ಕೋಟಿಲಿಂಗೇಶ್ವರ ದೇವಳದಲ್ಲಿ ಪಿತಶಾಲೆ ಲೋಕಾರ್ಪಣೆ

ಕೋಟೇಶ್ವರ: ಪಿತೃಗಳು ದೇವರ ಸಮಾನ ಎಂದು ಶಾಸ್ತ್ರ ಹೇಳುತ್ತದೆ. ಪಿತ ಸೇವೆ ದೇವರ ಸೇವೆ. ಗತಿಸಿದ ಹಿರಿಯರಿಗೆ ಶಾಸ್ತ್ರಪ್ರಕಾರ ಕರ್ಮಾಂಗ ನಡೆಸಿದರೆ ಶ್ರೇಯಸ್ಸು ಲಭ್ಯವಾಗುತ್ತದೆ ಎಂದು ದಾನಿ ಕೋಟೇಶ್ವರ ಲಕ್ಷ್ಮೀಕಾಂತ ಕೇಶವ ಭಟ್ ಹೇಳಿದರು. 

 ಸಪ್ತ ಕ್ಷೇತ್ರಗಳಲ್ಲೊಂದಾದ ಕೋಟೇಶ್ವರ ಶ್ರೀ ಕೋಟಿಲಿಂಗೇಶ್ವರ ದೇವಸ್ಥಾನದ ಕೋಟಿತೀರ್ಥ ಸರೋವರದ ಪಶ್ಚಿಮ ತಟದಲ್ಲಿ ಮಾತಾಪಿತರಾದ ದಿ.ಶ್ರೀಮತಿ ಬಾ ಮತ್ತು ದಿ.ಕೇಶವ ನಾಗಪ್ಪ ಭಟ್ ಸ್ಮರಣಾರ್ಥ ರೂ.4.50 ಲಕ್ಷ ವೆಚ್ಚದಲ್ಲಿ ನಿರ್ಮಿಸಿ ಕೊಟ್ಟ ಪಿತಶಾಲೆ ಲೋಕಾರ್ಪಣೆ ಮಾಡಿ ಅವರು ಮಾತನಾಡಿದರು. 

ಅಧ್ಯಕ್ಷತೆ ವಹಿಸಿದ್ದ ಕೋಟೇಶ್ವರ ಕೋಟಿಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಎಂ.ಪ್ರಭಾಕರ ಶೆಟ್ಟಿ ಮಾತನಾಡಿ, ದೇವಳದ ಈಶಾನ್ಯ ದಿಕ್ಕಿನಲ್ಲಿ ಹಿಂದೆ ಪುರಾತನ ಪಿತೃಶಾಲೆ ಇತ್ತು. ಅಜೀರ್ಣಾವಸ್ಥೆಗೆ ತಲುಪಿದ್ದನ್ನು ಕಂಡು ಲಕ್ಷ್ಮೀಕಾಂತ ಕೇಶವ ಭಟ್ ಮತ್ತು ಸಹೋದರರು, ಸಹೋದರಿಯರು ಕೊಡುಗೆ ನೀಡಲು ಮುಂದೆ ಬಂದರು. ದೇವಳದ ಪ್ರಾಚೀನ ಪರಂಪರೆಗೆ ಅನುಗುಣವಾಗಿ ನಿರ್ಮಿತ ಪಿತಶಾಲೆ ಸಾರ್ವಜನಿಕರಿಗೆ ಮೀಸಲಾಗಿದೆ ಎಂದರು. 

ಕೋಟೇಶ್ವರ ಪಟ್ಟಾಭಿರಾಮಚಂದ್ರ ದೇವಸ್ಥಾನದ ಧರ್ಮದರ್ಶಿ ಶ್ರೀಧರ ವಿಠಲ ಕಾಮತ್ ಶುಭಾಶಂಸನೆಗೈದರು. ಪಿತೃಶಾಲೆ ಕೊಡುಗೆ ನೀಡಿದ ದಾನಿ ಲಕ್ಷ್ಮೀಕಾಂತ ಕೇಶವ ಭಟ್ ಅವರನ್ನು ಸನ್ಮಾನಿಸಲಾಯಿತು. ಸರಸ್ವತಿ ಲಕ್ಷೀಕಾಂತ ಭಟ್, ಕೃಷ್ಣನಾಂದ ಭಟ್, ವಿಠಲದಾಸ್ ಭಟ್, ಲಕ್ಷ್ಮೀ ಡಿ ಪೈ, ಸರೋಜಿನಿ ಆರ್.ಕಾಮತ್, ಜಯ ಆರ್. ಕಾಮತ್, ಪ್ರಧಾನ ತಂತ್ರಿ ಪ್ರಸನ್ನ ಕುಮಾರ್ ಐತಾಳ್, ವ್ಯವಸ್ಥಾಪನಾ ಸಮಿತಿ ಸದಸ್ಯರಾದ ಶ್ರೀನಿವಾಸ ಕುಂದರ್, ಶ್ರೀನಿವಾಸ ಶೇಟ್, ವಿನೋದ್‌ಶೇಟ್, ಕುಸುಮ ದೇವಾಡಿಗ, ವನಜಾ ಪೂಜಾರಿ ಉಪಸ್ಥಿತರಿದ್ದರು. ಪದ್ಮನಾಭ ಆಚಾರ್ಯ ಪ್ರಾರ್ಥಿಸಿದರು. ವ್ಯವಸ್ಥಾಪನಾ ಸಮಿತಿ ಸದಸ್ಯ ಗುರುರಾಜ್ ರಾವ್ ಕಾರ್ಯಕ್ರಮ ನಿರ್ವಹಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com