ಕೋಡಿಯಲ್ಲಿ ಮುಂದುವರಿದ ಕಲ್ಲು ತೂರಾಟ, ಬಿಗಿ ಭದ್ರತೆ

ಕುಂದಾಪುರ: ಪ್ಯಾಸೆಂಜರ್ ಟೆಂಪೊಗೆ ಭಾನುವಾರ ರಾತ್ರಿ ಕಲ್ಲು ತೂರಾಟ ನಡೆಸಿದ ಪ್ರಕರಣದಿಂದಾಗಿ ಉದ್ವಿಗ್ನತೆ ನೆಲೆಗೊಂಡಿದ್ದ ಕೋಡಿಯಲ್ಲಿ ಕಲ್ಲು ತೂರಾಟ ಪ್ರಕರಣ ಮುಂದುವರಿದಿದೆ. ಭಾನುವಾರ ತಡರಾತ್ರಿ ಕೋಡಿ ಸನಿಹದ ಹಳೆಅಳಿವೆ ಕೆ.ಎಸ್. ಹಮೀದ್ ಎಂಬವರ ಮನೆ ಮೇಲೆ ಕಲ್ಲು ತೂರಾಟ ನಡೆಸಲಾಗಿದ್ದು ಕಿಟಕಿಯ ಗಾಜುಗಳು ಒಡೆದಿವೆ. 

ಸೋಡಾ ಬಾಟಲಿ ಎಸೆತ: ಕೋಟೇಶ್ವರ ಮೆಜಸ್ಟಿಕ್, ಹೈವೆ ಹೋಟೆಲ್, ಸಾಲಿಯಾನ್ ಮೋಟಾರ್ ಸನಿಹದ ಮನೆಗಳಿಗೆ, ಕಡಲ ತೀರದ ಕೆಲವು ಮನೆಗಳ ಮೇಲೆ ಸೋಡಾ ಬಾಟಲಿ ಎಸೆಯಲಾಗಿದ್ದು, ಕಿಟಕಿಯ ಗಾಜುಗಳು ಒಡೆದಿವೆ. ಪರಿಸ್ಥಿತಿ ವಿಕೋಪಕ್ಕೆ ತಿರುಗಿದ ಹಿನ್ನೆಲೆಯಲ್ಲಿ ಕೋಡಿ, ಕೋಟೇಶ್ವರ, ಹಳೆಅಳಿವೆ ವಠಾರದಲ್ಲಿ ಬಿಗಿ ಪೊಲೀಸ್ ಭದ್ರತೆ ಮಾಡಲಾಗಿದೆ. 
ಹೆಚ್ಚುವರಿ ಪೊಲೀಸ್ ಬಂದೋಬಸ್ತ್: ಎಂ. ಕೋಡಿಯಲ್ಲಿ 2 ಡಿಆರ್ ತುಕಡಿ, ಕೋಟೇಶ್ವರ ಕಿನರಾ ಹೋಟೆಲ್ ಸಮೀಪ ಹೆಚ್ಚುವರಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿದೆ. 

ಉಡುಪಿ ಡಿವೆಎಸ್ಪಿ ಪ್ರಭುದೇವ ಮಾನೆ, ಸಿಪಿಐ ದಿವಾಕರ್, ಬೈಂದೂರು, ಮಣಿಪಾಲ, ಶಿರ್ವ, ಗಂಗೊಳ್ಳಿ, ಕೊಲ್ಲೂರು, ಅಮಾಸೆಬೈಲು, ಶಂಕರನಾರಾಯಣ ಠಾಣಾಕಾರಿಗಳು, ಪೊಲೀಸ್ ಸಿಬ್ಬಂದಿ ಸ್ಥಳದಲ್ಲಿ ಠಿಕಾಣಿ ಹೂಡಿದ್ದಾರೆ. ಸೋಮವಾರ ಪ್ರದೇಶಗಳಲ್ಲಿ ಪರಿಸ್ಥಿತಿ ನಿಯಂತ್ರಣದಲ್ಲಿದ್ದು ಮುಂಜಾಗ್ರತಾ ಕ್ರಮ ತೆಗೆದುಕೊಳ್ಳಲಾಗಿದೆ. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com