ಕನಕ-ಕಷ್ಣ: ಕಡಲತಡಿ ಮಾತುಕತೆ-ವಿಚಾರಗೋಷ್ಠಿ

ಕುಂದಾಪುರ: ಭಕ್ತಿ ಪಂಥ ರಾಷ್ಟ್ರೀಯ ನಕಾಶೆಯನ್ನು ಗೋಚರಪಡಿಸುತ್ತದೆ. ಕನಕ ನಡೆಯಲ್ಲಿಯೂ ಇದು ಸ್ಪಷ್ಟವಾಗಿ ಗೋಚರವಾಗಿದೆ. ದ್ವೈತ, ಅದ್ವೈತ ಹಾಗೂ ವಿಶಿಷ್ಟಾದ್ವೈತ ಸಿದ್ಧಾಂತಗಳು ಭಕ್ತಿ ಪಂಥದಲ್ಲಿ ವಿಶಿಷ್ಠವಾಗಿ ಗಮನ ಸಳೆಯುತ್ತದೆ. ದಾಸಶ್ರೇಷ್ಠರಲ್ಲಿ ಒಬ್ಬರಾದ ಕನಕದಾಸರು ಕಷ್ಣನನ್ನು ಭಕ್ತಿಯಿಂದ ಒಲಿಸಿಕೊಂಡು ತನ್ನ ದಾಸ ಸಾಹಿತ್ಯದಿಂದ ಗಮನ ಸೆಳೆದಿದ್ದಾರೆ ಎಂದು ಡಾ.ಶಿವರಾಮ ಶೆಟ್ಟಿ ಮಂಗಳೂರು ಅಭಿಪ್ರಾಯ ಪಟ್ಟರು. 

ಭಾನುವಾರ ಬೀಜಾಡಿ ಕಡಲತೀರದ ಕಡಲಮನೆ ವಠಾರದಲ್ಲಿ ರಾಷ್ಟ್ರೀಯ ಸಂತಕವಿ ಕನಕದಾಸ ಅಧ್ಯಯನ ಮತ್ತು ಸಂಶೋಧನಾ ಕೇಂದ್ರ-ಬೆಂಗಳೂರು ಇವರ ನೇತತ್ವದಲ್ಲಿ ಕನ್ನಡ ಪುಸ್ತಕ ಪ್ರಾಧಿಕಾರ ಬೆಂಗಳೂರು ಮತ್ತು ಜನಪ್ರತಿನಿಧಿ ಕುಂದಾಪುರ ಸಹಯೋಗದಲ್ಲಿ ಹಮ್ಮಿಕೊಂಡ ಕನಕ-ಕಷ್ಣ: ಕಡಲತಡಿ ಮಾತುಕತೆಯಲ್ಲಿ ಕಷ್ಣ ಭಕ್ತಿಯ ವಿವಿಧ ಧಾರೆಗಳು ಮತ್ತು ಕನಕದಾಸರ ನಡೆಗಳು ಕುರಿತ ವಿಚಾರಗೋಷ್ಠಿಯಲ್ಲಿ ಅವರು ವಿಷಯ ಮಂಡಿಸಿದರು. 

'ಇಲ್ಲಿನ ನುಡಿ ನಡೆಯಲ್ಲಿ ಕನಕ ಇದ್ದಾನೆ. ನಾನು ಎನ್ನುವ ಅಹಂ ಅದುಮಿಟ್ಟಾಗ ಕನಕನನ್ನು ನೋಡಲು ಸಾಧ್ಯ. ಭಕ್ತಿಯ ಸಂತ ಕವಿ ಕನಕದಾಸರನ್ನು ನಿರ್ದಿಷ್ಟತೆ, ನಿಶ್ಚಿತತೆಯಲ್ಲಿ ಬಂಧಿಸಲು ಸಾಧ್ಯವಿಲ್ಲ 'ಎಂದು ಅವರು ತಿಳಿಸಿದರು. 

