ಸಾಸ್ತಾನದ ಕ್ರಿಸ್ಮಸ್ ಸಂಭ್ರಮದಲ್ಲಿ ಸಚಿವ ಖಾದರ್ ಭಾಗಿ

ಕೋಟ: ಕ್ರಿಸ್ಮಸ್ ನಮ್ಮೆಲ್ಲರಿಗೂ ಪ್ರೀತಿಯ ಹಬ್ಬವಾಗಿದೆ. ಕ್ರಿಸ್ತ ಜಯಂತಿಯ ಈ ಶುಭ ಸಂದರ್ಭ ಎಲ್ಲರಿಗೂ ಸುಖಶಾಂತಿ ಲಭಿಸಲಿ. ಮಾನವರ ಮಧ್ಯೆ ಮೈತ್ರಿ ಮೊಳಗಿದ ಮಹಾಪುರುಷ ಪ್ರಭು ಯೇಸು. ಅವರ ಶಾಂತಿ ಪ್ರೀತಿಯ ಸಂದೇಶ ಸರ್ವರು ಪಾಲಿಸುವಾಂತಗಬೇಕು ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಯು.ಟಿ.ಖಾದರ್ ಹೇಳಿದರು. 

ಅವರು ಮಂಗಳವಾರ ತಡರಾತ್ರಿ ಸಾಸ್ತಾನ ಸೆಂಟ್ ಥೋಮಸ್ ಓರ್ಥೊಡೋಕ್ಸ್ ಸಿರಿಯನ್ ಇಗರ್ಜಿಯಯಲ್ಲಿ ನಡೆದ ಕ್ರಿಸ್ಮಸ್ ಹಬ್ಬದ ಸಂಭ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು. ಕರ್ನಾಟಕ ಕ್ರೆಸ್ತ ಸಂಘಟನೆಗಳ ಒಕ್ಕೂಟದ ಅಧ್ಯಕ್ಷ ಪ್ರಶಾಂತ್ ಜತ್ತನ್, ಭಾರತೀಯ ಕ್ರೆಸ್ತ ಸಂಘಟನೆಗಳ ಒಕ್ಕೂಟದ ಉಡುಪಿ ಜಿಲ್ಲಾ ಅಧ್ಯಕ್ಷ ಚಾರ್ಲ್ ಅಂಬ್ಸೆರ್, ಮಂಗಳೂರು ತಾಲೂಕು ಪಂಚಾಯಿತಿ ಸದಸ್ಯ ಮುಸ್ತಬ್, ಸಮಾಜಸೇವಕರಾದ ಪ್ರಮೀಳಾ ಜತ್ತನ್, ಪೀಟರ್ ದಾಂತಿ ಶುಭ ಹಾರೆಸಿದರು. ಇಗರ್ಜಿಯ ಟ್ರಸ್ಟಿ ಜೆರೋಮ್ ರೊಡಿಗ್ರಸ್, ಕಾರ್ಯದರ್ಶಿ ಲಾರೆನ್ಸ್ ಆಲ್ಮೇಡಾ, ತಾಲೂಕು ಪಂಚಾಯಿತಿ ಸದಸ್ಯೆ ರೋಶನಿ ಒಲಿವೇರ, ಸಾಲಿಗ್ರಾಮ ಭಾರತ್ ಅರ್ಥ್ ಮೂವರ್ಸ್‌ನ ನವೀನ್ ಬಾಂಜ್, ಐರೋಡಿ ಪಂಚಾಯಿತಿ ಸದಸ್ಯ ಮೋಸೆಸ್ ರೋಡ್ರಿಗಸ್ ಮೊದಲಾದವರು ಉಪಸ್ಥಿತರಿದ್ದರು. 

ಇಗರ್ಜಿ ಧರ್ಮಗುರು ಫಾ.ನೊಯಲ್ ಲೂವಿಸ್ ಸ್ವಾಗತಿಸಿದರು.ರೋಬರ್ಟ್ ರೋಡ್ರಿಗಸ್ ಕಾರ್ಯಕ್ರಮ ನಿರೂಪಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com