1 ಲಕ್ಷ ಕೋಟಿ ರೂ. ವ್ಯವಹಾರ ಗುರಿ: ಜಯರಾಮ ಭಟ್

ಕುಂದಾಪುರ: ಕರ್ಣಾಟಕ ಬ್ಯಾಂಕ್ ವ್ಯವಹಾರದಲ್ಲಿ ಮುಂಚೂಣಿಯಲ್ಲಿದ್ದು, ಈಗಾಗಲೆ 67 ಸಾವಿರ ಕೋಟಿ ವ್ಯವಹಾರ ನಡೆಸಿದೆ. ಮುಂದಿನ 2ವರ್ಷಗಳಲ್ಲಿ 1 ಲಕ್ಷ ಕೋಟಿ ವ್ಯವಹಾರ ತಲುಪುವ ಗುರಿ ಇಟ್ಟುಕೊಳ್ಳಲಾಗಿದೆ ಎಂದು ಕರ್ಣಾಟಕ ಬ್ಯಾಂಕ್ ವ್ಯವಸ್ಥಾಪನಾ ನಿರ್ದೇಶಕ ಪಿ. ಜಯರಾಮ ಭಟ್ ಹೇಳಿದರು. ಗಂಗೊಳ್ಳಿ ಚರ್ಚ್ ರಸ್ತೆ ಸಮೀಪ ಕೊಂಕಣಿ ಖಾರ್ವಿ ಮಹಾಜನ ಸಂಘದ ಸಂಕೀರ್ಣದಲ್ಲಿ ಕರ್ಣಾಟಕ ಬ್ಯಾಂಕಿನ 659ನೇ ಎಟಿಎಂ ಕೇಂದ್ರವನ್ನು ಗುರುವಾರ ಉದ್ಘಾಟಿಸಿ ಮಾತನಾಡಿದರು. 

ಈಗಾಗಲೇ 571 ಶಾಖೆ ಆರಂಭಗೊಂಡಿದ್ದು ಈ ವರ್ಷಾಂತ್ಯಕ್ಕೆ 600 ಬ್ರ್ಯಾಂಚ್‌ಗಳು ಕಾರ್ಯಾಚರಿಸಲಿವೆ. ಮುಂದಿನ 10 ದಿನದಲ್ಲಿ 30 ಶಾಖೆಗಳು ಗ್ರಾಹಕರ ಸೇವೆಗೆ ಒದಗಲಿವೆ. ಗಂಗೊಳ್ಳಿಯಲ್ಲಿ ಮುಂದಿನ ದಿನಗಳಲ್ಲಿ ಶಾಖೆ ತೆರೆಯುವ ಬಗ್ಗೆ ಯೋಚಿಸಲಾಗುವುದು ಎಂದರು. 

ಬ್ಯಾಂಕ್‌ನ ಪ್ರಾದೇಶಿಕ ಕಚೇರಿಯ ಸಹಾಯಕ ಮಹಾಪ್ರಬಂಧಕ ಎಚ್.ಪಿ.ಆರ್. ಹಂದೆ, ಮುಖ್ಯಪ್ರಬಂಧಕ ನಾಗೇಶ ರಾವ್, ಕುಂದಾಪುರ ಶಾಖೆ ಪ್ರಬಂಧಕ ಚಂದ್ರಶೇಖರ ನಾವಡ, ಸಂಕೀರ್ಣದ ಮುಖ್ಯಸ್ಥರಾದ ಮಂತಿ ಸುರೇಶ ಖಾರ್ವಿ, ಉದ್ಯಮಿ ಉಮೇಶ ಮೇಸ್ತ, ತಾ.ಪಂ.ಮಾಜಿ ಸದಸ್ಯ ಸುರೇಂದ್ರ ಖಾರ್ವಿ, ಗ್ರಾಪಂ ಸದಸ್ಯ ಬಿ. ರಾಘವೇಂದ್ರ ಪೈ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com