ಮನೆಯೇ ದೇವಾಲಯ ಆಗಲಿ: ಸು. ರಾಮಣ್ಣ

ಕುಂದಾಪುರ: ದೇವಾಲಯದ ಬಗ್ಗೆ ನಾವು ಎಷ್ಟು ಶ್ರದ್ಧೆಯನ್ನು ಹೊಂದಿರುತ್ತೇವೆಯೋ ಅಷ್ಟೇ ಶ್ರದ್ಧೆಯನ್ನು ಮನೆಯ ಮೇಲೆ ಇಟ್ಟರೆ ಪ್ರತಿಯೊಂದು ಮನೆಯೂ ದೇವಾಲಯವಾಗಿ ಸುಖ ಶಾಂತಿ ನೆಮ್ಮದಿಯ ತಾಣವಾಗುತ್ತದೆ. ಆದುದರಿಂದ ಮನೆಯನ್ನು ದೇವಾಲಯವಾಗಿಸುವ ಜವಾಬ್ದಾರಿ ನಮ್ಮ ಮೇಲಿದೆ ಎಂದು ಅಖಿಲ ಭಾರತ ಕುಟುಂಬ ಪ್ರಬೋಧನ್ ಸಹ ಸಂಯೋಜಕ ಸು. ರಾಮಣ್ಣ ಹೇಳಿದರು. 

ಭಾರತ ವಿಕಾಸ ಪರಿಷದ್ ಪರಶುರಾಮ ಶಾಖೆ ಕೋಟೇಶ್ವರ ಹಾಗೂ ಕೋಟೇಶ್ವರ ಮೇಪುವಿನ ಶಾಂತಿಧಾಮ ಪೂರ್ವ ಗುರುಕುಲ ಪ್ರಾಥಮಿಕ ಶಾಲೆ ಆಶ್ರಯದಲ್ಲಿ ಶಾಂತಿಧಾಮದಲ್ಲಿ ಶುಕ್ರವಾರ ಜರುಗಿದ ಭಾರತೀಯ ಕುಟುಂಬ ಕವಲು ದಾರಿಯಲ್ಲಿ ಮತ್ತು ಪರಿಹಾರ ವಿಚಾರಗೋಷ್ಠಿಯಲ್ಲಿ ಮಾತನಾಡಿದರು. 

ಬದುಕಿನ ಹಾದಿಯಲ್ಲಿ ಎಡರು ತೊಡರುಗಳೂ ಸ್ವಾಭಾವಿಕ. ಅವುಗಳನ್ನು ಮೆಟ್ಟಿ ನಿಂತು ಆದರ್ಶಮಯ ಜೀವನ ಮೈಗೂಡಿಸಿಕೊಂಡು ನಮ್ಮ ಮನೆಯ, ಸಮಾಜದ ಬೆಳಕಾಗಿ ಹೆಜ್ಜೆ ಹಾಕಬೇಕಾದ ಅನಿವಾರ್ಯತೆ ಇದೆ. ಅದಕ್ಕಾಗಿ ಮನೆಯೇ ಮೊದಲ ಪಾಠಶಾಲೆ ಆಗಬೇಕು. ಮನೆಯಲ್ಲಿ ಸಿಗುವ ಸಂಸ್ಕಾರ, ಕಲಿತ ಸದ್ಗುಣ ಜೀವನದುದ್ದಕ್ಕೂ ನಮ್ಮ ಜತೆಗೆ ಇರುತ್ತದೆ ಎಂದರು. ಭಾರತ ವಿಕಾಸ ಪರಿಷದ್ ಪರಶುರಾಮ ಶಾಖೆ ಕೋಟೇಶ್ವರದ ಅಧ್ಯಕ್ಷ ಕೆ. ಸುಕೇಶ್ ಶೇಟ್, ಶಾಂತಿಧಾಮ ಗುರುಕುಲದ ಕಷ್ಣರಾಯ ಶ್ಯಾನುಭಾಗ್ ಉಪಸ್ಥಿತರಿದ್ದರು.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com