ಗೀತಾ ಶಿವರಾಜ್‌ಕುಮಾರ್ ಗೆಲುವು ಬಂಗಾರಪ್ಪಗೆ ಗೌರವ: ವಿ.ಕೆ. ಮೋಹನ್

ಮರವಂತೆ: ಗೀತಾ ಶಿವರಾಜ್‌ಕುಮಾರ್ ಯಾವುದೇ ಅನ್ಯ ಉದ್ದೇಶದಿಂದ ರಾಜಕೀಯ ಪ್ರವೇಶಿಸಿಲ್ಲ. ಬಂಗಾರಪ್ಪ ಅವರ ಸೋಲು ಕಣ್ಣಾರೆ ಕಂಡು ಆಘಾತಕ್ಕೊಳಗಾದವರು. ಅವರ ಆಶಯ ಈಡೇರಿಕೆಗೋಸ್ಕರ ಸಮಾಜ ಸೇವೆಯ ಉದ್ದೇಶದಿಂದ ರಾಜಕೀಯ ಪ್ರವೇಶಿಸಿದ್ದಾರೆ. ತಂದೆಯ ರಾಜಕಾರಣದಲ್ಲಿ ಅವರು ಹೆಗಲು ಕೊಟ್ಟವರು. ಅವರ ಗೆಲುವು ಬಂಗಾರಪ್ಪ ಅವರಿಗೆ ಸಲ್ಲುವ ಗೌರವ. ರಾಜ್ಯಕ್ಕೆ ಅನನ್ಯ ಕೊಡುಗೆ ನೀಡಿರುವ ಬಂಗಾರಪ್ಪ ಅವರ ಹೆಸರು ಉಳಿಯಬೇಕು. ಅದಕ್ಕಾಗಿ ಚುನಾವಣೆಯಲ್ಲಿ ಗೀತಾ ಶಿವರಾಜ್‌ಕುಮಾರ್ ಅವರನ್ನು ಮತದಾರರು ಆಯ್ಕೆ ಮಾಡಬೇಕು ಎಂದು ಡಾ. ರಾಜ್ ಕುಟುಂಬದ ಆಪ್ತ, ಬೆಂಗಳೂರು ಉದ್ಯಮಿ ವಿ.ಕೆ. ಮೋಹನ್ ಹೇಳಿದರು. 

ಮರವಂತೆಯ ಸಾಧನಾ ಸಭಾಭವನದಲ್ಲಿ ಶುಕ್ರವಾರ ಸಂಜೆ ಜರುಗಿದ ಜೆಡಿಎಸ್ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದರು. ಇದೇ ಸಂದರ್ಭ ಜೆಡಿಎಸ್‌ಗೆ ಸೇರ್ಪಡೆಗೊಂಡ ಜನತಾ ಪರಿವಾರದ ಹಿರಿಯ ಮುಖಂಡ ರಾಜೀವ ಕೋಟ್ಯಾನ್ ಮಾತನಾಡಿ, ಬೈಂದೂರಿನಲ್ಲಿ 1983ರಲ್ಲಿ ದಳದಿಂದ ಅಪ್ಪಣ್ಣ ಹೆಗ್ಡೆಯವರು ಆಯ್ಕೆಯಾದಂತೆ ಶಿವಮೊಗ್ಗ ಲೋಕಸಭೆ ಕ್ಷೇತ್ರದಲ್ಲಿ ಗೀತಾ ಶಿವರಾಜ್‌ಕುಮಾರ್ ಆಯ್ಕೆಯಾಗುವುದು ನಿಶ್ಚಿತ ಎಂದರು. 

ಜೆಡಿಎಸ್ ಹಿರಿಯ ಮುಖಂಡ ಭೋಜರಾಜ ಶೆಟ್ಟಿ, ಸಬ್ಲಾಡಿ ಮಂಜಯ್ಯ ಶೆಟ್ಟಿ, ಚರಿಯಬ್ಬ ಸಾಹೇಬ್, ಬೈಂದೂರು ಕ್ಷೇತ್ರ ಉಸ್ತುವಾರಿ ಡಿ.ಆರ್. ರಾಜು, ಮನ್ಸೂರ್ ಮರವಂತೆ, ಗ್ರೇಶನ್ ಕ್ರಾಸ್ತಾ, ಯೂಸುಫ್ ಬ್ಯಾರಿ, ಯಾಸೀನ್ ಹೆಮ್ಮಾಡಿ, ಶ್ರೀಕಾಂತ ಅಡಿಗ, ರಂಜಿತ್ ಕುಮಾರ ಶೆಟ್ಟಿ, ಕೆರ್ಗಾಲ್ ಗ್ರಾಪಂ ಅಧ್ಯಕ್ಷ ರೇವತಿ ಪೂಜಾರ‌್ತಿ, ಅಣ್ಣಪ್ಪ ಪೂಜಾರಿ, ಎನ್.ಎ. ಪೂಜಾರಿ, ಸಂದೇಶ ಭಟ್ ಉಪಸ್ಥಿತರಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com