ನರ್ಸಿಂಗ್ ಕೆಲಸ ಅತಿ ಪವಿತ್ರ: ಡಾ. ಮುದ್ದು ಮೋಹನ್

ಮಣಿಪಾಲ: ನರ್ಸಿಂಗ್ ಸೇವೆ ಪವಿತ್ರವಾದ ಸೇವೆಯಾಗಿದ್ದು, ಆತ್ಮ ತೃಪ್ತಿ ತಂದು ಕೊಡುತ್ತದೆ ಎಂದು ಜಿಲ್ಲಾಧಿಕಾರಿ ಡಾ. ಮುದ್ದು ಮೋಹನ್ ಹೇಳಿದ್ದಾರೆ. 

ಮಣಿಪಾಲ್ ಕಾಲೇಜ್ ಆಫ್ ನರ್ಸಿಂಗ್ ವತಿಯಿಂದ ವಿಶ್ವ ನರ್ಸಿಂಗ್ ದಿನಾಚರಣೆ 2014ರ ಪ್ರಯುಕ್ತ ಆಯೋಜಿಸಿದ್ದ ನರ್ಸಿಂಗ್ ವಿದ್ಯಾರ್ಥಿಗಳ ವಾಕಥಾನ್ ಕಾರ್ಯಕ್ರಮದ ಸಮಾರೋಪದ ಅಧ್ಯಕ್ಷತೆ ವಹಿಸಿ ಸೋಮವಾರ ಮಾತನಾಡಿದರು. 

ನರ್ಸಿಂಗ್ ಸೇವೆ ಸ್ವಾರ್ಥ ರಹಿತ ಉದ್ಯೋಗವಾಗಿದ್ದು, ವಿದ್ಯಾರ್ಥಿಗಳು ಉತ್ತಮ ಸೇವೆ ನೀಡುವ ಗುರಿಯನ್ನು ಇಟ್ಟುಕೊಳ್ಳಬೇಕು ತಮ್ಮ ಸೇವೆಯಿಂದ ಇತರರಿಗೆ ಮಾದರಿಯಾಗಬೇಕು ಎಂದರು. 

ರೋಗಿಗಳನ್ನು ವೈದ್ಯರಿಗಿಂತ ಮೊದಲು ಪರೀಕ್ಷಿಸುವುದು ಶುಶ್ರೂಷಕರು. ಹೀಗಾಗಿ ಶುಶ್ರೂಷಕರು ತಮ್ಮ ಕರ್ತವ್ಯದಲ್ಲಿ ಮಾನವೀಯ ಗುಣಗಳನ್ನು ರೂಢಿಸಿಕೊಂಡು ಅವರ ನೋವುಗಳಿಗೆ ಸ್ಪಂದಿಸಿ, ರೋಗಿಗಳ ಶುಶ್ರೂಷೆ ಮಾಡಬೇಕು ಎಂದು ಹೇಳಿದರು. 

ಮಣಿಪಾಲ ವಿವಿ ರಿಜಿಸ್ಟ್ರಾರ್ ಡಾ. ಜಿ.ಕೆ. ಪ್ರಭು, ನರ್ಸಿಂಗ್ ಕಾಲೇಜಿನ ಡೀನ್ ಅನೀಸ್ ಜಾರ್ಜ್, ಕುಂದಾಪುರ ಉಪ ವಿಭಾಗಾಧಿಕಾರಿ ಯೋಗೇಶ್ವರ್, ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ. ರಾಮಚಂದ್ರ ಬಾಯರಿ ಉಪಸ್ಥಿತರಿದ್ದರು. ನರ್ಸಿಂಗ್ ಕಾಲೇಜಿನ ಪ್ರಿನ್ಸಿಪಾಲ್ ಕಸ್ತೂರಿ ಅಡಿಗ ಸ್ವಾಗತಿಸಿದರು. ಮಂಜುಳಾ ಕಾರ್ಯಕ್ರಮ ನಿರ್ವಹಿಸಿದರು.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com