ಕುಂದಾಪುರ ಮಹಿಳಾ ಠಾಣೆ ಉಡುಪಿಗೆ ಸ್ಥಳಾಂತರ

ಕುಂದಾಪುರ: ಕುಂದಾಪುರ ಪೊಲೀಸ್ ಉಪವಿಭಾಗದ ಪ್ರಧಾನ ಠಾಣೆಯಾಗಿ ಕೆಲಸ ನಿರ್ವಹಿಸುತ್ತಿರುವ ಕುಂದಾಪುರ ಮಹಿಳಾ ಠಾಣೆ ಉಡುಪಿಗೆ ಸ್ಥಳಾಂತರಗೊಂಡಿದೆ. 
ಉಡುಪಿ ಎಸ್ಪಿ ಡಾ.ಬೋರಲಿಂಗಯ್ಯ ವಿಷಯ ದೃಢಪಡಿಸಿದ್ದಾರೆ. ಕೆಲವು ಸಮಯದಿಂದ ಈ ಬಗ್ಗೆ ಮಾತುಗಳು ಕೇಳಿ ಬರುತ್ತಿದ್ದವು. 

ಮಹಿಳಾ ಠಾಣೆ ಸ್ಥಾಪನೆ: ವಿಧಾನ ಪರಿಷತ್ ಮಾಜಿ ಸದಸ್ಯೆ ವಿನ್ನಿಫ್ರೆಡ್ ಫರ್ನಾಂಡಿಸ್ ಅವರ ಪ್ರಭಾವದಿಂದ 2003ರಲ್ಲಿ ಆರಂಭಗೊಂಡ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪಿಎಸ್‌ಐ, 2 ಎಎಸ್‌ಐ, 7 ಎಚ್‌ಸಿ, 21 ಪೊಲೀಸ್ ಸಿಬ್ಬಂದಿ ಇದ್ದಾರೆ. ಉಡುಪಿ, ಮಂಗಳೂರಿಗೆ ಹೋಲಿಸಿದರೆ ಕುಂದಾಪುರ ಮಹಿಳಾ ಠಾಣೆಯಲ್ಲಿ ಅತಿ ಹೆಚ್ಚು ಪ್ರಕರಣ ದಾಖಲಾಗುತ್ತಿವೆ. ಕುಂದಾಪುರ ಪೊಲೀಸ್ ಸಬ್ ಡಿವಿಜನ್ ವ್ಯಾಪ್ತಿಯ ಎಲ್ಲ ಪೊಲೀಸ್ ಠಾಣೆಗಳ ಮಹಿಳಾ ಸಂಬಂಧಿ ಪ್ರಕರಣಗಳ ವಿಲೇವಾರಿ ಮಹಿಳಾ ಠಾಣೆ ಮೂಲಕವೇ ನಡೆಯುತ್ತಿದೆ. 

ಉಡುಪಿ ಜಿಲ್ಲೆಯ ಪ್ರಮುಖ ಕೇಂದ್ರವಾಗಿರುವ ಕುಂದಾಪುರ ಬೆಳೆಯುತ್ತಿರುವ ನಗರ. ಬೇಡಿಕೆಯ ನೆಲೆಯಲ್ಲಿಯೇ ಮಹಿಳಾ ಪೊಲೀಸ್ ಠಾಣೆ ಆರಂಭಗೊಂಡಿದೆ. ಇದರಿಂದ ಸಾಕಷ್ಟು ಮಹಿಳೆಯರಿಗೆ ಅನುಕೂಲ ಆಗಿದೆ. ಒಂದೊಮ್ಮೆ ಉಡುಪಿಗೆ ಠಾಣೆ ಸ್ಥಳಾಂತರಗೊಂಡಲ್ಲಿ ಶಿರೂರು, ಭಟ್ಕಳದ ನಾಗರಿಕರು ಬಹುದೂರದ ಉಡುಪಿಗೆ ಹೋಗಬೇಕಾದ ಪರಿಸ್ಥಿತಿ ಎದುರಾಗಲಿದೆ ಎಂದು ಸಾಮಾಜಿಕ ಕಾರ್ಯಕರ್ತ ಶರಶ್ಚಂದ್ರ ಹೆಗ್ಡೆ ಹೇಳುತ್ತಾರೆ.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com