ವಾರಾಹಿ ಎಡದಂಡೆ ಕಾಲುವೆ ಮಣ್ಣು ಅಗೆತ:ಆಕ್ರೋಶ

ಕುಂದಾಪುರ: ವಾರಾಹಿ ಎಡದಂಡೆ ಕಾಲುವೆ ಹಾದುಹೋಗುವ ಹಾಲಾಡಿ, ಹೈಕಾಡಿ ಪ್ರದೇಶದಲ್ಲಿ ಕಾಲುವೆಯಲ್ಲಿ ಮಣ್ಣು ಅಗೆತ ಪ್ರಕ್ರಿಯೆ ಆರಂಭಿಸಿರುವುದಕ್ಕೆ ಉಡುಪಿ ಜಿಲ್ಲಾ ರೈತ ಸಂಘ ಆಕ್ರೋಶ ವ್ಯಕ್ತಪಡಿಸಿದೆ. 

ಕಾಲುವೆಯ ಮಣ್ಣು ಅಗೆತ ಕಾಮಗಾರಿ ಗುತ್ತಿಗೆದಾರರ ಜೇಬು ತುಂಬಿಸಲು ನಡೆಸಲಾಗುತ್ತಿದೆ ಹೊರತು ರೈತರಿಗೆ ಯಾವುದೇ ಅನುಕೂಲವಾಗುತ್ತಿಲ್ಲ. ಕಾಲುವೆಯಿಂದ ಅಗೆದ ಮಣ್ಣನ್ನು ಬೈಂದೂರು-ವಿರಾಜಪೇಟೆಯ ರಾಜ್ಯ ಹೆದ್ದಾರಿಯ ಇಕ್ಕೆಲಗಳಲ್ಲಿ ಬೇಕಾಬಿಟ್ಟಿಯಾಗಿ ಎಸೆಯಲಾಗಿದೆ. ಇದರಿಂದ ವಾಹನಗಳು ವೃಥಾ ತೊಂದರೆ ಅನುಭವಿಸುತ್ತಿವೆ. ಕಳೆದ 32 ವರ್ಷಗಳಿಂದ ನಡೆಯುತ್ತಿರುವ ವಾರಾಹಿ ನೀರಾವರಿ ಯೋಜನೆ ಕಾಮಗಾರಿಯಡಿಯಲ್ಲಿ ಸಿಸಿ ಲೈನಿಂಗ್ ಮತ್ತು ಮಣ್ಣು ಅಗೆತ ಕಾಮಗಾರಿ ಸರಕಾರಿ ಹಣ ಲೂಟಿಯ ಭಾಗವಾಗಿ ಬಿಟ್ಟಿದೆ. ರೈತರ ಭೂಮಿಗೆ ನೀರು ಹರಿಸುವುದನ್ನು ಬಿಟ್ಟು ಕೇವಲ ಕಾಲುವೆಯ ಮಣ್ಣು ತೋಡುವುದು, ಒಂದಿಷ್ಟು ಮಣ್ಣನ್ನು ಪುನರಪಿ ಕಾಲುವೆಗೆ ಬಿಡುವುದು, ಎಲ್ಲೆಂದರಲ್ಲಿ ಎಸೆಯುವುದು ನಡೆಯುತ್ತಿದೆ. ವಾರಾಹಿ ನೀರಾವರಿ ನಿಗಮದ ಈ ಅಸಮರ್ಪಕ ಕಾರ್ಯವೈಖರಿ ವಿರುದ್ಧ ರಾಜ್ಯ ಸರಕಾರಕ್ಕೆ ದೂರು ಸಲ್ಲಿಸಲಾಗುವುದು ಎಂದು ಜಿಲ್ಲಾ ರೈತ ಸಂಘದ ಪ್ರತಿನಿಧಿ ವಿಕಾಸ್ ಹೆಗ್ಡೆ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. 

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com