ಮಡಿಕಲ್ ಹೊರ ಬಂದರು ಕಾಮಗಾರಿಗೆ ಶೀಘ್ರ ಟೆಂಡರ್

ಬೈಂದೂರು: ರಾಜ್ಯ ಸರಕಾರ ಮೀನುಗಾರರ ಹಿತರಕ್ಷಣೆಗೆೆ ಬದ್ಧವಾಗಿದ್ದು, ಕರಾವಳಿಯ ಮೀನುಗಾರರ ಏಳಿಗೆಗಾಗಿ ಹತ್ತಾರು ಯೋಜನೆಗಳನ್ನು ಜಾರಿಗೆ ತಂದಿದೆ. ಉಪ್ಪುಂದ ಮೀನುಗಾರರ ಬಹುದಿನದ ಬೇಡಿಕೆಯಾದ ಮಡಿಕಲ್‌ನಲ್ಲಿ ಹೊರ ಬಂದರು ನಿರ್ಮಾಣಕ್ಕೆ ಸರ್ಕಾರ ಬಜೆಟ್‌ನಲ್ಲಿ ಘೋಷಣೆ ಮಾಡಿದ್ದು, ಅದಕ್ಕೆ ಶೀಘ್ರ ಟೆಂಡರ್ ಪ್ರಕ್ರಿಯೆ ನಡೆಯಲಿದೆ ಎಂದು ಶಾಸಕ ಕೆ. ಗೋಪಾಲ ಪೂಜಾರಿ ಹೇಳಿದರು. 

ಉಪ್ಪುಂದ ಮಾತಾಶ್ರೀ ಸಭಾಭವನದಲ್ಲಿ ಬೈಂದೂರು ವಲಯ ಮೀನುಗಾರರ ಹಿತರಕ್ಷಣಾ ಸಮಿತಿಯ ಆಶ್ರಯದಲ್ಲಿ ನಡೆದ ಉಪ್ಪುಂದ ಗ್ರಾಮದ ಮಡಿಕಲ್‌ನಲ್ಲಿ ನಿರ್ಮಾಣವಾಗಲಿರುವ ಹೊರಬಂದರು ಫಲಾನು ಭವಿಗಳ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. 

ಬಂದರು ಮತ್ತು ಮೀನುಗಾರಿಕಾ ಇಲಾಖೆಯ ನಿವತ್ತ ಸಹಾಯಕ ಅಭಿಯಂತರ ಎನ್. ಎಂ. ಖಾರ್ವಿ, ಬೈಂದೂರು ವಲಯ ಮೀನುಗಾರ ಹಿತರಕ್ಷಣಾ ಸಮಿತಿ ಅಧ್ಯಕ್ಷ ಕೆ. ನಾಗೇಶ ಖಾರ್ವಿ, ಬಂದರು ಮತ್ತು ಮೀನುಗಾರಿಕಾ ಇಲಾಖೆಯ ಅಧೀಕ್ಷಕ ಕಷ್ಣ ಜಾಂಬಾಳೆ, ಪುಣೆಯ ಕೇಂದ್ರಿಯ ಜಲಶಕ್ತಿ ಸಂಶೋಧನಾಧಿಕಾರಿ ಮಹಾಲಿಂಗ, ಮೀನುಗಾರಿಕಾ ಇಲಾಖೆಯ ಉಪನಿರ್ದೇಶಕ ಎಂ.ಡಿ. ಪ್ರಸಾದ್, ಉಡುಪಿ ಮೀನುಗಾರಿಕಾ ಇಲಾಖೆಯ ಜಂಟಿ ನಿರ್ದೇಶಕ ಗಣಪತಿ ಭಟ್, ಬಂದರು ಮತ್ತು ಮೀನುಗಾರಿಕಾ ಇಲಾಖೆಯ ಕಾರ್ಯನಿರ್ವಹಕ ಅಭಿಯಂತರ ರಾಥೋಡ್ ಉಪಸ್ಥಿತರಿದ್ದರು. 

ಬಂದರು ಮತ್ತು ಮೀನುಗಾರಿಕಾ ಇಲಾಖೆಯ ಸಹಾಯಕ ಅಭಿಯಂತರ ನಾಗರಾಜ, ಬೈಂದೂರು ವಲಯ ನಾಡದೋಣೆ ಮೀನುಗಾರರ ಸಂಘದ ಅಧ್ಯಕ್ಷ ಕುಮಾರ ಖಾರ್ವಿ, ಮಾಜಿ ಅಧ್ಯಕ್ಷ ಡಿ. ರಾಮಚಂದ್ರ ಖಾರ್ವಿ, ಉಪ್ಪುಂದ ಗ್ರಾ.ಪಂ. ಅಧ್ಯಕ್ಷ ಜಗನ್ನಾಥ, ಬೈಂದೂರು ವಲಯ ಮೀನುಗಾರ ಹಿತರಕ್ಷಣಾ ಸಮಿತಿಯ ಗೌರವ ಸಲಹೆಗಾರರಾದ ಬಿ.ಅಣ್ಣಪ್ಪ ಖಾರ್ವಿ, ಎ. ಪ್ರಭಾಕರ ಖಾರ್ವಿ, ಎಂ. ಗೋವಿಂದ ಖಾರ್ವಿ, ಶಿವರಾಜ ಖಾರ್ವಿ, ಎಂ. ಮಂಜುನಾಥ ಖಾರ್ವಿ, ಬಿ. ಈಶ್ವರ ಖಾರ್ವಿ ಮತ್ತಿತರರು ಉಪಸ್ಥಿತರಿದ್ದರು. 

ಸಭೆಯಲ್ಲಿ ಸುಮಾರು 500ಕ್ಕೂ ಮಿಕ್ಕಿ ಮೀನುಗಾರರು ಭಾಗವಹಿಸಿ ಉದ್ದೇಶಿತ ಹೊರಬಂದರು ಕಾಮಗಾರಿಯ ಬಗ್ಗೆ ಸೂಕ್ತ ಸಲಹೆ ಸೂಚನೆಗಳನ್ನು ನೀಡಿದರು. ಮೀನುಗಾರ ಮುಖಂಡ ಎಸ್. ಮದನ ಕುಮಾರ ಪ್ರಾಸ್ತಾವಿಕವಾಗಿ ಮಾತನಾಡಿ, ಹೊರ ಬಂದರು ಯೋಜನೆಯ ರೂಪುರೇಷೆಗಳ ಬಗ್ಗೆ ತಿಳಿಸಿದರು. ಜಿ.ಮಂಜುನಾಥ ಖಾರ್ವಿ ಸ್ವಾಗತಿಸಿ, ಸಮಿತಿಯ ಪ್ರಧಾನ ಕಾರ್ಯದರ್ಶಿ ವೆಂಕಟರಮಣ ಖಾರ್ವಿ ನಿರೂಪಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com