ಕರಾವಳಿ ಕಿರುಚಿತ್ರೋತ್ಸವಕ್ಕೆ ಕಿರುಚಿತ್ರ ಆಹ್ವಾನ

ಕಟಪಾಡಿ: ಯುನಿಸೆಫ್-ಪ್ರಸಾರ ಭಾರತಿ ರಾಷ್ಟ್ರೀಯ ಪ್ರಶಸ್ತಿಪುರಸ್ಕೃತ ದಿಶಾ ಕಮ್ಯುನಿಕೇಶನ್ಸ್ ವತಿಯಿಂದ ಏಪ್ರಿಲ್ ತಿಂಗಳಲ್ಲಿ ಉಡುಪಿಯಲ್ಲಿ ನಡೆಯಲಿರುವ ಕರಾವಳಿ ಕಿರು ಚಿತ್ರೋತ್ಸವ-2014 ಮತ್ತು ಪ್ರಶಸ್ತಿ ಪ್ರದಾನ ಸಮಾರಂಭಕ್ಕೆ ದಕ, ಉಡುಪಿ, ಕಾಸರಗೋಡು, ಉತ್ತರ ಕನ್ನಡ ಜಿಲ್ಲಾ ವ್ಯಾಪ್ತಿಯ ಚಿತ್ರ ನಿರ್ಮಾಪಕ, ನಿರ್ದೆಶಕರಿಂದ ಕಿರುಚಿತ್ರಗಳನ್ನು ಆಹ್ವಾನಿಸಲಾಗಿದೆ. 

ಎರಡು ದಿನಗಳ ಕಾಲ ನಡೆಯುವ ಕರಾವಳಿ ಕಿರು ಚಿತ್ರೋತ್ಸವದಲ್ಲಿ ಕರಾವಳಿಯ ಸಾಮಾಜಿಕ ಸಮಸ್ಯೆಗಳ ಬಗ್ಗೆ ಬೆಳಕು ಚೆಲ್ಲುವ ಕನ್ನಡ, ತುಳು, ಕೊಂಕಣಿ ಭಾಷೆಯ ಕಿರುಚಿತ್ರಗಳಿಗೆ ಪಾಲ್ಗೊಳ್ಳಲು ಅವಕಾಶವಿದ್ದು, 15 ನಿಮಿಷದಿಂದ 30 ನಿಮಿಷಗಳ ಕಾಲಾವಧಿಯ ಡಿವಿಡಿ ಫಾರ್ಮೆಟ್‌ನಲ್ಲಿರುವ ಕಿರುಚಿತ್ರಗಳಿಗೆ ಆದ್ಯತೆ ನೀಡಲಾಗುವುದು. 

ಹೊಸಬರು ತಯಾರಿಸಿ,ಅಭಿನಯಿಸಿರುವ ಉತ್ತಮ ಗುಣಮಟ್ಟದ ಚಿತ್ರಗಳಿಗೆ ಪ್ರಥಮ ಪ್ರಾಶಸ್ತ್ಯ ನೀಡಲಾಗುವುದು. ಕಿರು ಚಿತ್ರೋತ್ಸವಕ್ಕೆ ಆಯ್ಕೆಯಾದ ಚಿತ್ರಗಳ ಪ್ರದರ್ಶನ ಮತ್ತು ನಾನಾ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ಚಿತ್ರೋತ್ಸವದಲ್ಲಿ ಘೋಷಣೆ ಮಾಡಲಾಗುವುದು. ಉತ್ತಮ ಚಿತ್ರ ಪ್ರಶಸ್ತಿ, ಉತ್ತಮ ಕತೆ, ಉತ್ತಮ ನಿರ್ದೇಶನ, ಉತ್ತಮ ಛಾಯಾಗ್ರಹಣ, ಸಂಕಲನ, ಸಂಗೀತ ವಿಭಾಗಗಳಲ್ಲಿ ಹಾಗೂ ಉತ್ತಮ ನಟ, ನಟಿ ಪ್ರಶಸ್ತಿಗಳನ್ನು ನೀಡಲಾಗುವುದು. 

ಚಿತ್ರೋತ್ಸವಕ್ಕೆ ಆಯ್ಕೆಯಾದ ಎಲ್ಲ ಕಿರುಚಿತ್ರಗಳಿಗೆ ಪ್ರಶಸ್ತಿಪತ್ರಗಳನ್ನು ನೀಡಿ ಗೌರವಿಸಲಾಗುವುದು. ಆಸಕ್ತರು ಈ ಕೆಳಗಿನ ವಿಳಾಸವನ್ನು ಸಂಪರ್ಕಿಸಿ ಅರ್ಜಿ ನಮೂನೆಗಳನ್ನು ಪಡೆದು ಮಾ.30ರೊಳಗೆ ಚಿತ್ರಗಳನ್ನು ಸ್ಪರ್ಧೆಗಳಿಗೆ ಕಳುಹಿಸಿಕೊಡಬಹುದು. ಮಾಹಿತಿಗಾಗಿ ನಿರ್ದೇಶಕರು, ದಿಶಾ ಕಮ್ಯೂನಿಕೇಶನ್ಸ್, ಯಶಸ್, ಕೋಟೆ ಬೀಡಿನ ಬಳಿ ಕಟಪಾಡಿ ಅಂಚೆ ಉಡುಪಿ ಜಿಲ್ಲೆ -574105 ಕರ್ನಾಟಕ. ಮೊಬೈಲ್: 9964019229, 9880059298, 9845001197 ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com