ಉದಯೋನ್ಮುಖ ಯಕ್ಷ ಕಲಾವಿದರಿಗೆ ಸನ್ಮಾನ

ಕುಂದಾಪುರ: ಯಕ್ಷಗಾನ ರಂಗದಲ್ಲಿ ತೊಡಗಿಸಿಕೊಂಡ ಕಲಾವಿದರನ್ನೇ ಪದೇ ಪದೆ ಸನ್ಮಾನಿಸುವ ಬದಲು ಉದಯೋನ್ಮುಖ ಯುವ ಕಲಾವಿ ದರನ್ನು ಗೌರವಿಸುವುದು ಹೆಚ್ಚು ಸೂಕ್ತ. ಯಕ್ಷಗಾನ ಕಲೆಯತ್ತ ಯುವ ಪ್ರೇಕ್ಷಕರು ಮತ್ತು ಹೊಸ ಕಲಾವಿದರು ಹಿಂದೆ ಸರಿಯುತ್ತಿರುವ ಈ ಕಾಲಘಟ್ಟದಲ್ಲಿ ಯುವ ಕಲಾವಿದರನ್ನು ಸನ್ಮಾನಿಸಿದಾಗ ಅವರ ಜವಾಬ್ದಾರಿ ಹೆಚ್ಚುವುದರೊಂದಿಗೆ ಇನ್ನಷ್ಟು ಯುವಕರನ್ನು ಈ ಕಡೆಗೆ ಸೆಳೆಯಲು ಸಾಧ್ಯ. ಈ ನಿಟ್ಟಿನಲ್ಲಿ ಕಾರ್ಕಳ ಬೊಳೆಂತಡ್ಕ ಪೈ ಕುಟುಂಬದ ಸದಸ್ಯರು ನಾಲ್ವರು ಯುವ ಕಲಾವಿದರನ್ನು ಹಾಗೂ ಒಬ್ಬ ಮೇಳದ ಒಬ್ಬ ಕೆಲಸಗಾರನನ್ನು ಸನ್ಮಾನಿಸಿ ಶ್ಲಾಘನೀಯ ಕಾರ್ಯ ಮಾಡಿದ್ದಾರೆ ಎಂದು ಮಣಿಪಾಲ ಎಂಐಟಿ ಪ್ರಾಧ್ಯಾಪಕ ಎಸ್.ವಿ. ಉದಯ ಕುಮಾರ ಶೆಟ್ಟಿ ಹೇಳಿದರು. 

ಕಾರ್ಕಳದ ಬೊಳೆಂತಡ್ಕ ಪೈ ಕುಟುಂಬದವರು ವರ್ಷಂಪ್ರತಿ ನಡೆಸಿ ಕೊಂಡು ಬರುತ್ತಿರುವ ಸಾಲಿಗ್ರಾಮ ಮೇಳದ ಬಯಲಾಟ ಕಾರ್ಯ ಕ್ರಮದ ವೇದಿಕೆಯಲ್ಲಿ ಕಲಾವಿದರಾದ ತುಂಬ್ರಿ ಭಾಸ್ಕರ, ವಂಡಾರು ಗೋವಿಂದ ಮೊಗವೀರ, ನಾಗರಾಜ ಭಂಡಾರಿ, ಯುವ ಭಾಗವತ ಸೂರಾಲು ರವಿಕುಮಾರ್ ಮತ್ತು ಡೇರೆ ಕೆಲಸಗಾರ ನಾಗು ಅವರನ್ನು ಸನ್ಮಾನಿಸಿ ಮಾತನಾಡಿದರು. 

ಕುಟುಂಬದ ಹಿರಿಯರಾದ ಪಾಂಡುರಂಗ ಪಾಟಕ್ ಅಧ್ಯಕ್ಷತೆ ವಹಿಸಿ ದ್ದರು. ಮಂಗಳೂರಿನ ಚಾರ್ಟರ್ಡ್ ಅಕೌಂಟೆಂಟ್ ಬಿ. ಶಿವಾನಂದ ಪೈ ಕಲಾವಿದರನ್ನು ಪರಿಚಯಿಸಿ ಅಭಿನಂದನಾ ಬಾಷಣ ಮಾಡಿದರು. ಸನ್ಮಾನಿತರ ಪರವಾಗಿ ತುಂಬ್ರಿ ಭಾಸ್ಕರ ಮಾತನಾಡಿದರು. ಪೈ ಕುಟುಂ ಬದ ಹಿರಿಯ ಸದಸ್ಯ ಪಾಂಡುರಂಗ ಪೈ ಉಪಸ್ಥಿತರಿದ್ದರು. ಕೃಷ್ಣಾನಂದ ಪೈ ಸ್ವಾಗತಿಸಿರು. ಮಹೇಶ ಪೈ ವಂದಿಸಿದರು. ವಿಘ್ನೇಶ ಪೈ ಕಾರ್ಯ ಕ್ರಮ ನಿರ್ವಹಿಸಿದರು. ಬಳಿಕ ಸಾಲಿಗ್ರಾಮ ಮೇಳದ ಕಲಾವಿದರಿಂದ ಶ್ರೀರಾಮಪಟ್ಟಾಭಿಷೇಕ, ದ್ರೋಣಪರ್ವ-ರುಕ್ಮಾವತಿ ಕಲ್ಯಾಣ ಪ್ರಸಂಗ ನಡೆಯಿತು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com