ಮೇ.26: ದ.ಕ. ಹಾಲು ಉತ್ಪಾದಕರ ಒಕ್ಕೂಟ ಚುನಾವಣೆ

ಮಂಗಳೂರು: ದಕ್ಷಿಣ ಕನ್ನಡ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ ಆಡಳಿತ ಮಂಡಳಿಯ 2014ರಿಂದ 2019ರ ವರೆಗಿನ ಅವಗೆ ಚುನಾವಣೆ ಮೇ 26ರಂದು ಬೆಳಗ್ಗೆ 9ರಿಂದ ಸಂಜೆ 4 ಗಂಟೆ ತನಕ ನಡೆಯಲಿದೆ. ನೂತನವಾಗಿ ಸ್ಥಾಪಿಸಿರುವ ಚುನಾವಣಾ ಆಯೋಗ ಒಂದು ವರ್ಷದಿಂದ ರಾಜ್ಯದಲ್ಲಿ ಯಶಸ್ವಿಯಾಗಿ ಸಹಕಾರ ಸಂಘಗಳ ಚುನಾವಣೆ ನಡೆಸಿಕೊಂಡು ಬಂದಿರುತ್ತದೆ. ಒಕ್ಕೂಟದ ಆಡಳಿತ ಮಂಡಳಿಗೆ ಚುನಾವಣೆ ನಡೆಸಲು ಜಿಲ್ಲಾಕಾರಿ ಅವರನ್ನು ಜಿಲ್ಲಾ ಚುನಾವಣಾಕಾರಿಯಾಗಿ ನೇಮಿಸಿದೆ ಎಂದು ಒಕ್ಕೂಟದ ಚುನಾವಣೆ ಅಧಿಕಾರಿ ರೇಣುಕಾ ಪ್ರಸಾದ್ ಹೇಳಿದರು
      2013ರ ಫೆ.11ರ ಸಹಕಾರ ಸಂಘಗಳ ಕಾಯಿದೆ ತಿದ್ದುಪಡಿ ಪ್ರಕಾರ ಸಹಕಾರ ಸಂಘಗಳ ಚುನಾವಣೆ ಪಾರದರ್ಶಕ ಹಾಗೂ ಪರಿಣಾಮಕಾರಿಯಾಗಿ ನಡೆಸಲು ಪ್ರಥಮವಾಗಿ ಸಹಕಾರ ಸಂಘಗಳ ಚುನಾವಣಾ ಆಯೋಗ ಸ್ಥಾಪಿಸಲಾಗಿದೆ ಎಂದು ಸುದ್ದಿಗೋಷ್ಠಿಯಲ್ಲಿ ಅವರು ಹೇಳಿದರು. 
     ಉಡುಪಿ, ಕಾರ್ಕಳ ಸೇರಿದಂತೆ ಕುಂದಾಪುರ ವಲಯದ 296 ಸಂಘದ ಅಧ್ಯಕ್ಷರು ಮಾತ್ರ ಏಳು ಸಾಮಾನ್ಯ ಮತ್ತು ಒಂದು ಮಹಿಳಾ ಮೀಸಲು ಸೇರಿದಂತೆ ಒಟ್ಟು ಎಂಟು ಮತ ಚಲಾಯಿಸಬೇಕು. ಹೀಗೆ ಒಟ್ಟು 639 ಸಂಘದ ಅಧ್ಯಕ್ಷರು ಒಟ್ಟು 16 ಮಂದಿಯನ್ನು ಆಯ್ಕೆ ಮಾಡಬೇಕಿದೆ ಎಂದು ಅವರು ವಿವರಿಸಿದರು. 
