಿಂದ ಶಿರಿಯಾರ ಗ್ರಾಪಂ ವ್ಯಾಪ್ತಿಯ ರೈತರ ಗ್ರಾಮ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. 

ಶಿರಿಯಾರ ಮುದ್ದಣ ಶೆಟ್ಟಿ ಮಾತನಾಡಿ, ಬ್ರಹ್ಮಾವರ ಸಕ್ಕರೆ ಕಾರ್ಖಾನೆಯ ಉಳಿವು ರೈತರ ಭವಿಷ್ಯದ ದೃಷ್ಟಿಯಿಂದ ಅಗತ್ಯವಾಗಿದ್ದು, ಕಾರ್ಖಾನೆ ನಾಶವಾದರೆ, ಭವಿಷ್ಯದಲ್ಲಿ ಇಂತಹ ಕಾರ್ಖಾನೆಯ ಮರು ಸ್ಥಾಪನೆ ಅಸಾಧ್ಯ ಎಂದರು. 

ರೈತ ಸಂಘದ ಮುಖಂಡ ಕೆದೂರು ಸದಾನಂದ ಶೆಟ್ಟಿ, ಶಿರಿಯಾರ ಗ್ರಾಪಂ ಅಧ್ಯಕ್ಷ ರಾಜೀವ್ ಮರಕಾಲ, ಶಿರಿಯಾರ ವ್ಯವಸಾಯಿಕ ಸಂಘದ ಅಧ್ಯಕ್ಷ ಪ್ರದೀಪ್ ಬಲ್ಲಾಳ್, ಉದ್ಯಮಿ ಬೆಳ್ವೆ ಸತೀಶ್ ಕಿಣಿ, ಉದಯ್ ಚಂದ್ರ ಶೆಟ್ಟಿ ಕಾವಡಿ, ರಾಮಣ್ಣ ಹೆಗ್ಡೆ ಕೊಳ್ಕೆಬೈಲು ಉಪಸ್ಥಿತರಿದ್ದರು.ಸತ್ಯನಾಥ ಶೆಟ್ಟಿ ಕಲ್ಬೆಟ್ಟು ಕಾರ್ಯಕ್ರಮ ನಿರೂಪಿಸಿದರು. ನಿರಂಜನ್ ಶೆಟ್ಟಿ ವಂದಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com