ಪುಟಾಣಿ ಮಕ್ಕಳಿಂದ ಕಳೆಗಟ್ಟಿದ ಅಂಗನವಾಡಿ ಮಕ್ಕಳ ಮೇಳ


ಹೆಬ್ರಿ: ವೇದಿಕೆಯಲ್ಲಿ ಅತಿಥಿಗಳು, ಉದ್ಘಾಟಕರು, ಅಧ್ಯಕ್ಷರು ಎಲ್ಲರೂ ಮಕ್ಕಳೇ....! ವೇದಿಕೆಯ ಮುಂಭಾಗದಲ್ಲಿ ಮತ್ತು ಬಳಿಕ ವೇದಿಕೆಗೆ ಬಂದು ರಂಜಿಸಿದವರು ಅಂಗನವಾಡಿ ಮಕ್ಕಳು. ಇಂತಹ ವಿಶಿಷ್ಟ ಕಾರ್ಯಕ್ರಮ ಅಜೆಕಾರಿನ ರಾಮ ಮಂದಿರದಲ್ಲಿ ನಡೆಯಿತು. 

ಹೆತ್ತವರು, ಶಿಕ್ಷಕರ ಸರಿಯಾದ ಮಾರ್ಗದರ್ಶನದಿಂದ ಸಾಧನೆ ಸಾಧ್ಯ. ನನ್ನ ಸಾಧನೆಯಲ್ಲೂ ಅವರದ್ದೇ ಬಹುತೇಕ ಪಾಲು ಎಂದು ಅಂತಾರಾಷ್ಟ್ರೀಯ ಕರಾಟೆ ಪಟು ಮೂಡುಬಿದಿರೆಯ ಹರ್ಷಾ ಯು. ಕೋಟ್ಯಾನ್ ಹೇಳಿದರು. 

ಅವರು ಶ್ರೀ ಕಾಲೇಜು ಮೂಡುಬಿದಿರೆ, ಆದಿ ಗ್ರಾಮೋತ್ಸವ ಸಮಿತಿ, ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿಗಳು ಕಾರ್ಕಳ ಸಿಡಿಪಿಒ ಸಹಕಾರದೊಂದಿಗೆ ಆಯೋಜಿಸಿದ್ದ 2ನೇ ಅಂಗನವಾಡಿ ಮಕ್ಕಳ ಮೇಳ ಉದ್ಘಾಟಿಸಿ ಮಾತನಾಡಿದರು. 

ಅವಳಿ ಮಕ್ಕಳಾದ ಅಜೆಕಾರು ಅಂಗನವಾಡಿ ಕೇಂದ್ರದ ಜಾನ್ ವಿಲಿಯಂ ತಾವ್ರೋ ಮತ್ತು ಜೇನ್ ಮರಿಯಾ ತಾವ್ರೋ ಅವರಿಗೆ ಪ್ರಮಾಣ ಪತ್ರ ನೀಡುವ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿಲಾಯಿತು. ವಿದ್ಯಾರ್ಥಿ ಸಾಹಿತ್ಯ ಪ್ರತಿಭೆ ಮಹಾಲಕ್ಷ್ಮಿ ಉಪ್ಪಿನಕುದ್ರು ಅವರು ಅಧ್ಯಕ್ಷತೆ ವಹಿಸಿ ಅವಕಾಶಗಳ ಸದುಪಯೋಗವೇ ಬೆಳವಣಿಗೆಯ ಉತ್ತಮ ಸೋಪಾನ ಎಂದರು. 

ಅತಿಥಿಗಳಾಗಿ ನತ್ಯ ಪ್ರತಿಭೆಯ ಸಹೋದರಿಯರಾದ ಮೂಡು ಮಾರ್ನಾಡ್ ಕತಿ ಮತ್ತು ಪ್ರೀತಿ, ಸ್ಥಳೀಯ ಪ್ರತಿಭೆಗಳಾದ ಉಜ್ವಲ್ ಹೆಗ್ಡೆ, ವೆನಿಸ್ಸಾ ವಿಯೋಲಾ ಬ್ರಿಟ್ಟೊ, ಮಿಲೇನಿಯಂ ಬಾಯ್ ಶಶಿಕಾಂತ್ ಆಚಾರ್ಯ, ಹುಟ್ಟು ಹಬ್ಬ ಆಚರಿಸಿದ ಸುನಿ ಎಸ್. ಅಜೆಕಾರ್ ಭಾಗವಹಿಸಿದರು. ಸಂಘಟಕ ಶೇಖರ ಅಜೆಕಾರು ಮತ್ತು ಮೆರಿಟಾ ಲೋಬೋ ಕಾರ್ಯಕ್ರಮ ನಿರೂಪಿಸಿದರು. ವಿಯೋಲಾ ರೊಸಾರಿಯೊ ಮತ್ತು ಕತಿ, ಪ್ರೀತಿ ನತ್ಯ ಪ್ರದರ್ಶಿಸಿದರು. 

ಅಂಗನವಾಡಿ ಶಿಕ್ಷಕಿಯರಿಗೆ ಸನ್ಮಾನ: ಅಜೆಕಾರು ವಲಯದ 8 ಶಾಲೆಗಳ ಅಂಗನವಾಡಿ ಪುಟಾಣಿಗಳು ಮೇಳದಲ್ಲಿ ಭಾಗವಹಿಸಿದ್ದು 8 ಮಂದಿ ಶಿಕ್ಷಕಿಯರನ್ನು ಅಜೆಕಾರಿನ ಡಾ.ಸಂತೋಷ ಕುಮಾರ್, ಉದ್ಯಮಿ ಬಾಲಕಷ್ಣ ಹೆಗ್ಡೆ, ಪಂಚಾಯಿತಿ ಸದಸ್ಯ ಕಷ್ಣ ನಾಯಕ್ ಮತ್ತು ಕಲಾವಿದೆ ಆರಾಧನಾ ಟಿ.ಕೆ ಸನ್ಮಾನಿಸಿ ಗೌರವಿಸಿದರು. 

ಅಂಗನವಾಡಿ ಶಿಕ್ಷಕಿಯರಾದ ಶಕುಂತಲಾ ಕುರ್ಸುಕಟ್ಟೆ, ಸುಲೋಚನಾ ದಾಸಗದ್ದೆ, ಗೀತಾ ಎಣ್ಣೆಹೊಳೆ, ಗುಣಪಮ ಕಾಡುಹೊಳೆ, ಬೆನಿಡಿಕ್ಟಾ ಅಜೆಕಾರು, ನಂದಿನಿ. ಪಿ ಬೊಂಡುಕುಮೇರಿ, ಮಮತಾ ಶೆಟ್ಟಿ ಕೈಕಂಬ, ವಿದ್ಯಾ ಗುಡ್ಡೆಯಂಗಡಿ ಮೊದಲಾದವರನ್ನು ಶಾಲು, ಸ್ಮರಣಿಕೆ, ಪ್ರಶಸ್ತಿ ಪತ್ರ ನೀಡಿ ಗೌರವಿಸಲಾಯಿತು.




















ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com