ಕುಂದಾಪುರದಲ್ಲಿ ಮಂಡ್ಯ ರಮೇಶ್

ಕುಂದಾಪುರ: ಕುಂದಾಪ್ರ ಪ್ರದೇಶದಲ್ಲಿ ಅದ್ಭುತ ಕಲಾವಿದರಿದ್ದಾರೆ. ಉಳಿದವರು ಕಂಡಂತೆ, ಗರ್‌ಗರ್‌ಮಂಡ್ಲ ಹೆಸರಿನ ಸಿನಿಮಾಗಳು ಹೊಸತನದ ಪ್ರಯೋಗಕ್ಕೆ ಸಾಕ್ಷಿಯಾಗಿವೆ. ಈ ನೆಲದ ಅಪ್ಪಟ ರಂಗಭೂಮಿ ಕಲಾವಿದರು ಇದರಲ್ಲಿ ನಿರ್ವಹಿಸಿರುವ ಪಾತ್ರ ಉಲ್ಲೇಖನೀಯ ಎಂದು ಖ್ಯಾತ ನಟ ಮಂಡ್ಯ ರಮೇಶ್ ಹೇಳಿದ್ದಾರೆ. ಕಡಲತೀರದಲ್ಲಿ ಚಿತ್ರದ ಚಿತ್ರೀಕರಣಕ್ಕೆಂದು ಮರವಂತೆಗೆ ಆಗಮಿಸಿರುವ ಅವರು ಗುರುವಾರ ರಾತ್ರಿ ಕುಂದಾಪುರದಲ್ಲಿ  ಮಾತನಾಡಿದರು. 

ಕುಂದಾಪುರ ನನ್ನ ಆಪ್ತ ನೆಲ. ಇಲ್ಲಿನ ಹಾಲಾಡಿ ಆದರ್ಶ್ ಶೆಟ್ಟಿ ಮತ್ತು ನಾನು ಕಳೆದ 15 ವರ್ಷಗಳಿಂದ ಗೆಳೆಯರು. ಅವರು ಮುಂಬಯಿಯಲ್ಲಿ ಉದ್ಯೋಗದಲ್ಲಿದ್ದರೂ ನಾನು ಕುಂದಾಪುರಕ್ಕೆ ಬಂದಿದ್ದೇನೆ ಎಂಬ ಕಾರಣಕ್ಕೆ ಓಡೋಡಿ ಬಂದಿದ್ದಾರೆ. ಕುಂದಾಪುರ ಪರಿಸರದಲ್ಲಿ ಕಾಲ ಕಳೆಯುವುದು ಅಚ್ಚುಮೆಚ್ಚು. ಉಡುಪಿ ರಂಗಭೂಮಿ, ಕುಂದಾಪುರ ರಂಗ ಅಧ್ಯಯನ ಕೇಂದ್ರ, ತುಳುರಂಗಭೂಮಿ ನನ್ನ ಆಪ್ತ ವಲಯಗಳು. ಎಂದು ಅವರು ಹೇಳಿದರು. ಒಗ್ಗರಣೆ, ದಶ್ಯದಂತಹ ಸಿನಿಮಾಗಳು ಜನರಿಗೆ ಆಪ್ತವಾಗುತ್ತಿರುವ ಹಿಂದೆ ಮತ್ತೆ ಸದಭಿರುಚಿಯ ಚಿತ್ರಗಳ ಕಾಲ ಒದಗಿಬಂದಿದೆ ಅನ್ನಿಸುತ್ತಿದೆ. ಇದು ಉತ್ತಮ ಬೆಳವಣಿಗೆ ಎಂದು ಅವರು ಅಭಿಪ್ರಾಯಪಟ್ಟರು. 

