ಬಲೆಗೆ ಬಿದ್ದ ದೈತ್ಯ ಕಡಲಾಮೆ

ಕೋಡಿ: ಎರಡು ದಿನಗಳ ಹಿಂದೆ ಕೋಡಿಯಲ್ಲಿ ಮೀನುಗಾರರ ಬಲೆಗೆ ಕಡಲಾಮೆ ಬಿದ್ದ ಘಟನೆ ಬೆನ್ನಲ್ಲೇ ಗುರುವಾರ ಭಾರಿ ಗಾತ್ರದ ಕಡಲಾಮೆಯೊಂದು ಚರ್ಚ್‌ರಸ್ತೆ ತುದಿಯಲ್ಲಿನ ಕೋಡಿ ಹಿನ್ನೀರು ಪ್ರದೇಶದಲ್ಲಿ ಸಾಂಪ್ರದಾಯಿಕ ಮೀನುಗಾರರ ಬಲೆಗೆ ಬಿದ್ದಿದೆ. 
     ಮೀನುಗಾರ ಸುರೇಶ್ ಅವರು ನದಿಗೆ ಬೀಸಿದ ಬಲೆಗೆ ಕಡಲಾಮೆ ಸಿಲುಕಿದ್ದು , ಚರ್ಚ್‌ರಸ್ತೆ ಫ್ರೆಂಡ್ಸ್ ಯುವಕರ ನೆರವಿನಿಂದ ಕಡಲಾಮೆಯನ್ನು ದಡಕ್ಕೆ ಸುರಕ್ಷಿತವಾಗಿ ತರಲಾಗಿದೆ. ಬಳಿಕ ಅರಣ್ಯ ಇಲಾಖೆಯ ಸುಪರ್ದಿಗೆ ಒಪ್ಪಿಸಲಾಗಿದೆ. 
    40 ಕೆಜಿ ತೂಕ: ಆಲಿವ್‌ರಿಡ್ಲೆ ಜಾತಿಗೆ ಸೇರಿದ ಕಡಲಾಮೆ ಸರಿ ಸುಮಾರು 40 ಕೆಜಿ ತೂಕವಿದ್ದು , ಮುಂಬದಿಯ ಒಂದು ಕಾಲು ತುಂಡಾಗಿದೆ. ಆಮೆ ಸುರಕ್ಷಿತವಾಗಿದೆ. ಸುರಕ್ಷಿತವಾಗಿ ಕಡಲಿಗೆ ಮರಳಿಸಲಾಗುವುದು. ಎರಡು ದಿನಗಳ ಹಿಂದೆ ಕೋಡಿಯಲ್ಲಿ ಮೀನುಗಾರರ ಬಲೆಗೆ ಬಿದ್ದಿದ್ದ ಕಡಲಾಮೆ ಅನಾರೋಗ್ಯದ ಕಾರಣ ಸಾವಿಗೀಡಾಗಿದೆ ಎಂದು ಅರಣ್ಯಾಧಿಕಾರಿ ಲೋಹಿತ್ ತಿಳಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com