ಕಲೆಗೆ ಜಾತಿ, ಧರ್ಮ, ಭಾಷೆ ಹಂಗಿಲ್ಲ: ಓಂ ಗಣೇಶ್

ಬೈಂದೂರು: ಕಲೆಗೆ ಪ್ರತಿಭೆಯೊಂದೇ ಮಾನದಂಡವಾಗಿದ್ದು, ಅದಕ್ಕೆ ಜಾತಿ, ಧರ್ಮ, ಭಾಷೆಯ ಹಂಗಿಲ್ಲ. ಸಮಾಜದಲ್ಲಿನ ಸಾಮರಸ್ಯಕ್ಕೆ ಕಲಾವಿದರ ಕೊಡುಗೆ ಅಪಾರವಾಗಿದ್ದು, ಅವರು ತನ್ನ ವೈಯಕ್ತಿಕ ದುಃಖ-ದುಮ್ಮಾನಗಳನ್ನು ಮರೆತು ಪ್ರೇಕ್ಷಕರಿಗೆ ಮನೋರಂಜನೆಯನ್ನು ನೀಡುತ್ತಿದ್ದಾರೆ. ಕಲಾವಿದರು ಸೃಜನಶೀಲತೆ ಬೆಳೆಸಿಕೊಂಡಾಗ ಪರಿಪೂರ್ಣನಾಗಲೂ ಸಾಧ್ಯವಾಗುತ್ತದೆ ಎಂದು ಚಿತ್ರ ನಟ ಓಂ ಗಣೇಶ್ ಉಪ್ಪುಂದ ಹೇಳಿದರು. 

ಉಪ್ಪುಂದ ಮಾತೃಶ್ರೀ ಸಭಾಭವನದಲ್ಲಿ ವಿಶ್ವ ರಂಗಭೂಮಿ ದಿನಾಚರಣೆ ಅಂಗವಾಗಿ ರಂಗಸ್ಥಳ ಉಪ್ಪುಂದ ಮತ್ತು ಸುರಭಿ ಬೈಂದೂರು ಆಶ್ರಯದಲ್ಲಿ ರಂಗ ಕಲಾವಿದ ಅಬ್ದುಲ್ ರಹಿಮಾನ್ ಉಪ್ಪುಂದ ಅವರಿಗೆ ರಂಗಭೂಮಿ ಗೌರವ ಬಾಗಿನ ಅರ್ಪಿಸಿ ಮಾತನಾಡಿದರು. 

ರಂಗಸ್ಥಳ ಉಪ್ಪುಂದ ಅಧ್ಯಕ್ಷ ರಾಮಕೃಷ್ಣ ದೇವಾಡಿಗ ಅದ್ಯಕ್ಷತೆ ವಹಿಸಿದ್ದರು. ಕುಂದಾಪುರ ತಾಲೂಕು ದ್ರಾವಿಡ ಬ್ರಾಹ್ಮಣ ಪರಿಷತ್ ಅಧ್ಯಕ್ಷ ಯು.ಎಚ್. ರಾಜಾರಾಮ್ ಭಟ್, ಬೈಂದೂರು ಕ್ರಿಸ್ತಿ ಕಲಾಂಗಣ ಅಧ್ಯಕ್ಷ ಜೋಸೆಫ್ ಫರ್ನಾಂಡಿಸ್, ಸುರಭಿ ನಿರ್ದೇಶಕ ಸುಧಾಕರ ಪಿ., ಉದ್ಯಮಿ ಪ್ರಕಾಶ್ ಭಟ್ ಉಪ್ಪುಂದ, ಬೈಂದೂರು ಲಾವಣ್ಯ ಕಲಾವಿದರಾದ ಗಣೇಶ್ ಕಾರಂತ, ಶ್ರೀನಿವಾಸ್ ಪ್ರಭು, ರಂಗ ಕಲಾವಿದ ತ್ರಿವಿಕ್ರಮ ರಾವ್, ಉಪ್ಪುಂದ ದುರ್ಗಾಪರಮೇಶ್ವರಿ ದೇವಳದ ಧರ್ಮದರ್ಶಿ ಗಣೇಶ ಉಪ್ಪುಂದ, ಕ್ಲಾರೆನ್ಸ್ ಫರ್ನಾಂಡಿಸ್, ಯು.ಎ. ಮಂಜು ದೇವಾಡಿಗ ಉಪಸ್ಥಿತರಿದ್ದರು. ಉಪ್ಪುಂದ ಜೇಸಿಐ ಅಧ್ಯಕ್ಷ ಸುಧಾಕರ ದೇವಾಡಿಗ ಕಾರ್ಯಕ್ರಮ ನಿರೂಪಿಸಿದರು. ಬಳಿಕ ಲೈವ್ ಥಿಯೇಟರ್ ಹೆಗ್ಗೋಡು ಅವರಿಂದ 'ಶಬ್ದಗಳು' ನಾಟಕ ಪ್ರದರ್ಶನಗೊಂಡಿತು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com