ಉಡುಪಿ ಡಿಸಿ ಕಚೇರಿ ಎದುರು ಅಂಗನವಾಡಿ ನೌಕರರ ಪ್ರತಿಭಟನೆ

ಉಡುಪಿ: ಸಮಗ್ರ ಶಿಶು ಅಭಿವೃದ್ಧಿ ಯೋಜನೆ (ಐಸಿಡಿಎಸ್) ಖಾಸಗೀಕರಣಗೊಳಿಸಲು ಸರಕಾರ ಹೊರಟಿರುವುದನ್ನು ವಿರೋಸಿ ಅಂಗನವಾಡಿ ನೌಕರರ ಸಂಘ (ಸಿಐಟಿಯು) ಶುಕ್ರವಾರ ರಜತಾದ್ರಿ ಜಿಲ್ಲಾಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿತು. 

ಐಸಿಡಿಎಸ್ ಮಿಷನ್ ಪ್ರಕ್ರಿಯೆ ಕೈಬಿಡಬೇಕು, ಎನ್‌ಜಿಒ, ಕಾರ್ಪೋರೇಟ್ ಹೌಸ್, ಸ್ವಸಹಾಯ ಗುಂಪುಗಳಿಗೆ ವಹಿಸಬಾರದು, ಖಾಸಗೀಕರಣ ಮಾಡಬಾರದು, ಇಲಾಖೆಯನ್ನಾಗಿಯೇ ಉಳಿಸಬೇಕು, ಕರ್ನಾಟಕದ 12 ಜಿಲ್ಲೆಗಳಲ್ಲಿ ಬಂದಿರುವ ಅಪಾಯಕಾರಿ ಶಿಫಾರಸುಗಳನ್ನು ವಾಪಸ್ ಪಡೆಯಬೇಕು, ಈ ಕೆಲಸಗಳನ್ನು ಅಂಗನವಾಡಿ ನೌಕರರಿಗೆ ನೀಡಿ ಕೆಲಸ ಕಾಯಂಗೊಳಿಸಬೇಕು, ಅಂಗನವಾಡಿ ಕಾರ್ಯಕರ್ತೆಯರನ್ನು ವರ್ಗಾಯಿಸಬಾರದು, ಅಂಗನವಾಡಿ ಕೆಲಸದ ಅವ ಹೆಚ್ಚಿರುವುದರಿಂದ ಅಂಗನವಾಡಿ ಕಾರ್ಯಕರ್ತೆಗೆ 15 ಸಾವಿರ ರೂ., ಸಹಾಯಕಿಗೆ 10 ಸಾವಿರ ರೂ. ಕನಿಷ್ಠ ಕೂಲಿ ನಿಗದಿ ಮಾಡಬೇಕು ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು. 

ಎಲ್ಲ ಅಂಗನವಾಡಿಗಳನ್ನು ಮೇಲ್ದರ್ಜೆಗೇರಿಸಿ ಕಾಯಂ ಶಿಶು ವಿಹಾರಗಳನ್ನಾಗಿ ಮಾಡಬೇಕು. ರಾಜ್ಯದ ನಾಲ್ಕು ಜಿಲ್ಲೆಗಳಲ್ಲಿ ವೇದಾಂತ ಫೌಂಡೇಶನ್ ಜತೆ ಮಾಡಿಕೊಂಡಿರುವ ತಿಳಿವಳಿಕೆ ಒಪ್ಪಂದ ರದ್ದು ಮಾಡಬೇಕು. ದೇಶಾದ್ಯಂತ ಅಂಗನವಾಡಿ ಕಾರ್ಯಕರ್ತೆ, ಸಹಾಯಕಿಯರಿಗೆ ಏಕ ಪ್ರಕಾರದ ಸೇವಾನಿಯಮ, ಕೆಲಸದ ಮಾರ್ಗಸೂಚಿ ಇರಬೇಕು, ಐಸಿಡಿಎಸ್ ಕೆಲಸಗಳಲ್ಲದೆ ಬೇರೆ ಕೆಲಸ ಮಾಡಿಸಬಾರದು, ಚುನಾವಣೆ ಕೆಲಸಕ್ಕೆ ಅಂಗನವಾಡಿಯವರನ್ನು ಬಳಸಬಾರದು ಎಂದು ಒತ್ತಾಯಿಸಿದರು. 

ಕೇಂದ್ರ ಮತ್ತು ರಾಜ್ಯ ಸರಕಾರ ಏಕಕಾಲದಲ್ಲಿ ಗೌರವಧನ ನೀಡಬೇಕು, ಅಂಗನವಾಡಿಗಳಿಗೆ ಮೂಲಸೌಕರ್ಯ ಒದಗಿಸಬೇಕು, ಸ್ಥಳೀಯ ಹಿತಾಸಕ್ತಿಗಳಿಂದ ಕೆಲಸದ ಸ್ಥಳದಲ್ಲಿ ಕಿರುಕುಳ ಸಂಭವಿಸದಂತೆ ಇಲಾಖೆ ರಕ್ಷಣೆ ನೀಡಬೇಕು, ನಾನಾ ಇಲಾಖೆ ನೇಮಕದಲ್ಲಿ ಅಂಗನವಾಡಿಯವರಿಗೆ ಆದ್ಯತೆ ನೀಡಬೇಕು ಎಂದು ಒತ್ತಾಯಿಸಿದರು. 

ಪ್ರತಿಭಟನೆಯಲ್ಲಿ ಅಂಗನವಾಡಿ ನೌಕರರ ಸಂಘ ಅಧ್ಯಕ್ಷೆ ರತಿ ಶೆಟ್ಟಿ, ಕಾರ್ಯದರ್ಶಿ ಸುಶೀಲ ನಾಡ, ಕೋಶಾಕಾರಿ ಆಶಾಲತಾ ಶೆಟ್ಟಿ, ಮೋಹಿನಿ, ಶಕೀಲಾ ಶೆಟ್ಟಿ, ಸುಶೀಲಾ ಬಗ್ವಾಡಿ, ಪಾರ್ವತಿ, ಸಿಐಟಿಯು ಮುಖಂಡರಾದ ದಾಸು ಭಂಡಾರಿ, ಸುರೇಶ್ ಕಲ್ಲಾಗರ ಮತ್ತಿತರರು ಭಾಗವಹಿಸಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com