ಕೊಲ್ಲೂರು: ಒಂದೇ ತಿಂಗಳಲ್ಲಿ ಹುಂಡಿಯಲ್ಲಿ 1.07 ಕೋಟಿ!


ಕೊಲ್ಲೂರು: ರಾಜ್ಯದ ಶ್ರೀಮಂತ ದೇಗುಲಗಳಲ್ಲಿ ಒಂದಾದ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದ ಹುಂಡಿಯಲ್ಲಿ ಕೇವಲ ಒಂದೇ ತಿಂಗಳ ಅವಧಿಯಲ್ಲಿ 1.07 ಕೋಟಿ ರೂ. ಜಮೆಯಾಗಿದೆ. 

ಮೇ ತಿಂಗಳ ಹುಂಡಿ ತೆರವು ಕಾರ್ಯ ಶುಕ್ರವಾರ ನಡೆದಿದ್ದು, 1,07,11,439 ರೂ. ಸಂಗ್ರಹವಾಗಿರುವುದು ದಾಖಲಾಗಿದೆ. ಅಲ್ಲದೆ 550 ಗ್ರಾಂ ಚಿನ್ನ ಮತ್ತು 2 ಕೇಜಿ ಬೆಳ್ಳಿ ಸಿಕ್ಕಿದೆ. ಹುಂಡಿ ತೆರವು ಕಾರ್ಯದ ವೇಳೆ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಕಷ್ಣಪ್ರಸಾದ್ ಅಡ್ಯಂತಾಯ, ಕಾರ್ಯನಿರ್ವಹಣಾಧಿಕಾರಿ ಎಲ್.ಎಸ್.ಮಾರುತಿ ಉಪಸ್ಥಿತರಿದ್ದರು. 

ಸಾರ್ವಕಾಲಿಕ ದಾಖಲೆ: ಇದೊಂದು ಸಾರ್ವಕಾಲಿಕ ದಾಖಲೆಯಾಗಿದೆ. ಇದುವರೆಗಿನ ತಿಂಗಳೊಂದರ ಗರಿಷ್ಠ ಸಂಗ್ರಹವೆಂದರೆ ರೂ. 82 ಲಕ್ಷ. ಎಂದು ಕಷ್ಣಪ್ರಸಾದ್ ಅಡ್ಯಂತಾಯ ಹೇಳಿದ್ದಾರೆ. ಸಾಮಾನ್ಯವಾಗಿ ತಿಂಗಳಲ್ಲಿ 60-0 ಲಕ್ಷ ರೂ. ಹುಂಡಿ ಆದಾಯ ಬರುತ್ತದೆ. 

ಕಾರಣವೇನು?: ಮೇ ತಿಂಗಳಲ್ಲಿ ಗರಿಷ್ಠ ಆದಾಯ ದಾಖಲಾಗಲು ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಬಂದ ಪ್ರವಾಸಿಗರು ಮತ್ತು ಯಾತ್ರಾರ್ಥಿಗಳು ಕಾರಣ ಎಂದು ನಂಬಲಾಗಿದೆ. ಮೇ ತಿಂಗಳ ರಜೆಯಲ್ಲಿ ತಮಿಳುನಾಡು, ಕೇರಳಗಳಿಂದ ಭಾರಿ ಸಂಖ್ಯೆಯಲ್ಲಿ ಪ್ರವಾಸಿಗರು ಆಗಮಿಸುತ್ತಾರೆ. 

28 ಕೋಟಿ ವರಮಾನ: 2013-14ನೇ ಸಾಲಿನಲ್ಲಿ ಕೊಲ್ಲೂರು ದೇವಾಲಯ 28 ಕೋಟಿ ರೂ. ವರಮಾನ ದಾಖಲಿಸಿದೆ. ಐದು ವರ್ಷದ ಹಿಂದೆ ಇದು 16 ಕೋಟಿಯಷ್ಟಿತ್ತು. ಇತ್ತೀಚಿನ ವರ್ಷಗಳಲ್ಲಿ ಚಂಡಿಕಾ ಹೋಮಗಳ ಸಂಖ್ಯೆ ಹೆಚ್ಚುತ್ತಿರುವುದು ಗಮನೀಯ ಅಂಶ. 

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com