ತಾಲೂಕಿನಲ್ಲಿ ತಗ್ಗಿದ ಮಳೆ ಅಬ್ಬರ

ಕುಂದಾಪುರ: ಶುಕ್ರವಾರ ತಾಲೂಕಿನಲ್ಲಿ ಮಳೆ ಅಬ್ಬರ ತಗ್ಗಿದೆ. ಬುಧವಾರ ರಾತ್ರಿಯಿಂದ ಶುಕ್ರವಾರ ಬೆಳಗ್ಗಿನ ಜಾವದ ತನಕ ಒಂದೇ ಸವನೆ ಸುರಿದ ಮಳೆ ಮಧ್ಯಾಹ್ನ ಬಳಿಕ ಕೊಂಚ ತಣ್ಣಗಾಗಿದೆ. ಬೈಂದೂರು, ಶಂಕರನಾರಾಯಣ, ಕೊಲ್ಲೂರು, ಸಿದ್ಧಾಪುರ, ಹಾಲಾಡಿ ವ್ಯಾಪ್ತಿಯಲ್ಲಿ ಲಘು ಮಳೆಯಾಗಿದ್ದು ತಾಲೂಕಿನ ಕರಾವಳಿ ಪ್ರದೇಶದಲ್ಲಿ ಮೋಡ ಕವಿದ ವಾತಾವರಣವಿತ್ತು. 

ಮನೆ ಹಾನಿ: ಗುರುವಾರ ರಾತ್ರಿ ಗಾಳಿ ಮಳೆಗೆ ಕುಂದಬಾರಂದಾಡಿ ಗ್ರಾಮದಲ್ಲಿ ಮನೆ ಹಾನಿಗೀಡಾಗಿದೆ. ಗಾಳಿಯ ಅಬ್ಬರಕ್ಕೆ ಇಲ್ಲಿನ ಗಂಗಾ ಪೂಜಾರಿ ಎಂಬವರ ಮನೆಯ ಮೇಲ್ಮಾಡು ಕಿತ್ತುಹೋಗಿದ್ದು 15 ಸಾವಿರ ರೂ.ನಷ್ಟ ಅಂದಾಜಿಸಲಾಗಿದೆ. ಹೆಂಚು ಹಾರಿಹೋಗಿ, ಫಕ್ಕಾಸು, ರೀಪು ಕಿತ್ತು ನೆಲಕ್ಕೆ ಬಿದ್ದಿದೆ. 

ಮರ ಬಿದ್ದು ಸಂಚಾರ ವ್ಯತ್ಯಯ: ಬೈಂದೂರು-ವಿರಾಜಪೇಟೆ ರಾಜ್ಯ ಹೆದ್ದಾರಿ ಹೈಕಾಡಿ ಎಂಬಲ್ಲಿ ಶುಕ್ರವಾರ ಬೆಳಗ್ಗೆ ಭಾರಿ ಗಾತ್ರದ ಮರ ರಸ್ತೆಗೆ ಉರುಳಿದ ಪರಿಣಾಮ ಕೆಲ ಹೊತ್ತು ಸಂಚಾರ ವ್ಯತ್ಯಯ ಉಂಟಾಯಿತು. ಯಾತ್ರಾರ್ಥಿಗಳು ತೊಂದರೆ ಅನುಭವಿಸಿದರು. ಸ್ಥಳೀಯರು ರಸ್ತೆಗೆ ಒರಗಿದ ಮರವನ್ನು ಬದಿಗೆ ಸರಿಸಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು. 

ಸಂಗಮ್ ವಠಾರ, ಕುಂದಾಪುರ ಮಾಸ್ತಿಕಟ್ಟೆ ಹಾಗೂ ಕೋಟೇಶ್ವರದಲ್ಲಿ ಲಘು ಅಪಘಾತದಿಂದಾಗಿ ವಾಹನ ಸವಾರರು ತಾಸುಗಟ್ಟಲೆ ಹೆದ್ದಾರಿ, ಮುಖ್ಯರಸ್ತೆಯಲ್ಲಿ ಸಮಯ ವ್ಯಯಿಸುವಂತಾಯಿತು. 
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com