ಭಾಸ್ಕರ ಕಲೈಕಾರ್‌ಗೆ ಕೊಂಕಣಿ ನಕ್ಷತ್ರ ಬಿರುದು


ಕುಂದಾಪುರ: ಹಿರಿಯ ಕಲಾವಿದ, ಅಪೂರ್ವ ವಸ್ತುಗಳ ಸಂಗ್ರಾಹಕ, ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಜಿ. ಭಾಸ್ಕರ ಕಲೈಕಾರ್ ಗಂಗೊಳ್ಳಿ ಅವರಿಗೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಕೊಂಕಣಿ ನಕ್ಷತ್ರ ಬಿರುದು ಪ್ರದಾನ ಮಾಡಿ ಗೌರವಿಸಲಾಯಿತು. 

ಬಾರಕೂರು ಶ್ರೀ ಪಟ್ಟಾಭಿ ರಾಮಚಂದ್ರ ದೇವಸ್ಥಾನದಲ್ಲಿ ನಡೆದ ಸಮಾರಂಭದಲ್ಲಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷರು ಹಾಗೂ ಪದಾಧಿಕಾರಿಗಳು ಗೌರವಿಸಿದರು. ವ್ಯಂಗ್ಯ ಚಿತ್ರಕಾರರಾಗಿ, ಚುಟುಕು ಕವಿಯಾಗಿ, ಅಪೂರ್ವ ವಸ್ತುಗಳ ಸಂಗ್ರಾಹಕರಾಗಿ ಹಾಗೂ ದೇಶ-ವಿದೇಶಗಳ ಹಾಗೂ ಪ್ರಾಚೀನ ಕಾಲದ ನಾಣ್ಯ, ನೋಟು, ಅಂಚೆ ಚೀಟಿಗಳ ಸಂಗ್ರಹಕರಾಗಿಯೂ ಕಲೈಕಾರ್ ಗಮನ ಸೆಳೆದಿದ್ದಾರೆ. ಇವರ ಸಂಗ್ರಹದಲ್ಲಿರುವ ವಸ್ತುಗಳು ವಿಭಿನ್ನ-ವಿಶಿಷ್ಟತೆಯ ಅಚ್ಚರಿಯ ಗೂಡೆಂದು ಖ್ಯಾತಿಗೊಂಡಿದೆ. ಈ ಎಲ್ಲ ಸಾಧನೆಯ ಹಿನ್ನಲೆಯಲ್ಲಿ ಬಿರುದು ಪ್ರದಾನ ಮಾಡಲಾಗಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com