ಮತದಾನ ಬಹಿಷ್ಕಾರಿಸಿದ ಗ್ರಾಮಸ್ಥರ ಮನವೊಲಿಕೆಗೆ ಯತ್ನ

ಕರ್ಕುಂಜೆ : ಮತದಾನ ಬಹಿಷ್ಕಾರ ನಿರ್ಧಾರ ತೆಗೆದುಕೊಂಡಿರುವ ಕರ್ಕುಂಜೆ ಗ್ರಾಮದ ಮಾವಿನಗುಳಿ ಮತ್ತು ನೀರ್ಕೊಡ್ಲು ಹಳ್ಳಿಗೆ ಮತಯಾಚನೆಗೆ ತೆರಳಿದ ಜೆಡಿಎಸ್ ಮುಖಂಡರು ಮತದಾನ ಬಹಿಷ್ಕಾರ ಹಿಂಪಡೆಯುವಂತೆ ಗ್ರಾಮಸ್ಥರಲ್ಲಿ ಮನವಿ ಮಾಡಿಕೊಂಡರು. 

ಬಹು ವರ್ಷಗಳಿಂದ ಸಂಪರ್ಕ ರಸ್ತೆ ಅಭಿವದ್ಧಿಯಾಗದಿರುವುದು ಖೇದಕರ. ಅಭ್ಯರ್ಥಿ ಗೀತಾ ಶಿವರಾಜ್‌ಕುಮಾರ್ ಮತಯಾಚನೆಯ ಸಂದರ್ಭ ಪ್ರದೇಶದ ಸ್ಥಿತಿಗತಿಯ ಅವಲೋಕನ ನಡೆಸಿದ್ದಾರೆ. ರಸ್ತೆ ಅಭಿವದ್ಧಿಗೆ ಪ್ರಯತ್ನ ನಡೆಸುವ ಭರವಸೆ ಅವರು ನೀಡಿದ್ದಾರೆ. ಸಂಸತ್‌ಗೆ ಆಯ್ಕೆಯಾದಲ್ಲಿ ಪ್ರಥಮ ಆದ್ಯತೆ ನೀಡುವುದಾಗಿಯೂ ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಗ್ರಾಮಸ್ಥರು ತಮ್ಮ ನಿರ್ಧಾರ ಬದಲಾಯಿಸಿ ಮತದಾನ ಪ್ರಕ್ರಿಯೆಯಲ್ಲಿ ಭಾಗವಹಿಸಬೇಕು ಎಂದು ಜೆಡಿಎಸ್ ವಕ್ತಾರ ವಿ.ಕೆ.ಮೋಹನ್ ತಿಳಿಸಿದರು. 

ಮುಖಂಡರ ಭರವಸೆಗೆ ಸಮ್ಮತಿ ಸೂಚಿಸಿದ ಗ್ರಾಮಸ್ಥರು ತಾತ್ಕಾಲಿಕವಾಗಿ ನಿರ್ಧಾರ ಹಿಂಪಡೆಯುತ್ತೇವೆ. ರಸ್ತೆ ಅಭಿವದ್ಧಿಯಾಗದಿದ್ದ ಪಕ್ಷದಲ್ಲಿ ಮುಂದೆಂದೂ ಚುನಾವಣೆ ಪ್ರಕ್ರಿಯೆಯಲ್ಲಿ ಭಾಗವಹಿಸುವುದಿಲ್ಲ ಎಂದು ತಿಳಿಸಿದರು. ಜೆಡಿಎಸ್ ಮುಖಂಡರಾದ ಎನ್.ಎ. ಪೂಜಾರಿ, ಅಣ್ಣಪ್ಪ ಪೂಜಾರಿ, ರಾಜೀವ ಕೋಟ್ಯಾನ್, ಎನ್.ಕೆ.ಬಿಲ್ಲವ, ಮನ್ಸೂರ್ ಮರವಂತೆ, ಸುಕುಮಾರ ಶೆಟ್ಟಿ ಇದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com