ನನ್ನ ನಿರೀಕ್ಷೆಗೆ ತಕ್ಕಂತೆ ಸಿನಿಮಾ ಇಂಡಸ್ಟ್ರಿಯಲ್ಲಿ ಬೆಳೆದಿಲ್ಲ ಅಂತಾ ಕೆಲವೊಮ್ಮೆ ಅನ್ನಿಸುತ್ತದೆ. ಆದರೆ ಬದುಕು ಇದರಿಂದಲೇ ನಡೆಯಬೇಕಾಗಿದೆ. ಮಂಡ್ಯ ನಾಯಕ ನಟನಾಗಬೇಕಿತ್ತು ಅಂತಾ ಭಾವಿಸುವವರು ಅನೇಕರಿದ್ದಾರೆ. ಇದೆಲ್ಲಕ್ಕಿಂತ ಮುಖ್ಯವಾಗಿ ಇಡೀ ಕರ್ನಾಟಕದಲ್ಲಿ ನನ್ನದೆ ಆದ ಆಪ್ತ ಅಭಿಮಾನಿ ವಲಯ ಇರುವುದು ಸಂಪಾದಿಸಿರುವ ದೊಡ್ಡ ಆಸ್ತಿ ಎಂದು ಅವರು ಬಣ್ಣಿಸಿದರು. 

ಮಂಡ್ಯ ರಮೇಶ್ ಒಬ್ಬ ಸಹಜ ನಟ ಎಂದು ಪ್ರಕಾಶ್ ರೈ ನುಡಿದಿರುವುದು ಅವರ ದೊಡ್ಡತನ. ನಾಗಮಂಡಲ, ಮಠ ಚಿತ್ರದ ನಂತರ ಅವರ ಒಗ್ಗರಣೆ ಸಿನಿಮಾ ನನ್ನಲ್ಲಿ ತಪ್ತಿ ಉಂಟು ಮಾಡಿರುವ ಸಿನಿಮಾಗಳು. ಕೊಚ್ಚು, ಬಿಚ್ಚು, ರೊಚ್ಚು ಇಲ್ಲದ ಸಿನಿಮಾಗಳ ಬಗ್ಗೆ ನಂಬಿಕೆ ಇರಿಸಿಕೊಂಡವನು ನಾನು. ಆದರೆ ಹೊಟ್ಟೆಯ ಅನಿವಾರ್ಯತೆ ಕೆಲವೊಮ್ಮೆ ಅದಕ್ಕೂ ದಾರಿ ಮಾಡಿಕೊಡುತ್ತದೆ. ಎಂದು ಅವರು ವಿವರಿಸಿದರು. 

ಸದ್ಯ ಬಿ.ಸುರೇಶ್ ನಿರ್ದೇಶನದ ಹೊಸ ಚಿತ್ರ, ಪುನೀತ್‌ರಾಜ್‌ಕುಮಾರ್ ಅಭಿನಯದ ಪವರ್, ಹೊಸ ಹುಡುಗರ ಲವ್ ಎನ್‌ಎಚ್14 ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದೇನೆ. ಪ್ರಸ್ತುತ ಮರವಂತೆ ಬೀಚ್‌ನಲ್ಲಿ ಕಡಲತೀರದಲ್ಲಿ ಸಿನಿಮಾ ಚಿತ್ರೀಕರಣ ನಡೆಯುತ್ತಿದೆ. ಇದು ಹೊಸಬರ ಸಿನಿಮಾ. ಮರವಂತೆಯ ಬೀಚ್‌ನ ಸೊಬಗು ಬೇರೆಲ್ಲೂ ಕಾಣಲಾಗದು. ವಂಡರ್‌ಪುಲ್ ಎಂದು ಅವರು ಬಣ್ಣಿಸಿದರು. ನಟ ಹೊನ್ನವಳ್ಳಿ ಕಷ್ಣ, ಮಂಡ್ಯ ರಮೇಶ್ ಸ್ನೇಹಿತರಾದ ಆದರ್ಶ್ ಶೆಟ್ಟಿ ಹಾಲಾಡಿ, ಡಾ.ಸತೀಶ್ ಪೂಜಾರಿ ಇದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com