ಇಂಗ್ಲಿಷ್-ಕನ್ನಡ-ಕೊಂಕಣಿ-ಡಿಕ್ಷನರಿ ಬಿಡುಗಡೆ ಭಾಷಾ ಸೇವೆಯ ವರ ಇದು- ಬಿಷಫ್


ಮಂಗಳೂರು: ಭಾಷಾ ಸೇವೆಗೆ ಈ ಕೆಲಸ ವರವಾಗಿದೆ. ಇದೊಂದು ಅಸಾಧಾರಣ ಕೆಲಸ ಎಂದು ಮಂಗಳೂರಿನ ಅತಿ.ವಂ. ಬಿಷಫ್. ಅಲೋಶಿಯಶ್ ಪಾವ್ಲ್ ಹೇಳಿದರು.
      ಅವರು ಮಂಗಳೂರಿನ ಕಲಾಂಗಣ್‌ನಲ್ಲಿ ಬುಧವಾರ ಸಂಜೆ ಪಥ ದರ್ಶಿನಿ ಸೇವಾ ಟ್ರಸ್ಟ್ ಆಯೋಜಿಸಿದ್ದ ಇಂಗ್ಲಿಷ್-ಕನ್ನಡ-ಕೊಂಕಣಿ ಶಬ್ದ ಕೋಶ ಬಿಡುಗಡೆಯ ವರ್ಣರಂಜಿತ ಸಮಾರಂಭದ ಅಧ್ಯಕ್ಷತೆ ಬಹಿಸಿ ಮಾತನಾಡುತ್ತಿದ್ದರು.
ಕಾರ್ಯಕ್ರಮದಲ್ಲಿ ಇಂಗ್ಲಿಷ್- ಕೊಂಕಣಿ ಶಬ್ದ ಕೋಶವನ್ನು ಸಾರಾ ಅಬೂಬಕರ್, ಇಂಗ್ಲಿಷ್- ಕನ್ನಡ ಡಿಕ್ಶನರಿಯನ್ನು ಕೆ.ವಿ ನಾರಾಯಣ್ ಅವರು ಮತ್ತು ತ್ರಿಭಾಷಾ ಶಬ್ದ ಕೋಶವನ್ನು ನಾ.ಡಿಸೋಜಾ ಅವರು ಬಿಡುಗಡೆಗೊಳಿಸಿದರು.
ಗೋವಾ ವಿವಿಯ ಸಹಾಯಕ ಪ್ರಾಧ್ಯಾಪಕಿ ಪ್ರಿಯದರ್ಶಿನಿ ಅವರು ಕೊಂಕಣಿ ಶಬ್ದಕೋಶಗಳ ಇತಿಹಾಸ ಚಿತ್ರಣ ನೀಡಿದರು.
ಶಬ್ದ ಕೋಶದ ಸಂಪಾದಕರಾದ ಸ್ಟೀವನ್ ಕ್ವಾಡ್ರಸ್ ಮತ್ತು ಬೇಸಿಲ್ ವಾಸ್ ಅವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಸ್ಟೀವನ್ ಅವರು ಪ್ರಸ್ತಾವಿಕ ಭಾಷಣ ಮಾಡಿದರೆ ಬೇಸಿಲ್ ವಾಸ್ ಧನ್ಯವಾದ ಸಮರ್ಪಿಸಿದರು.

ಕಾರ್ಯಕ್ರಮದ ವಿಶೇಷತೆಗಳು
# ಒಂದೇ ಬೆಲೆಯಲ್ಲಿ ಮೂರು ಶಬ್ದ ಕೋಶಗಳು, ಒಂದೇ ವೇದಿಕೆಯಲ್ಲಿ ಮೂವರಿಂದ ಬಿಡುಗಡೆ
# ಒಂದು ಶಬ್ದ ಕೋಶವನ್ನು ಮೇಜಿನ ಅಂಕಣದಿಂದ ಹೊರತೆಗೆಯುವ ಮೂಲಕ ಸಾರಾ ಅಬೂಬಕರ್, ಮತ್ತೊಂದನ್ನು ಹಳೆಯ ಪುಸ್ತಕಗಳ ರಾಶಿಯ ನಡುವಿನಿಂದ ಮತ್ತು ಮೂರನೆಯದನ್ನು ಭಾವಿಯಿಂದ ರಾಟೆಯ ಮೂಲಕ ಪುಷ್ಪರಾಶಿಯೊಂದಿಗೆ ಸೇದಿ ಬಿಡುಗಡೆ ಮಾಡಿದ್ದು ವಿಶೇಷತೆಯಾಗಿತ್ತು.
# ಬಿಡುಗಡೆಯ ವೇಳೆಯೇ ವೇದಿಕೆಯಲ್ಲಿ ಇದ್ದ ರಾಯ್ ಕ್ಯಾಸ್ಟಲಿನೋ ಮತ್ತು ಕೆ.ವಿ ನಾರಾಯಣ ಅವರು ಅನುಕ್ರಮವಾಗಿ ಕೊಂಕಣಿ ಸಹಿತ್ಯ ಅಕಾಡೆಮಿ ಮತ್ತು ಕುವೆಂಪು ಭಾಷಾ ಭಾರತಿಗೆ ಅಧ್ಯಕ್ಷರಾಗಿ ಆಯ್ಕೆಯಾದ ಸುದ್ದಿ ಪ್ರಸಾರವಾಯಿತು.
ಅಲ್ವಿನ್ ಡೇಸಾ ಮತ್ತು ಟೈಟಸ್ ನೆರೊನ್ಹ ಕಾರ್ಯಕ್ರಮ ನಿರೂಪಿಸಿದರು.

































ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com