ಸಮಾಜ ಬದಲಾವಣೆಗೆ ಪ್ರಯತ್ನಿಸೋಣ: ಡಿ.ಎಚ್.ಶಂಕರಮೂರ್ತಿ

ಕೋಟ: ಪ್ರಜಾಪ್ರಭುತ್ವ ವ್ಯವಸ್ಥೆ ಶ್ರೇಷ್ಠ ಆಡಳಿತ ವ್ಯವಸ್ಥೆಯಾಗಿದ್ದು, ನಮ್ಮ ನಿರೀಕ್ಷೆಗಳು ನೆರವೇರದಿದ್ದಾಗ ಈ ವ್ಯವಸ್ಥೆ ಕುರಿತು ಬೇಸರ ಮೂಡುವುದು ಸಹಜ. ಸಮಾಜದಲ್ಲಿ ಒಳ್ಳೆಯದು, ಕೆಟ್ಟದ್ದು ಎರಡು ಕೂಡ ಇದೆ. ಮೊದಲು ನಾವು ಬದಲಾಗಿ ನಮ್ಮಿಂದ ಸಮಾಜ ಬದಲಾಯಿಸಲು ಪ್ರಯತ್ನಿಸಬೇಕು ಎಂದು ವಿಧಾನ ಪರಿಷತ್ ಸಭಾಪತಿ ಡಿ.ಎಚ್.ಶಂಕರ್ ಮೂರ್ತಿ ಹೇಳಿದರು. 

ಅವರು ಕೋಟ ಕಾರಂತ ಭವನದಲ್ಲಿ ಕೋಟ ಪಡುಕರೆ ಲಕ್ಷ್ಮೀ ಸೋಮಬಂಗೇರ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ವತಿಯಿಂದ ನಡೆದ 'ಸಂಸದೀಯ ನಡಾವಳಿ- ಒಂದು ಸಂವಾದ' ಕಾರ್ಯಕ್ರಮದಲ್ಲಿ ಮಾತನಾಡಿದರು. ಇಂದು ಸಮಾಜ ಜಾಗತಗೊಳ್ಳುತ್ತಿದೆ. ವ್ಯವಸ್ಥೆಗಳು ಬದಲಾವಣೆ ಹೊಂದುತ್ತಿದೆ. ಇಂದು ಸಾರ್ವಜನಿಕರು ಅಕಾರಿ ಹಾಗೂ ಆಡಳಿತ ವರ್ಗದ ಸರಿ-ತಪ್ಪು ಗಮನಿಸಿ ಪ್ರಶ್ನಿಸಲು ಸಮರ್ಥರಿದ್ದಾರೆ ಎಂದರು. 

ವಿದ್ಯಾರ್ಥಿಗಳ ನಾನಾ ಪ್ರಶ್ನೆಗೆ ಸಭಾಪತಿ ಉತ್ತರಿಸಿದರು. ಮಾಜಿ ಸಚಿವ ಶ್ರೀನಿವಾಸ ಪೂಜಾರಿ, ವಿಧಾನ ಪರಿಷತ್ ಸದಸ್ಯ ಪ್ರತಾಪ್‌ಚಂದ್ರ ಶೆಟ್ಟಿ, ಕೋಟ ಅಮತೇಶ್ವರಿ ದೇವಳದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಆನಂದ ಸಿ.ಕುಂದರ್, ಉಡುಪಿ ತಾಲೂಕು ಪಂಚಾಯಿತಿ ಅಧ್ಯಕ್ಷೆ ಗೌರಿ ವಿ.ಪೂಜಾರಿ, ಪಂಚಾಯಿತಿರಾಜ್ ವ್ಯವಸ್ಥೆಯ ಸಂಪನ್ಮೂಲ ವ್ಯಕ್ತಿ ಜನಾರ್ದನ ಮರವಂತೆ ಮತ್ತಿತರರು ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com