      ಮಾ.25ರಂತೆ ತಾತ್ಕಾಲಿಕ ಮತದಾರರ ಸಂಘಗಳ ಪಟ್ಟಿ ತಯಾರಿಸಿ ಜಿಲ್ಲಾಕಾರಿಗೆ ಸಲ್ಲಿಸಲಾಗಿತ್ತು. ಜಿಲ್ಲಾಧಿಕಾರಿಗಳ ಪ್ರಕಟಣೆಯಲ್ಲಿ ಚುನಾವಣೆಯ 45 ದಿನಗಳ ಮೊದಲು ಮತದಾರರ ಕರಡು ಪಟ್ಟಿ ಏ.10ರಂದು ಪ್ರಕಟಿಸಿ ಆಕ್ಷೇಪ ಆಹ್ವಾನಿಸಲಾಗಿತ್ತು. ಸಂಘಗಳಿಂದ ಬಂದ ಅರ್ಹ ಆಕ್ಷೇಪ ಪರಿಗಣಿಸಿ, ಏ.1ರ ಆದೇಶದ ಪ್ರಕಾರ ನೋಡೆಲ್ ಅಕಾರಿ ಪ್ರತೀ ಸಂಘಕ್ಕೆ 4 ಡೆಲಿಗೇಶನ್‌ಫಾರ್ಮ್ ಮತ್ತು 2 ಗುರುತಿನಚೀಟಿ ಫಾರ್ಮ್‌ಗಳನ್ನು ಏ.21ರಂದು ವಿತರಿಸಿದ್ದಾರೆ. 
      ಅರ್ಹ ಮತದಾರ ಸಂಘಗಳಿಂದ ಭರ್ತಿ ಮಾಡಿದ ಡೆಲಿಗೇಶನ್ ಫಾರ್ಮ್ ಮತ್ತು ಗುರುತಿನಚೀಟಿ ಪರಿಶೀಲಿಸಿ, 647 ಸದಸ್ಯ ಸಂಘಗಳಲ್ಲಿ 639 ಸಂಘಗಳಿಗೆ ಗುರುತಿನಚೀಟಿ ನೀಡಿ ಅರ್ಹ ಮತದಾರ ಸಂಘಗಳ ಪಟ್ಟಿ ತಯಾರಿಸಿ ಜಿಲ್ಲಾಧಿಕಾರಿಗೆ ಒಂದು ಪ್ರತಿ, ಸಂಘಕ್ಕೆ ಒಂದು ಪ್ರತಿ, ಒಕ್ಕೂಟಕ್ಕೆ ಒಂದು ಪ್ರತಿ ಹಾಗೂ ಒಂದು ಪ್ರತಿ ಸಹಕಾರ ಚುನಾವಣಾ ಆಯೋಗಕ್ಕೆ ಸಲ್ಲಿಸಲಾಗಿದೆ ಎಂದರು. 
      ಮೇ 8ರಿಂದ ಚುನಾವಣಾ ಕಾರ್ಯಕ್ರಮ ಪ್ರಾರಂಭವಾಗಿ ಮೇ 26ರಂದು ಉಪವಿಭಾಗವಾರು ಮತದಾನ ನಡೆದು, ಅದೇ ದಿನ ಮತ ಎಣಿಕೆ ಮಾಡಿ ಚುನಾವಣಾ ಫಲಿತಾಂಶವನ್ನು ಪ್ರಕಟಣೆ ಮಾಡುವ ಮೂಲಕ ಚುನಾವಣಾ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ. ಈ ಸಂದರ್ಭದಲ್ಲಿ ಎಲ್ಲ ಅರ್ಹ ಮತದಾರ ಸಂಘದ ಪ್ರತಿನಿಗಳು ಚುನಾವಣಾ ಪ್ರಕ್ರಿಯೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಬೇಕು ಎಂದರು. 
       ಸಹಾಯಕ ಚುನಾವಣಾಕಾರಿ ಪರಮೇಶ್‌ಚಂದ್ರ ಜೈನ್, ಹಾಲು ಒಕ್ಕೂಟದ ವ್ಯವಸ್ಥಾಪಕ ನಿರ್ದೇಶಕ ಡಾ.ಸತ್ಯನಾರಾಯಣ ಸುದ್ದಿಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com