ಗುಂಡ್ಮಿಯಲ್ಲಿ ನಲಿ ಕುಣಿ ಯಕ್ಷಗಾನ ಶಿಬಿರ ಉದ್ಘಾಟನೆ

ಕೋಟ: ಮಕ್ಕಳ ಸುಪ್ರಾವಸ್ಥೆಯಲ್ಲಿರುವ ಬುದ್ಧಿಮತ್ತೆಯನ್ನು ಹೊರ ತರುವ ಕೆಲಸ ಬಹಳ ಕಷ್ಟದ್ದು. ಅದರೊಂದಿಗೆ ಅವರನ್ನು ಸಾಂಸ್ಕೃತಿಕವಾಗಿ ಅಳವಡಿಸಿಕೊಂಡಾಗ ಅವರು ಬಹುದೊಡ್ಡ ಕಲಾ ಆಸ್ತಿಯಾಗಿ ಬೆಳೆಯುವುದಕ್ಕೆ ಸಂಶಯವಿಲ್ಲ. ಈ ನಿಟ್ಟಿನಲ್ಲಿ ಯಕ್ಷಗಾನ ಕಲಾಕೇಂದ್ರದವರು ಹಮ್ಮಿಕೊಂಡಿರುವ ನಲಿಕುಣಿ ಯಕ್ಷಗಾನ ಶಿಬಿರ ತನ್ನ ಆಶಯವನ್ನು ಮುಟ್ಟುವುದರಲ್ಲಿ ಸಂಶಯವಿಲ್ಲವೆಂದು ರಂಗಕರ್ಮಿ, ರಂಗ ನಿರ್ದೇಶಕ ಗೋಪಾಲಕೃಷ್ಣ ನಾಯಿರಿ ಹೇಳಿದರು.

ಅವರು ಹಂಗಾರಕಟ್ಟೆ ಯಕ್ಷಗಾನ ಕಲಾಕೇಂದ್ರ ಗುಂಡ್ಮಿಯ ಕಲಾಭವನದಲ್ಲಿ ಮಕ್ಕಳಿಗಾಗಿ ಏರ್ಪಡಿಸಿದ್ದ ನಲಿಕುಣಿ ಯಕ್ಷಗಾನ ತರಬೇತಿ ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದರು. ಉದ್ಘಾಟನಾ ಸಮಾರಂಭದಲ್ಲಿ ಸಾಬರಕಟ್ಟೆಯ ರವೀಂದ್ರ ಕಿಣಿ, ಕಲಾಕೇಂದ್ರದ ವೈಕುಂಠ ಹೆಬ್ಬಾರ್, ಶಿಬಿರ ನಿರ್ದೇಶಕ ಸದಾನಂದ ಐತಾಳ, ಪ್ರಾಚಾರ್ಯ ಕೃಷ್ಣಮೂರ್ತಿ ಉರಾಳ ,ಮುಂಡಾಡಿ ಬಸವ ಉಪಸ್ಥಿತರಿದ್ದರು. ಕಲಾಕೇಂದ್ರದ ಕಾರ್ಯದರ್ಶಿ ಐರೋಡಿ ರಾಜಶೇಖರ ಹೆಬ್ಬಾರ್ ಸ್ವಾಗತಿಸಿ, ವಂದಿಸಿದರು. ಗುಂಡ್ಮಿ ರಾಮಚಂದ್ರ ಐತಾಳ ಕಾರ್ಯಕ್ರಮ ನಿರೂಪಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com