ಯಕ್ಷಗಾನ ಕಲಾವಿದ ಐರೋಡಿ ಗೋವಿಂದಪ್ಪರಿಗೆ ಕೆ.ಎಸ್.ಉಪಾಧ್ಯಾಯ ಪ್ರಶಸ್ತಿ

ಕುಂದಾಪುರ: ಈ ವರ್ಷದ ಕೆ.ಎಸ್. ಉಪಾಧ್ಯಾಯ ಯಕ್ಷಗಾನ ಕಲಾ ಪ್ರಶಸ್ತಿಗೆ ಹಿರಿಯ ಯಕ್ಷಗಾನ ಕಲಾವಿದ, ಯಕ್ಷಗಾನದ ಸವ್ಯಸಾಚಿ ಬಿರುದಾಂಕಿತ ಐರೋಡಿ ಗೋವಿಂದಪ್ಪ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದು ಉಪಾಧ್ಯಾಯ ಟ್ರಸ್ಟ್ ತಿಳಿಸಿದೆ. 

12ನೇ ವಯಸ್ಸಿಗೆ ಯಕ್ಷಗಾನ ರಂಗಕ್ಕೆ ಪಾದಾರ್ಪಣೆ ಮಾಡಿ ತಂದೆ ಬೂದ ಭಾಗವತರ ಪ್ರೇರಣೆ ಮತ್ತು ಸ್ಫೂರ್ತಿಯಿಂದ ಯಕ್ಷಗಾನದ ಸವ್ಯಸಾಚಿಯೆನಿಸಿದವರು ಐರೋಡಿ ಗೋವಿಂದಪ್ಪ. ಗೋಳಿಗರಡಿ ಮೇಳದಿಂದ ಆರಂಭವಾಗಿ ಪೆರ್ಡೂರು, ಸೋಮನಾಥೇಶ್ವರ, ಸಾಲಿಗ್ರಾಮ, ಕಣಿಪುರ, ಅಮತೇಶ್ವರಿ ಮೇಳಗಳಲ್ಲಿ ಸತತ 40 ವರ್ಷಗಳಷ್ಟು ಕಾಲ ತಿರುಗಾಟ ಮಾಡಿದ, 50ವರ್ಷಕ್ಕೂ ಮಿಕ್ಕಿ ಯಕ್ಷಗಾನ ಕಲಾಸೇವೆ ನಡೆಸಿದ ಐರೋಡಿ ಗೋವಿಂದಪ್ಪ ತೆಂಕು ಮತ್ತು ಬಡಗುತಿಟ್ಟುಗಳ ಎಲ್ಲ ಆಯಾಮಗಳಲ್ಲೂ ಪರಿಣತಿ ಸಾಧಿಸಿದವರು. 72ರ ಹರೆಯದ ವತ್ತಿಪರ ಮೇಳಗಳಿಂದ ದೂರವಾಗಿದ್ದರೂ, ಆಗಿಂದಾಗ್ಗೆ ಮಿಂಚಿನಂತೆ ರಂಗಸ್ಥಳದಲ್ಲಿ ಕಲಾಪ್ರತಿಭೆ ಮೆರೆಸುತ್ತಿರುವ ಗೋವಿಂದಪ್ಪರನ್ನು ಈ ಪ್ರಶಸ್ತಿಗೆ ಸರ್ವಾನುಮತದಿಂದ ಆರಿಸಲಾಗಿದೆ. ಪ್ರಶಸ್ತಿ ರೂ.15 ಸಾವಿರ ನಗದು ಒಳಗೊಂಡಿದೆ. ಇದೇ ಸಂದರ್ಭದಲ್ಲಿ ದಕ್ಷಿಣಕನ್ನಡ ಮತ್ತು ಉಡುಪಿ ಜಿಲ್ಲೆಗಳಲ್ಲಿನ 1ನೇ ತರಗತಿಯಿಂದ ಅಂತಿಮ ಎಂಜಿನಿಯರಿಂಗ್ ವರೆಗಿನ 18 ಮಂದಿ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ವಿವಿಧ ಮೊಬಲಗುಗಳಿಂದ ಒಟ್ಟು 38,000ರೂ. ಸಹಾಯಧನ ನೀಡಲೂ ಟ್ರಸ್ಟ್ ತೀರ್ಮಾನಿಸಿದೆ ಎಂದು ಉಪಾಧ್ಯಾಯ ಟ್ರಸ್ಟ್ ಅಧ್ಯಕ್ಷೆ ಡಾ.ಲೀಲಾ ಉಪಾಧ್ಯಾಯ ತಿಳಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com