ಸ್ಪೂರ್ತಿಧಾಮದಲ್ಲಿನ ಅನಾಥ ಮಕ್ಕಳ ಹೆತ್ತವರಿಗೆ ಹುಡುಕಾಟ

ಉಡುಪಿ: ಕೋಟ ಸಮೀಪದ ಬೇಲೂರು ಕೆದೂರಿನ ಸ್ಪೂರ್ತಿಧಾಮದಲ್ಲಿ ಆಶ್ರಯ ಪಡೆದಿರುವ ಅನಾಥ ಮಕ್ಕಳಾದ ವೆಂಕಟೇಶ್(3) ಹಾಗೂ ಫಾರೂಕ್(6) ಅವರ ಪೋಷಕರ ಪತ್ತೆಗೆ ಸಾರ್ವಜನಿಕರ ಸಹಕಾರವನ್ನು ಸಂಸ್ಥೆ ಕೋರಿದೆ.

ಈ ಬಗ್ಗೆ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಸಂಸ್ಥೆಯ ಮುಖ್ಯಸ್ಥ ಡಾ.ಕೇಶವ ಕೋಟೇಶ್ವರ ಅವರು ಕಳೆದ ಜೂನ್ 4ರಂದು ಉಡುಪಿ ರೈಲ್ವೆ ಫ್ಲಾಟ್‌ಪಾರಂನಲ್ಲಿ ರೈಲ್ವೆ ಭದ್ರತಾ ಸಿಬ್ಬಂದಿಗಳಿಗೆ ಸಿಕ್ಕಿದ ಫಾರೂಕ್ ಹಾಗೂ ಮೂರುವರೆ ತಿಂಗಳ ಹಿಂದೆ ಶಿವಮೊಗ್ಗ ಬಸ್ ನಿಲ್ದಾಣದಲ್ಲಿ ಪತ್ತೆಯಾದ ವೆಂಕಟೇಶ್ (ದುಗ್ಗ ) ಅವರನ್ನು ಜಿಲ್ಲಾ ಮಕ್ಕಳ ಕಲ್ಯಾಣ ಸಮಿತಿಯ ಕೋರಿಕೆಯಂತೆ ಸ್ಪೂರ್ತಿಧಾಮದಲ್ಲಿ ಆಶ್ರಯ ಕಲ್ಪಿಸಲಾಗಿದೆ ಎಂದರು.

ವೆಂಕಟೇಶ್ ಎಂಬ ಬಾಲಕ ಸುಮಾರು 3ವರ್ಷ ಪ್ರಾಯದವನಾಗಿದ್ದು,ಬಿಳಿ ಬಣ್ಣ, ಎಡಗಾಲಿನ ಹಿಂಬದಿಯಲ್ಲಿ ಮಚ್ಚೆ ಹೊಂದಿದ್ದಾನೆ. ಕುಟುಂಬದ ಬಗ್ಗೆ ವಿಚಾರಿಸಿದಾಗ ತಂದೆ ನಾಗರಾಜ ಎನ್ನುತ್ತಾನೆ. ಹಾಗೆಯೇ ಫಾರೂಕ್ ತನ್ನ ತಂದೆ ಬಾಬು, ತಾಯಿ ರೆಜಿನಾ ಎಂದೂ ತಮ್ಮ ಊರು ಮಹಾರಾಷ್ಟ್ರದ ಇಂಡಿ ಎನ್ನುತ್ತಾನೆ. ಕಪ್ಪು ಬಣ್ಣ, ಕೋಲು ಮುಖ, ಮರಾಠಿ ಭಾಷೆ ಮಾತನಾಡುತ್ತಾನೆ ಎಂದು ಅವರು ಮಾಹಿತಿ ನೀಡಿದರು.

ಸಾರ್ವಜನಿಕರು ಈ ಇಬ್ಬರು ಬಾಲಕರ ಪೋಷಕರ ಬಗ್ಗೆ ತಿಳಿದಿದ್ದಲ್ಲಿ ತಮ್ಮ ಮಾಹಿತಿಯನ್ನು ಸ್ಪೂರ್ತಿ ಧಾಮದ ಮುಖ್ಯಸ್ಥ ಡಾ.ಕೇಶವ ಕೋಟೇಶ್ವರ ಅವರ ಮೊ.ಸಂಖ್ಯೆ 9448984119, 9449101180, 9483918800ನ್ನು ಸಂಪರ್ಕಿಸಲು ಕೋರಲಾಗಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com