ಕಲಾವಿದರ ಕ್ಯಾಂಪೇನ್ ಪರಿಣಾಮ ಬೀರದು: ಪ್ರಸನ್ನಾ ಭಂಡಾರಿ

ಬೈಂದೂರು: ಶಿವಮೊಗ್ಗ ಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ಗೀತಾ ಶಿವರಾಜ್‌ಕುಮಾರ್ ಅವರ ಪರ ಪ್ರಚಾರಕ್ಕೆ ಸಿನಿಮಾ ಸ್ಟಾರ್ ಕ್ಯಾಂಪೇನ್ ನಡೆಸುತ್ತಿದ್ದಾರೆ. ಇದರಿಂದ ಏನೂ ಪ್ರಯೋಜನವಿಲ್ಲ. ಸಿನಿಮಾ ಕ್ಷೇತ್ರದ ಪ್ರಭಾವ ರಾಜಕೀಯದಲ್ಲಿ ಪ್ರಭಾವ ಬೀರದು, ಕಲಾವಿದರಿಗೆ ಜನಸಾಮಾನ್ಯರ ಅಭಿವೃದ್ಧಿ ಬಗ್ಗೆ ಸ್ಪಷ್ಟ ಚಿಂತನೆ ಇಲ್ಲ ಎಂದು ಕಾಂಗ್ರೆಸ್ ಅಭ್ಯರ್ಥಿ ಮಂಜುನಾಥ ಭಂಡಾರಿ ಅವರ ಪತ್ನಿ ಪ್ರಸನ್ನಾ ಭಂಡಾರಿ ಹೇಳಿದರು. 

ಬೈಂದೂರು ವ್ಯಾಪ್ತಿಯ ನಾನಾ ಕಡೆ ಭೇಟಿ ನೀಡಿ ಚುನಾವಣೆ ಪ್ರಚಾರ ನಡೆಸಿ ಮಾತನಾಡಿದರು. ಬಿಜೆಪಿ ಅಭ್ಯರ್ಥಿ ಬಿಎಸ್‌ವೈ ಭ್ರಷ್ಟಾ ಚಾರಿಯಾಗಿದ್ದಾರೆ. ರಾಜಕೀಯದಲ್ಲಿ ಅನುಭವವಿದ್ದ ಮಂಜುನಾಥ ಭಂಡಾರಿ ಕ್ಲೀನ್ ಇಮೇಜ್ ಇರುವ ರಾಜಕಾರಣಿಯಾಗಿದ್ದು, ಕ್ಷೇತ್ರದ ಎಲ್ಲ ಭಾಗದಲ್ಲೂ ಕಾಂಗ್ರೆಸ್ ಪರ ಉತ್ತಮ ವಾತವರಣವಿದ್ದು, ಚುನಾವಣೆಯಲ್ಲಿ ಜಯ ಗಳಿಸುವುದು ನಿಶ್ಚಿತ ಎಂದರು. 

ಬೈಂದೂರು ಪೇಟೆ, ಸಂತೆ ಮಾರ್ಕೆಟ್, ಶಿರೂರು, ಉಪ್ಪುಂದ, ಗಂಗೊಳ್ಳಿ, ಹೆಮ್ಮಾಡಿ, ತಲ್ಲೂರು, ಅಂಪಾರು, ಸಿದ್ಧಾಪುರ ಭಾಗದಲ್ಲಿ ಚುನಾವಣ ಪ್ರಚಾರ ನಡೆಸಿ ಪತಿ ಪರ ಮತಯಾಚಿಸಿದರು. ಈ ಸಂದರ್ಭ ಕಾಂಗ್ರೆಸ್ ಮುಖಂಡ ರಾಜು ಪೂಜಾರಿ, ವಂಡ್ಸೆ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸಂಪಿಗೇಡಿ ಸಂಜೀವ ಶೆಟ್ಟಿ, ಶಾರದ ಬಿಜೂರು, ಸಾಧು ಎಸ್. ಬಿಲ್ಲವ, ಕಾಂಗ್ರೆಸ್ ನಾಯಕಿಯರಾದ ಶಕುಂತಲಾ ಚಂದ್ರಶೇಖರ್, ವೀರಮ್ಮ, ಸರಿತಾ, ಜುಲೇಕಾಬಿ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com