ತಾ.ಪಂ. ಮೂರನೇ ಅವಧಿ ಮೀಸಲು ಪ್ರಕಟ

ಕುಂದಾಪುರ: ಇಲ್ಲಿನ ತಾಪಂ ಮೂರನೇ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನದ ಮೀಸಲು ಪ್ರಕಟಗೊಂಡಿದೆ. ಅಧ್ಯಕ್ಷ ಸ್ಥಾನ ಸಾಮಾನ್ಯ ಹಾಗೂ ಉಪಾಧ್ಯಕ್ಷ ಸ್ಥಾನ ಹಿಂದುಳಿದ ವರ್ಗ ಬಿ ಮಹಿಳೆ ನಿಗದಿಯಾಗಿದೆ. 

ತಾಪಂ ಒಟ್ಟು 34 ಸ್ಥಾನ ಹೊಂದಿದ್ದು ಬಿಜೆಪಿ 22, ಕಾಂಗ್ರೆಸ್ 11 ಹಾಗೂ ಸಿಪಿಎಂ 1 ಸ್ಥಾನ ಹೊಂದಿದೆ. ಮೊದಲ 20 ತಿಂಗಳ ಅವಧಿಯಲ್ಲಿ ಸಾಮಾನ್ಯ ವರ್ಗದ ಬೆಳ್ಳಾಡಿ ಶಂಕರ ಶೆಟ್ಟಿ ಅಧ್ಯಕ್ಷರಾಗಿ, ಪರಿಶಿಷ್ಟ ಪಂಗಡದಿಂದ ಜ್ಯೋತಿ ನಾಯ್ಕ ಉಪಾಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದ್ದರು. ಎರಡನೆ ಅವಧಿಯ 20 ತಿಂಗಳಿಗೆ ಸಾಮಾನ್ಯ ಸ್ಥಾನದಿಂದ ದೀಪಿಕಾ ಶೆಟ್ಟಿ ಅಧ್ಯಕ್ಷೆಯಾಗಿ, ಹಿಂದುಳಿದ ವರ್ಗ ಎ ಮಹಿಳೆ ಹೇಮಾವತಿ ಪೂಜಾರಿ ಉಪಾಧ್ಯಕ್ಷೆಯಾಗಿ ಸೇವೆ ಸಲ್ಲಿಸಿದ್ದಾರೆ. 

ಮೇ ಅಂತ್ಯಕ್ಕೆ ದ್ವಿತೀಯ ಅವಧಿ ಕೊನೆಗೊಳ್ಳಲಿದ್ದು ಕೊನೆಯ ಅವಧಿಯ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನ ಯಾರು ಅಲಂಕರಿಸುವರು ಎಂಬ ಕುತೂಹಲ ಈಗಾಗಲೆ ಕೆರಳಿದೆ. ಮೂರನೇ ಅವಧಿಯ ಅಧ್ಯಕ್ಷ ಸ್ಥಾನಕ್ಕಾಗಿ ಸದಸ್ಯರಾದ ಭಾಸ್ಕರ ಬಿಲ್ಲವ, ಹಾಲಾಡಿ ರಮೇಶ ಶೆಟ್ಟಿ, ಪ್ರದೀಪಚಂದ್ರ ಶೆಟ್ಟಿ ಹೆಸರು ಕೇಳಿಬಂದಿದ್ದು ಉಪಾಧ್ಯಕ್ಷ ಸ್ಥಾನಕ್ಕೆ ಲಲಿತಾ ಶೆಟ್ಟಿ, ಮೂಕಾಂಬು ಶೆಟ್ಟಿಯವರ ಹೆಸರು ಪ್ರಸ್ತಾಪಗೊಂಡಿದೆ. ತಾಲೂಕು ಪಂಚಾಯಿತಿಯಲ್ಲಿ ಸ್ಪಷ್ಟ ಬಹುಮತ ಹೊಂದಿರುವ ಬಿಜೆಪಿಯಲ್ಲಿ ಅಧ್ಯಕ್ಷ ಸ್ಥಾನಕ್ಕಾಗಿ ಆಕಾಂಕ್ಷಿಗಳ ದೊಡ್ಡ ಪಟ್ಟಿ ತೆರೆದುಕೊಂಡಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com