ಯಕ್ಷಗಾನ ವಯಸ್ಕರ ಶಿಕ್ಷಣ ಮಾಧ್ಯಮ: ಹೆಬ್ಬಾರ್

ಕುಂದಾಪುರಸಾಹಿತ್ಯ, ಕುಣಿತ, ನೃತ್ಯ, ಲಯ, ಭಾವ, ನಾಟ್ಯದಿಂದ ಕೂಡಿದ ಅದ್ಭುತವಾದ ವಿಶಿಷ್ಟ ಕಲೆ ಯಕ್ಷಗಾನ. ಇಡೀ ನಮ್ಮ ಸಂಸ್ಕೃತಿಯ ಪರಿಚಯವನ್ನೇ ಮಾಡಿದ ಈ ಯಕ್ಷಗಾನ ಕಲೆ ವಯಸ್ಕರ ಶಿಕ್ಷಣ ಮಾಧ್ಯಮವಾಗಿ ಮಾರ್ಪಟ್ಟಿದೆ ಎಂದು ಹಿರಿಯ ನ್ಯಾಯವಾದಿ ಎ.ಎಸ್.ಎನ್. ಹೆಬ್ಬಾರ್ ಹೇಳಿದರು. 

ಮಂಗಳವಾರ ರಾತ್ರಿ ಬೀಜಾಡಿ ಪಾರ್ವತಿ ಮಂಜುನಾಥ ಶೆಟ್ಟಿಗಾರ್ ನೇತೃತ್ವದಲ್ಲಿ ಸೌಕೂರು ಮೇಳದ 25ನೇ ವರ್ಷದ ಯಕ್ಷಗಾನ ಸೇವೆಯ ಬೆಳ್ಳಿಹಬ್ಬದ ಪ್ರಯುಕ್ತ ಹಿರಿಯ-ಕಿರಿಯ ಯಕ್ಷಗಾನ ಕಲಾವಿದರನ್ನು ಗೌರವಿಸುವ ಕಾರ್ಯಕ್ರಮದಲ್ಲಿ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಇದೇ ಸಂದರ್ಭದಲ್ಲಿ ಯಕ್ಷಗಾನ ಸೇವಾಕರ್ತರಾದ ಬೀಜಾಡಿ ಪಾರ್ವತಿ ಮಂಜುನಾಥ ಶೆಟ್ಟಿಗಾರ್, ಪ್ರಸಂಗಕರ್ತ ಬಸವರಾಜ್ ಶೆಟ್ಟಿಗಾರ್, ಹಿರಿಯ ಕಲಾವಿದ ಕೋಡಿ ವಿಶ್ವನಾಥ ಗಾಣಿಗ ಹಾಗೂ ಮೇಳದ ಹಿರಿಯ-ಕಿರಿಯ ಕಲಾವಿದರನ್ನು ಅಭಿನಂದಿಸಿ ಗೌರವಿಸಲಾಯಿತು. ಶೃಂಗೇರಿ ಶಾರದಾ ಪೀಠದ ಪ್ರಾಂತೀಯ ಧರ್ಮಾಧಿಕಾರಿ ಡಾ. ಎಚ್.ವಿ. ನರಸಿಂಹಮೂರ್ತಿ ಶುಭಾಶಂಸನೆಗೈದರು. ಕುಂದಾಪುರ ಭೂ ಅಭಿವೃದ್ಧಿ ಬ್ಯಾಂಕ್ ಅಧ್ಯಕ್ಷ ಕಾಪು ದಿನಕರ ಶೆಟ್ಟಿ, ಸಾಲಿಕೇರಿ ದೇವಸ್ಥಾನದ ಧರ್ಮದರ್ಶಿ ಸದಾಶಿವ ಶೆಟ್ಟಿಗಾರ್, ಮಾಜಿ ಧರ್ಮದರ್ಶಿ ಶ್ರೀನಿವಾಸ ಶೆಟ್ಟಿಗಾರ್ ಉಪಸ್ಥಿತರಿದ್ದರು. ವಾಸ್ತುತಜ್ಞ ಕೆ. ಬಸವರಾಜ್ ಶೆಟ್ಟಿಗಾರ್ ಸ್ವಾಗತಿಸಿದರು. ಗುರುರಾಜ್ ಗಾಣಿಗ ಹಂಗಳೂರು ಕಾರ್ಯಕ್ರಮ ನಿರ್ವಹಿಸಿದರು.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com