ವಿದ್ಯಾರ್ಥಿನಿ ಸಾವು: ಬೈಂದೂರಿನಲ್ಲಿ ಬಹತ್ ಪ್ರತಿಭಟನೆ

ಬೈಂದೂರು: ಎರಡು ವಾರದ ಹಿಂದೆ ಶಿರೂರಿನ ಆಲಂದೂರು ಪ್ರದೇಶದಲ್ಲಿ ನಿಗೂಢವಾಗಿ ಮತಪಟ್ಟ ವಿದ್ಯಾರ್ಥಿನಿ ರತ್ನಾ ಕೊಠಾರಿಯ ತನಿಖೆ ನಿಧಾನಗತಿಯಲ್ಲಿ ಸಾಗುತ್ತಿದ್ದು ತ್ವರಿತ ತನಿಖೆಗೆ ಒತ್ತಾಯಿಸಿ ಉಪ್ಪುಂದ ಪೇಟೆಯ ವರ್ತಕರು, ರಿಕ್ಷಾ ಟೆಂಪೊ ಚಾಲಕ ಮಾಲೀಕರ ಸಂಘ ಹಾಗೂ ಬೈಂದೂರು, ಉಪ್ಪುಂದ ಮತ್ತು ಖಂಬದಕೋಣೆ, ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರ ನೇತತ್ವದಲ್ಲಿ ಶನಿವಾರ ಬಹತ್ ಪ್ರತಿಭಟನೆ ನಡೆಯಿತು. 

ಉಪ್ಪುಂದದಿಂದ ಬೈಂದೂರುವರೆಗೆ ವಾಹನ ರ‌್ಯಾಲಿಯಲ್ಲಿ ಆಗಮಿಸಿದ ಪ್ರತಿಭಟನಾಕಾರರು ವಿಶೇಷ ತಹಶೀಲ್ದಾರರ ಮೂಲಕ ಜಿಲ್ಲಾಡಳಿತ ಹಾಗೂ ಸರಕಾರಕ್ಕೆ ಮನವಿ ಸಲ್ಲಿಸಿದರು. ನಂತರ ಬೈಂದೂರು ರಥಬೀದಿ ಸರ್ಕಲ್‌ನಲ್ಲಿ ಜಮಾಯಿಸಿ ಸರಕಾರದ ವಿರುದ್ಧ ಘೋಷಣೆ ಕೂಗಿದರು. ರತ್ನಾ ಸಾವಿನ ಬಗ್ಗೆ ಕೂಲಂಕುಶ ತನಿಖೆ ನಡೆಸಿ 15ದಿನಗಳೊಳಗೆ ತಪ್ಪಿತಸ್ಥರನ್ನು ಬಂಧಿಸಿ ಸಂತ್ರಸ್ಥರಿಗೆ ನ್ಯಾಯ ಒದಗಿಸಿ ಕೊಡಬೇಕು. ಇಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ತಾಲೂಕಿನಾದ್ಯಂತ ಉಗ್ರಹೋರಾಟ ನಡೆಸುವುದಾಗಿ ನ್ಯಾಯವಾದಿ ರಾಘವೇಂದ್ರ ಈ ಸಂದರ್ಭದಲ್ಲಿ ಎಚ್ಚರಿಕೆ ನೀಡಿದರು. 

ಬೈಂದೂರು ಚರ್ಚಿನ ಕೆಥೊಲಿಕ್ ಸಭಾದ ನೂರಾರು ಮಹಿಳಾ ಕಾರ‌್ಯಕರ್ತರು, ಮೀನು ಮಾರಾಟದ ಮಹಿಳೆಯರು ಆಗಮಿಸಿ ಪ್ರತಿಭಟನೆಗೆ ಸಾಥ್ ನೀಡಿ ನ್ಯಾಯಕ್ಕಾಗಿ ನಡೆಯುವ ಹೋರಾಟದಲ್ಲಿ ಭಾಗಿಗಳಾದರು. ವರ್ತಕರ ಪರವಾಗಿ ಸುಧಾಕರ ಶೆಟ್ಟಿ, ಬಿಜೂರು ಅರೆಕಲ್ಲು ಕಿರಿದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ರಾಜೇಂದ್ರ, ಉಪ್ಪುಂದ ಶ್ರೀ ದುರ್ಗಾಪರಮೇಶ್ವರಿ ದೇವಳದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಜಯರಾಮ ಶೆಟ್ಟಿ, ರಿಕ್ಷಾ-ಟೆಂಪೋ ಚಾಲಕ ಮಾಲಕರ ಸಂಘದ ಕಾರ್ಯದರ್ಶಿ ಕಷ್ಣ ಖಾರ್ವಿ, ವಕೀಲ ವಿಶ್ವನಾಥ ಗಂಟಿಹೊಳೆ ಪ್ರತಿಭಟನೆಯ ನೇತತ್ವ ವಹಿಸಿದ್ದರು.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com