ಡಾ. ವಾಸುದೇವ ಬೆಳ್ಳೆ ಉಡುಪಿ ಕಷ್ಣನ ಬಗ್ಗೆ ಮಾತನಾಡಿ, ಮೇಲೂ ಕೀಳು ಯಾವ ಮೂಲದಿಂದ ಬಂತು. ಆಚರಣೆಯ ಮೂಲ ಯಾವುದು ಅನ್ನುವ ಬಗ್ಗೆ ಮೊದಲಿಗೆ ಚರ್ಚೆ ನಡೆಯಬೇಕು. ಭಕ್ತಿಯ ಎದುರು ಆಚರಣೆ ಯಾವತ್ತೂ ಮೂಲ ಆಗದು ಎಂದು ಕೆಲವು ವಿದ್ವಾಂಸರು ಅಭಿಪ್ರಾಯಪಟ್ಟಿದ್ದಾರೆ ಎಂದು ಅವರು ಹೇಳಿದರು. 

ಡಾ. ಶ್ರೀಪಾದ ಶೆಟ್ಟಿ ಅವರು ಜಾನಪದ ಪರಂಪರೆಯಲ್ಲಿ ಕೃಷ್ಣ ಎನ್ನುವ ವಿಷಯದ ಕುರಿತು ಮಾತನಾಡಿ ಭಕ್ತಿಯ ಅನುಸಂಧಾನದ ನಡುವಿನ ಕವಿ ಕನಕ. ಜಾನಪದ ಪರಂಪರೆಯ ಹಿನ್ನೆಲೆಯಿಂದ ಬಂದ ಕನಕನ ಕಾವ್ಯಗಳಲ್ಲಿ ಜಾನಪದೀಯ ಅಂಶ ಕಾಣಬಹುದು. ಒಟ್ಟಾರೆಯಾಗಿ ಕನಕದಾಸರ ಚಿಂತನೆಗಳು, ಕನಕ ಪ್ರಜ್ಞೆ ಸಮುದಾಯಕ್ಕೆ ಅಗತ್ಯ ಎಂದು ಪ್ರತಿಪಾದಿಸಿದರು. 

ಪ್ರೊ.ಚಂದ್ರಶೇಖರ ನಂಗಲಿ ಕನ್ನಡ ಮಾರ್ಗ-ಕಾವ್ಯಗಳಲ್ಲಿ ಕಷ್ಣ ಸಮೀಕ್ಷೆ ವಿಚಾರವಾಗಿ ಮಾತನಾಡಿ ಕಷ್ಣನಲ್ಲಿ ಪುರೋಹಿತ ಶಾಹಿಯನ್ನು ಮೀರಿದ ಬದುಕಿನ ವೈವಿಧ್ಯತೆ ವೈಶಿಷ್ಟ್ಯತೆ ಕಾಣಬಹುದು. ಪುರೋಹಿತ ಶಾಹಿ ಎನ್ನುವುದು ಏಜೆನ್ಸಿ.ಭಕ್ತ ಏಜೆನ್ಸಿ ಅಲ್ಲ ಎಂದು ಹೇಳಿದ ಅವರು ಭಕ್ತ ಮತ್ತು ಭಗವಂತನ ನಡುವೆ ನೇರ ಸಂವಹನವನ್ನು ವಿಶೇಷವಾಗಿ ವಚನ ಸಾಹಿತ್ಯದಲ್ಲಿ ಕಾಣಬಹುದು ಎಂದರು. 

ಡಾ. ಕಾತ್ಯಾಯಿನಿ ಕುಂಜಿಬೆಟ್ಟು ಅವರು ಮಾಧ್ವಪರಂಪರೆ ಕಷ್ಣ, ಪಾದೆಕಲ್ಲು ವಿಷ್ಣು ಭಟ್ ಭಾಗವತ ಪರಂಪರೆಯ ಕಷ್ಣ, ಡಾ.ಕೆ.ಎಸ್. ಪವಿತ್ರ ವಾಗ್ಗೇಯ ಪರಂಪರೆಯಲ್ಲಿ ಕಷ್ಣ, ರಂಗನಾಥ ಅವರು ಕನಕರು ಕಂಡ ಕಷ್ಣನ ಕುರಿತಾಗಿ ಮಾತನಾಡಿದರು. ರಾಷ್ಟ್ರೀಯ ಸಂತಕವಿ ಕನಕದಾಸ ಅಧ್ಯಯನ ಮತ್ತು ಸಂಶೋಧನಾ ಕೇಂದ್ರದ ಸಮನ್ವಯಾಧಿಕಾರಿ ಕಾ.ತ.ಚಿಕ್ಕಣ್ಣ ಕಾರ್ಯಕ್ರಮ ನಿರ್ವಹಿಸಿದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com