ಕೋಡಿ ಮುಂದುವರಿದ ಕಡಲ್ಕೊರೆತ

ಕುಂದಾಪುರ: ಕೋಡಿ ಶ್ರೀಹರಿ ಭಜನಾ ಮಂದಿರದ ಎದುರು ಶನಿವಾರ ರಾತ್ರಿ ಕಾಣಿಸಿಕೊಂಡ ಕಡಲ್ಕೊರೆತ ಭಾನುವಾರ ತೀವ್ರ ಸ್ವರೂಪ ಪಡೆದುಕೊಂಡಿದೆ. ಕೋಡಿ-ಞ;ಗಂಗೊಳ್ಳಿ ಅಳಿವೆ ಪ್ರದೇಶಕ್ಕೆ ಸನಿಹವಿರುವ ಈ ಭಾಗದಲ್ಲಿ ತೀರದ ಮರಳು ಕೊಚ್ಚಿಹೋಗಿದ್ದು ತೀರದಲ್ಲಿನ ಗಿಡಮರಗಳು ಸಮುದ್ರಪಾಲಾಗಿವೆ. ಮುಂಗಾರು ಮುಂಚಿತವಾಗಿ ಕಡಲ ಆರ್ಭಟ ಮೇರೆ ಮೀರಿರುವುದರಿಂದ ಸ್ಥಳೀಯರು ಆತಂಕಿತರಾಗಿದ್ದಾರೆ. 

ಬ್ರೇಕ್‌ವಾಟರ್ ಒತ್ತಡ: ಅಳಿವೆ ಪ್ರದೇಶದ ಉತ್ತರಕ್ಕೆ ಗಂಗೊಳ್ಳಿಯಲ್ಲಿ ಬ್ರೇಕ್ ವಾಟರ್ ನಿರ್ಮಾಣ ಕಾಮಗಾರಿ ಹೆಸರಿನಲ್ಲಿ ಕಲ್ಲುಗಳನ್ನು ಸಮುದ್ರಕ್ಕೆ ಹಾಕಿರುವುದರಿಂದ ನೀರಿನ ಒತ್ತಡ ಕೋಡಿಯತ್ತ ಮುಖ ಮಾಡಿದೆ. ಕಳೆದ ಬಾರಿಯೂ ಇದೇ ಪರಿಸ್ಥಿತಿ ಕೋಡಿ ಅಳಿವೆಯಲ್ಲಿ ಉಂಟಾಗಿತ್ತು. ಈ ಬಾರಿ ಮುಂಗಾರುವಿಗೆ ಮೊದಲೆ ಕೋಡಿ ಅಳಿವೆಯಿಂದ ಕೊಂಚ ದೂರದಲ್ಲಿ ಕಡಲ ಆರ್ಭಟ ಭಯಾನಕವಾಗಿ ಕಂಡುಬಂದಿದೆ. ಬ್ರೇಕ್‌ವಾಟರ್‌ನಿಂದಾಗಿ ನೀರಿನ ಒತ್ತಡ ಜನವಸತಿ ಹೊಂದಿರುವ ಕೋಡಿ ಕಡಲತೀರದತ್ತ ವಾಲಿಕೊಂಡಿದ್ದು ಅಪಾಯಕಾರಿ ಎನಿಸಿದೆ. ಜಿಲ್ಲಾಡಳಿತ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕು ಎಂದು ಸ್ಥಳೀಯ ಪುರಸಭೆ ಸದಸ್ಯ ಸಂದೀಪ್ ಆಗ್ರಹಿಸಿದ್ದಾರೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com