ದಿಕ್ಕು ತಪ್ಪಿದ ಬಾಲಕರಿಗೆ ನಾಗರಿಕರ ರಕ್ಷಣೆ

ಕುಂದಾಪುರ: ತ್ರಿವೇಂಡ್ರಮ್‌ನಿಂದ ಉತ್ತರ ಪ್ರದೇಶಕ್ಕೆ ಕುಟುಂಬಿಕರೊಂದಿಗೆ ಹೊರಟಿದ್ದ ಇಬ್ಬರು ಬಾಲಕರು ಗುರುವಾರ ಸಂಜೆ ಕೋಟೇಶ್ವರ ತಲುಪಿ ದಿಕ್ಕು ಕಾಣದೆ ಕಂಗೆಟ್ಟಿದ್ದ ಸಂದರ್ಭ ಸ್ಥಳೀಯ ನಾಗರಿಕರು ರಕ್ಷಣೆ ನೀಡಿದ್ದಾರೆ. 

ಕುಂದಾಪುರ ರೈಲ್ವೆ ನಿಲ್ದಾಣದಲ್ಲಿ ರೈಲು ನಿಲುಗಡೆ ಸಂದರ್ಭ ಕೆಳಗಿಳಿದ ಉತ್ತರ ಪ್ರದೇಶದ ಪಿಂಟೋ ಯಾದವ್ (16) ಹಾಗೂ ಅಜೇಯ್ (12) ಮರಳುವಷ್ಟರಲ್ಲಿ ರೈಲು ಅಲ್ಲಿಂದ ತೆರಳಿತ್ತು. ದಿಕ್ಕು ತೋಚದೆ ಕುಂದಾಪುರಕ್ಕೆ ಬಂದು ಅಲ್ಲಿಂದ ಕೋಟೇಶ್ವರದಲ್ಲಿ ಅಡ್ಡಾಡುತ್ತಿದ್ದ ವೇಳೆ ಕೋಟೇಶ್ವರ ಆಟೋ ಚಾಲಕರ ಕಣ್ಣಿಗೆ ಬಿದ್ದಿದ್ದು ತಕ್ಷಣ ನಾಗರಿಕರು ಹಾಗೂ ಆಟೋ ಚಾಲಕರು ಕುಂದಾಪುರ ಮಕ್ಕಳ ಸಹಾಯವಾಣಿ ಕೇಂದ್ರ ಸಂಪರ್ಕಿಸಿದ್ದು, ಪೊಲೀಸರು ಆಗಮಿಸಿ ಮಕ್ಕಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. 

ಅವರನ್ನು ವಿಚಾರಣೆ ನಡೆಸಿ ಬಳಿಕ ಹೆತ್ತವರ ಮಾಹಿತಿ ಕಲೆ ಹಾಕಿದ್ದು ಅವರಿಗೆ ಸಂದೇಶ ರವಾನಿಸಲಾಗಿದೆ. ಪೊಷಕರು ಕುಂದಾಪುರಕ್ಕೆ ತಲುಪುವ ಭರವಸೆ ನೀಡಿದ್ದು, ಸದ್ಯ ಮಕ್ಕಳನ್ನು ನಮ್ಮ ಭೂಮಿ ಪುನರ್ವಸತಿ ಕೇಂದ್ರದಲ್ಲಿರಿಸಲಾಗಿದೆ.
ಇತರೆ ಸುದ್ದಿಗಳು:


ಈ ಸುದ್ದಿಯನ್ನು Share ಮಾಡಿ :

0 comments:

Post a Comment

 
© Copyright 2013-14 Kundapura News - ಕುಂದಾಪ್ರ ಡಾಟ್ ಕಾಂ ಸುದ್ದಿ All Rights Reserved.
Template Design by Herdiansyah Hamzah | Sunil Byndoor * Powered by Kundapra Dot Com