ಅನ್ಯಾಯ ಎಸಗುವುದು, ಸಹಿಸುವುದು ಮಹಾಪಾಪ: ಪಂಚಮ ಸಿಂಗ್

ಮಣಿಪಾಲ: ಅನ್ಯಾಯ ಎಸಗುವುದು ಮಾತ್ರವಲ್ಲ, ಅನ್ಯಾಯ ಸಹಿಸುತ್ತಾ ಕೂರುವುದೂ ಕೂಡ ಮಹಾಪಾಪ ಎಂದು ಮಧ್ಯಪ್ರದೇಶದ ಚಂಬಲ್ ಕಣಿವೆಯ ಮಾಜಿ ಡಕಾಯಿತ ಪಂಚಮ್ ಸಿಂಗ್ ಚೌಹಾನ್ (90) ಹೇಳಿದ್ದಾರೆ. 

ಅವರು ಮಣಿಪಾಲದ ಪೆರಂಪಳ್ಳಿಯಲ್ಲಿರುವ ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರೀಯ ವಿಶ್ವವಿದ್ಯಾಲಯದಲ್ಲಿ ಮಂಗಳವಾರ ನಡೆದ ನಕಾರಾತ್ಮಕತೆಯಿಂದ ಸಕಾರಾತ್ಮಕತೆಯೆಡೆಗೆ ಕಾರ್ಯಕ್ರಮದಲ್ಲಿ ಮಾತನಾಡಿದರು. 

ಸಾವಿನ ಗುಂಡು, ಕಾನೂನು, ಮರಣ ದಂಡನೆಯಿಂದ ಪಾರಾಗಿ ಬಂದ ನಾನೀಗ ಹೊಸ ಮನುಷ್ಯನಾಗಿ ಶಾಂತಿ, ವಿಶ್ವ ಭ್ರಾತೃತ್ವಕ್ಕಾಗಿ ಓಡಾಡುತ್ತಿದ್ದೇನೆ. ಸರಕಾರ ಸಾವಿರಾರು ಕೋಟಿ ರೂ. ವ್ಯಯಿಸಿದರೂ ನೀಗದ ಡಕಾಯಿತರ ಸಮಸ್ಯೆ ನಿವಾರಣೆ ಪ್ರಜಾಪಿತ ಈಶ್ವರೀಯ ವಿವಿಯಿಂದ ಡಕಾಯಿತರ ಮನಃ ಪರಿವರ್ತನೆ ಮೂಲಕ ಸಾಧ್ಯವಾಗುತ್ತಿದೆ. ನನ್ನ ಆಹಾರ ಹಣ್ಣು ಮತ್ತು ಬೆಣ್ಣೆ ಮಾತ್ರ. ಹೀಗಾಗಿ ಇಂದಿಗೂ ಯಾವುದೇ ಕಾಯಿಲೆಯಿಲ್ಲದೆ ಆರೋಗ್ಯವಾಗಿದ್ದೇನೆ ಎಂದು ಚೌಹಾನ್ ಹೇಳಿದರು. ಸುರೇಶ್ ಬಾಯಿ, ಸೌರಭ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com