ಭೂಮಿಗೆ ಹತ್ತಿರವಾಗಿರುವ ಶನಿಗ್ರಹ

ಉಡುಪಿ: ಈ ವಾರ ಶನಿಗ್ರಹ ಭೂಮಿಯನ್ನು ಸಮೀಪಿಸುತ್ತಿದ್ದು, ಶನಿಗ್ರಹದ ಸೌಂದರ್ಯವನ್ನು ಆಗಸದಲ್ಲಿ ನೋಡಲು ಮರೆಯದಿರಿ... ವರ್ಷಕ್ಕೊಮ್ಮೆ ಈ ವಿದ್ಯಮಾನ ನಡೆಯುತ್ತಿದ್ದು, ಸೂರ್ಯನಿಂದ ಸುಮಾರು 145 ಕೋಟಿ ಕಿ.ಮೀ. ದೂರದಲ್ಲಿರುವ ಶನಿಗ್ರಹ, ಭೂಮಿಗೆ ಸುಮಾರು 15 ಕೋಟಿ ಕಿ.ಮೀ. ಹತ್ತಿರವಾಗಲಿದೆ. 

ಆಗ ಸೂರ್ಯ, ಭೂಮಿ ಮತ್ತು ಶನಿಗ್ರಹ ಸರಳ ರೇಖೆಯಲ್ಲಿದ್ದು, ಸೂರ್ಯಾಸ್ತವಾದೊಡನೆ ಪೂರ್ವಾಕಾಶದಲ್ಲಿ ಶನಿಗ್ರಹದ ಉದಯವಾಗಲಿದೆ. ರಾತ್ರಿಯಿಡೀ ಶನಿಗ್ರಹ ಗೋಚರಿಸಲಿದೆ. ದೂರದರ್ಶಕದಲ್ಲಿ ಶನಿಯ ಸುಂದರವಾದ ಬಳೆಗಳ ವಿಸ್ತಾರ ನೋಡಬಹುದು. ಈ ವಾರ ಸಂಜೆಯಾದೊಡನೆ ಬುಧ, ಗುರು, ಮಂಗಳ ಹಾಗೂ ಶನಿಗ್ರಹ ಬರಿಗಣ್ಣಿನಲ್ಲಿಯೂ ನೋಡಬಹುದು. 

ಪೂರ್ಣಪ್ರಜ್ಞ ಕಾಲೇಜಿನ ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘದ ದೂರದರ್ಶಕಗಳಿಂದ ಮೇ 18, 24ರಂದು ಎಂಬಿಎ ಕಾಲೇಜಿನ ಮಹಡಿಯ ಮೇಲೆ ಆಕಾಶ ವೀಕ್ಷಣೆ ಕಾರ್ಯಕ್ರಮ ನಡೆಯಲಿದೆ ಎಂದು ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕರ ಸಂಘದ ಸಂಯೋಜಕ ಡಾ.ಎ.ಪಿ. ಭಟ್ ತಿಳಿಸಿದ್ದಾರೆ.

ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com